ខេត្តកំពង់ធំ៖ក្រោយ រឿងអាស្រូវពុករលួយរបស់ លោកសុខ សុខផល ប្រធានមន្ទីរសេដ្ឋកិច្ចនិងហិរញ្ញវត្ថុខេត្តកំពង់ធំនោះ លោករដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុបានចាត់តាំង គណៈប្រតិភូមួយក្រុមដែលដឹកនាំដោយ លោកជាវុធណា អគ្គនាយកនៃអគ្គនាយកដ្ឋានសវនកម្មផ្ទៃក្នុងជាប្រធាន លោកទក សុខុម និងលោកហេង រដ្ឋាជាសមាជិកគណៈប្រតិភូចុះបើកការស៊ើបអង្កេត រយៈពេលពីថ្ងៃ១៧១៨ខែមិនាឆ្នាំ២០១៤។ ជាមួយគ្នានេះដែរគណៈប្រតិភូក៍បានកោះហៅមន្ត្រីគ្រប់រូបនៅក្នុងមន្ទីរសាកសួរម្តងមួយៗជាសម្ងាត់ដើម្បីស្វែងរកការពិត។ ហើយនៅក្នុងពេលសាកសួរនោះមានមន្ត្រីថ្នាក់ខ្ពស់ជាច្រើននៅក្នុងមន្ទីរបានទម្លាយរឿងអាស្រូវរបស់លោកប្រធានមន្ទីរសុខសុខផលជូនទៅគណៈប្រតិភូផងដែរ។ ចំពោះមន្ត្រីមួយចំនួនទៀតមិនហ៊ាននិយាយស្តីនោះទេដោយ ខ្លាច លោកសុខ សុខផល ដឹងនិងមានការគុំគួន។ តាមប្រភពដដែលបានឲ្យដឹងថាក្រោយពីបញ្ច ប់ការសាកសួរនៅក្នុងមន្ទីរ សេដ្ឋកិច្ចនិងហិរញ្ញវត្ថុគណៈប្រតិភូក៍បានចុះទៅធ្វើការសារសួរតា មមន្ទីរមួយចំនួនទៀតនិងចុងក្រោយបានជួបជាមួយលោកអភិបាលខេត្ត។ក្រោយពីការមានចុះ ស៊ើបអង្កេតរបស់ក្រសួងសេដ្ឋកិច្ចនិងហិរញ្ញវត្ថុបានធ្វើឲ្យមន្ត្រី ជាច្រើនដែលធ្លាប់តែរង់ការគាបសង្កត់ពីលោកប្រធានមន្ទីរសុខ សុខផល បានសម្តែងនូវការសារទរ និងអំពាវនាវសូមឲ្យថ្នាក់ដឹកនាំក្រសួងចាត់វិធា នការតាមផ្លូវច្បាប់លើករណីរឿងអំពើពុករលួយរបស់លោកសុខ សុខផល នេះជាបន្ទាន់។
រឿងអាស្រូវសំខាន់ៗរបស់ លោក សុខ សុផលចាប់តាំងពីលោកសុខ សុផល ត្រូវបានក្រសួងសេដ្ឋកិច្ចនិងហិរញ្ញវត្ថុតំឡើងតួនាទីតែងតាំងពី អនុប្រធានការិយាល័យថវិកាវិស័យរដ្ឋបាលទូទៅនាយកដ្ឋានថវិការបស់ក្រសួងមកជាប្រធានមន្ទីរសេដ្ឋកិច្ចនិងហិរញ្ញវត្ថុខេត្តកំពង់ធំតាមប្រកាសលេខ ៥៨៩ ហសវ.ប្រក ចុះថ្ងៃទី១៥ ខែកក្កដា ឆ្នាំ២០០៩។ក្រោយពេលលោកសុខ សុផល ចូលកាន់តំណែងជា ប្រធានមន្ទីរភ្លាមលោកសុខសុផលបានបង្កើតរឿងអាស្រូវនិងការប្រព្រឹត្តអំពើពុករលួយជាច្រើនករណីដែលរៀបរាប់រយៈពេល៣យប់៣ថ្ងៃក៍មិនអស់ដែរ។ ប៉ុន្តែសូមលើកយករឿងសំខាន់ៗមកលាតត្រដាងជូនប្រិយ៍មិត្តអ្នកអានមានដូចតទៅ៖
កាលចុងឆ្នាំ២០១៣លោកសុខ សុផល ត្រូវបានសាលាដំបូងខេត្តកំពង់ធំកោះហៅសាក សួរពាក់ព័ន្ធនិងសំណុំរឿងរបស់អង្គភាពប្រឆាំងអំពើពុករលួយ ។ប៉ុន្តែចំណាត់ការនេះស្ងាត់ឈឹង!ទៅវិញ មិនដឹងថាតុលាការចាត់យ៉ាងណាទេ។
ហើយលោកសុខ សុផល បានធ្វើការបែងចែកភារកិច្ចឲ្យមន្ត្រីជំនាញទទួលបន្ទុកតាមបណ្តា មន្ទីរអង្គភាព និងក្រុង ស្រុក មិនបានត្រឹមត្រូវដោយរូបគាត់ តែងតែជំនះប្រគល់ការងារឲ្យលោកឈ ឈុនសេង ដែលជាប្រធានការិយាល័យទ្រព្យសម្បត្តិរដ្ឋឲ្យទទួលបន្ទុកបន្ថែមមន្ទីរវប្បធម៌ និងសាលា ដំបូងខេត្តទៀត ទោះបីជាមានការជំនាស់តវ៉ាពីមន្ត្រីក្រោមឪវាទក៍ដោយលោកនិយាយថាខ្ញុំជាប្រធាន មន្ទីរ ខ្ញុំមានសិទ្ធិសម្រេចឲ្យអ្នកណាក៍បាន។លោកឈ ឈុនសេង ប្រធានការិយាល័យទ្រព្យសម្បត្តិរដ្ឋ ជាអ្នកគ្រប់គ្រងចំណូល ភាស៊ីផ្សារ ចំណតរថយន្ត ទីសត្តឃាដ និងបង្កាន់ដៃចំណូលគ្រប់បណ្តា អង្គភាពដែលមានចំណូល ហើយទទួលបានប្រាក់រង្វាន់ រាប់សិបដុល្លារ មិនឃើញបែងចែកទៅណាទេ ប្រហែលជាសំងំស៊ីដាច់តែពីរនាក់ លោកសុខ សុផល ហើយមើលទៅ? ព័ត៌មានពីអ្នក រត់តាកស៊ី ថាសព្វថ្ងៃគាត់បង់ឲ្យម្ចាស់ចំណត សំរាប់រថយន្តតូចបង់១៥.០០០៛ រថយន្តទួរីសបង់២៥.០០០៛ ដោយមិនទាន់គិតដល់ពេលមានបុណ្យទានផង។បើតាមច្បាប់រថយន្តតូចបង់៤០០០៛ រថយន្តទួរីស ៦០០០៛ នេះមកពីមានការឃុបឃិតគ្នាជាមួយលោកសុខ សុផល ប្រធានមន្ទីរសេដ្ឋកិច្ចនិងហិរញ្ញវត្ថុ បានជាចំណតយកលើសសៀវភៅបន្ទុករាប់ឆ្នាំ ៕
