តាមព័ត៌មានចេញពីក្រុមញៀនល្បែងគ្រប់ប្រភេទមានបៀរនិងអាប៉ោង និងញៀនល្បែងជល់មាន់បានឱ្យការិយា ល័យរបស់ យើងដឹងថា ឈ្មោះ ឈឿន ប៊ុនឆន នេះបានជួលកាស៊ីណូកុកអាន ជ្រកក្រោមឡាយសិន កាស៊ីណូបើក សង្វៀន បញ្ជល់មាន់ធ្វើអាជីវកម្មយ៉ាងអនាធិបតេយ្យបំផុត។តាមការឱ្យដឹងពីក្រុមញៀនល្បែងបានបន្តទៀតថាក្នុង១ថ្ងៃៗមានជនជាតិខ្មែរទាំងអ្នកស្រុកនិងអ្នកចម្ងាយបានចូលទៅលេងល្បែងប្រជាប្រិយភាពជ្រកក្រោមកាស៊ីណូនោះ រាប់រយរាប់ពាន់នាក់យ៉ាងអធឹកអធមបំផុតដែលករណីនេះវាខុសទៅនិងគោលការណ៍របស់កាស៊ីណូនិងច្បាប់រដ្ឋាភិបាលដែលហាមប្រាមមិនឱ្យប្រជាពលរដ្ឋខ្មែរ ចូលលេង ។ភាពល្បីល្បាញរបស់ឈ្មោះ ឈឿន ប៊ុនឆន បច្ចុប្បន្នអាងអំណាចស្ទើរពេញទាំងខេត្តកណ្តាលទាំងមូលដោយពើងទ្រូងអាងខ្លួនជាកូនរបស់អ្នកមានអំណាចទើបធ្វើអ្វីខុសច្បាប់ក៏គ្មានសមត្ថកិច្ចណាមួយហ៊ានប៉ះពាល់ឡើយគួររំលឹកថាដោយសារតែអំណាចរបស់ឈ្មោះឈឿនប៊ុនឆនមានឥទ្ធិពលនិងគ្មានសមត្ថកិច្ចណាហ៊ានទៅប៉ះពាល់នោះដោយសារតែគាត់គឺជាកូនប្រុសរបស់អភិបាលខេត្តកណ្តាល ឈ្មោះផៃប៊ុនឈឿនមកកាងបើកសង្វៀនបញ្ជល់មាន់នៅកាស៊ីណូកុកអានព្រំដែនជ្រៃធំនេះតាមសមត្ថកិច្ចមួយចំនួននិយាយថាមានមេការមួយរបស់លោកឈឿនប៊ុនឆនឈ្មោះតាឡេងគឺជាមេការនិងជាអ្នកចាត់ចែងផ្តល់លាភសក្ការៈបិទមាត់ក្រុមអាជ្ញាធរហើយដែលក្រុមជំនាញមួយចំនួនមិនហ៊ានទៅក្បែរទេបើទោះជាមានជម្លោះបង្កបញ្ហាកើតឡើងបង្កជារបួសស្នាមលើប្រជាពលរដ្ឋល្បែងក៏ដោយក៏ព្រោះតែមេការរូបនេះហារឡើងយកឈ្មោះអភិបាលខេត្តកណ្តាលនិងកូនអភិបាលខេត្តមកកាងដែលបញ្ហានេះមិនអាចឱ្យក្រុមសមត្ថ កិច្ចណាហ៊ានទៅក្បែរសំបុកល្បែងនិងបញ្ជល់មាន់ខុសច្បាប់ជ្រគក្រោមកាស៊ីណូខុសច្បាប់របស់ឈឿនប៊ុនឆនកូនអភិបាលខេត្តកណ្តាលឡើយពាក់ព័ន្ធនឹងបញ្ហានេះវាគឺជាកាស៊ីណូដែលរំលោភទៅលើលក្ខខណ្ឌបំរាមក្រសួងមហាផ្ទៃនិងរដ្ឋាភិបាលកម្ពុជាដែលបញ្ហានេះមិនគួរមហាផ្ទៃមើលរំលងទង្វើរបស់លោក ផៃប៊ុនឈឿនបណ្តោយឱ្យកូនទៅបើកសង្វៀនបញ្ជល់មាន់កេណ្ឌឱ្យប្រជាពលរដ្ឋញៀនល្បែងទៅលេងខុសច្បាប់នោះទេ ៕
