ព្រះវិហារៈ ប្រជាពលរដ្ឋមួយចំនួនកំពុងតែចាញ់ បោកឈ្មួញទុច្ចរិតជើងខ្លាំងមួយ រូបបានជម្រុញឱ្យអ្នកទាំងអស់ នោះចូលក្នុងព្រៃដើម្បីកាប់ឈើ លក់ឱ្យទៅឈ្មួញទុច្ចរិតរូបនោះ ធ្វើអាជីវកម្មបទល្មើសព្រៃឈើ ពេញបន្ទុកដោយគ្មានចំណាត់ការ និងការទប់ស្កាត់ពីមន្រ្តីជំនាញឡើយ ។
តាមប្រភពព័ត៌មានពីប្រជាពលរដ្ឋដែលសុំមិនបញ្ចោញ ឈ្មោះរស់នៅឃុំស្តៅ ស្រុក សង្គមថ្មីបានអោយដឹងថា ក្រុម ឈ្មួញដែលប្រមូលទិញឈើ ប្រភេទធ្នង់ខាងលើ ត្រូវបានគេ ស្គាល់ឈ្មោះ ស្រេង ម៉េង ជា ថៅកែដុះស្លែនៅទីនោះដែល បងប្អូនប្រជាពលរដ្ឋតែងតែ យកគោយន្តទៅដឹកជញ្ជូនឈើ ស៊ីឈ្នួលឱ្យក្រុមឈ្មួញខាងលើ មកស្តុកទុកត្រៀមប្រមូលដាក់ រថយន្ត យីឌុបដឹក ជញ្ជូនបន្ត ឆ្ពោះ ទៅកាន់ខេត្ត កំពង់ចាម ហើយបន្តលក់ទៅប្រទេសវៀត ណាម ។
ជាក់ស្តែងនៅក្នុងភូមិសច្ច ឃុំស្តៅ ស្រុកសង្គមថ្មី មានគំនរ ឈើប្រភេទធ្នង់ជាច្រើនម៉ែត្រ គូប ដែលក្រុមឈ្មួញស្តុកទុក ៣ កន្លែង គឺទី១-នៅក្នុងទីស្នាក់ ការប៉ុស្តិ៍នគរបាលរដ្ឋបាលស្តៅ, ទី២-នៅទល់មុខប៉ុស្តិ៍ នគរបាល ស្តៅ និងទី៣-នៅអែបរបង អនុវិទ្យាល័យស្តៅ ដែលមេ ឈ្មួញល្បីល្បាញឈ្មោះប្រចាំ ខេត្តព្រះវិហារ ទិញពីប្រជាពល រដ្ឋបង្កប់ក្នុងឈើរបស់ក្រុមហ៊ុន ស្របច្បាប់យក ទៅលក់ ។
លោក អ៊ិត ភូម្រា នាយ ខណ្ឌរដ្ឋបាលព្រៃឈើព្រះវិហារ លោកឆ្លើយថាទៅមើលរហូត។ ពេលសួរម្តងទៀតលោកលើក ទូរស័ព្ទឆ្លើយថា“អាឡូៗៗ”ជាប់ មាត់រហូតដែលគេនិយាយថា ជាល្បិចរបស់លោកនាយខណ្ឌ ដែលទុកឱកាសឱ្យក្រុមឈ្មួញ លើកឈើដាក់លើរថយន្តដើម្បី ដឹកជញ្ជូនចេញពីទីតាំងដែលគរ ឈើប្រណីតគ្រប់ប្រភេទមាន ទាំងឈើគ្រញូងទៀតផង។
គេហទំព័រសង្រ្គោះរាស្រ្ត មិនអាចទាក់ ទងលោក អ៊ុំ ម៉ារ៉ា អភិបាលនៃ គណៈអភិបាលខេត្តព្រះវិហារ ដើម្បីបំភ្លឺជុំវិញករណីនេះទេ ដោយទូរស័ព្ទ ចូលជាច្រើនដង តែគ្មានអ្នកទទួល ។ ចំណែក លោក ឯម មុនី នាយរងអធិ- ការដ្ឋានរដ្ឋបាលព្រៃឈើខាង ជើងបឹងទន្លេសាបលោកឆ្លើយ ថា មានឈើឯណា ៦០ម៉ែត្រ គូប គឺវាមានច្រើនលើសពីនេះ ទៅទៀត ។ លោកប្រាប់ថា វា មានការលំបាកណាស់ក្នុងបង្ក្រាប ព្រោះមានការទើសទាល់ជា មួយមេឈ្នួញឈ្មោះ ស្រេង ម៉េង ។
គួរបញ្ជាក់ថា ព្រៃឈើនៅ ខេត្តព្រះវិហារកំពុងតែទទួល រងការកាប់ទន្ទ្រានផ្តាច់ពូជ ក្រោមស្នាដៃក្រុមឈ្មួញទុច្ចរិត រកស៊ីបទល្មើសព្រៃឈើជាអាជីព ដែលមានលុយវាល់លានដុល្លារ ចាយមិនអស់យកមកដាក់ទុន បំផ្លិចបំផ្លាញព្រៃឈើធ្វើជាអាជីវកម្មដែលបញ្ហានេះសមត្ថកិច្ច ជំនាញ គួរចាត់វិធានការផង ដែលគេបានដឹងថាមានក្រុមហ៊ុន ដីសម្បទានសេដ្ឋកិច្ចចំនួន ៧ ដែល ទទួលបានអាជ្ញាប័ណ្ណ គ្រប់ គ្រងដីសម្បទានសេដ្ឋកិច្ចនៅ ក្នុងខេត្តសម្បូរព្រៃឈើមួយ នេះ។
