ខេត្ដកំពង់ចាម ៖ លោក ផ្លង់ អោន ជាប្រធានច្រកដារ ស្រុកមេមត់ ខេត្ដកំពង់ចាម បានផ្ដល់ឱកាសឱ្យមន្ដ្រីជំនិតជំរិតយកលុយពីកសិករដែលយកកសិផលនិងកសិ ឧស្សាហកម្មដឹកតាមរថយន្ដតូចធំទៅលក់នៅព្រំដែនប្រទេសវៀតណាមយ៉ាងសម្បើមដៃដោយមិនខ្លាចរអែងច្បាប់ ។ប្រជាពលរដ្ឋរិះគន់យ៉ាងខ្លាំងចំពោះ លោកផ្លង់ អោន ជាប្រធានច្រក ដារហៅ ដូង៧ដើមថាជាក្រុមជនឆ្លៀតឱកាស ខណៈដែលប្រជាពលរដ្ឋដឹកជញ្ជូនកសិ ផលនិងកសិឧស្សាហកម្មមានដូចជា ដំឡូងមី ពោតក្រហម ស្រូវដឹកតាមរថ យន្ដតូចធំនាំយកទៅលក់នៅតាមព្រំដែនវៀតណាមនៅក្នុងមួយថ្ងៃៗរាប់រយគ្រឿងគឺត្រូវចំណាយលុយក្នុងរថយន្ដ១គ្រឿងក្នុង តម្លៃរហូតដល់ទៅ៨ទៅ១២ម៉ឺនរៀល និង ម៉ូតូដឹកជ័រកៅស៊ូក្នុងម៉ូតូ១គ្រឿងតំរូវឱ្យបង់រហូត៣ម៉ឺនរៀលឯណោះ ។ សូម្បីប្រជា កសិករដឹកដំឡូងតាមគោយន្ដកន្ដ្រៃហៅកាឡេថងក៏មិនលើកលែងដែរគឺបង់៤ម៉ឺនរៀល ។លោកម៉ន សាលី ប្រជាកសិករនៅ ភូមិស្រែជ្រាំឃុំដារបានឱ្យដឹងថា ក្នុង រដូវប្រមូលផលដំឡូងមីនៅឆ្នាំនេះគឺទទួលផលល្អនិងតំលៃទីផ្សារបានល្អហើយបានដឹកយកទៅលក់នៅតាមព្រំដែនវៀតណាមគឺដឹកឆ្លងកាត់ច្រកដារហៅដូង៧ដើមគឺ ត្រូវបានចំណាយលុយយ៉ាងច្រើនទើប អាចដឹកឆ្លងកាត់ច្រកបានេដោយចំណាយគឺក្នុងរថយន្ដកែឆ្នៃគឺគោយន្ដចំណាយ៦ ទៅ៨ម៉ឺនរៀល ។ ហើយរថយន្ដធំគឺចំណាយ ១០ទៅ១២ម៉ឺនរៀលតំលៃនេះអាចបន្ធូរបន្ថយពេលយើងដឹកឆ្លងកាត់ច្រើនរថយន្ដសូម្បីគោយន្ដកន្ដ្រៃហៅកាឡេថងក៏បង់លុយដែរគឺបង់៤ម៉ឺនរៀល ។លោកវ៉ាសុខប្រជាកសិករនៅភូមិ មែកពុកឃុំដាស្រុកមេមត់ជាប្រជាកសិករដឹកពោតក្រហមវិញបានរៀបរាប់ស្រដៀងនិងប្រជាកសិករដឹកដំឡូងដែរ គឺការ ចំណាយសម្រាប់ឆ្លងកាត់ច្រកគឺចំណាយលុយយ៉ាងច្រើនហើយការចំណាយនេះ បានធ្វើឱ្យគាត់ពិបាករកប្រាក់សម្រាប់ ទ្រទ្រង់គ្រួសារ ។សមាជិកក្រុមប្រឹក្សាឃុំដាសូមមិនបញ្ចេញឈ្មោះបានគូសបញ្ជាក់ថាកសិផល និងកសិឧស្សាហកម្មគេសង្កេតឃើញ ប្រជាកសិករមកពីគ្រប់ទិសទីបានដឹក ដំឡូងមីដឹកពោតក្រហមតាមរថយន្ដតូចធំ ព្រមទាំងជ័រកៅស៊ូស្អុយដឹកតាមម៉ូតូ និងរថយន្ដតូចៗរាប់រយគ្រឿងក្នុង១ថ្ងៃៗ ដើម្បីយកទៅលក់នៅព្រំដែនប្រទេសវៀតណាមឆ្លងកាត់ច្រកដារហៅដូង៧ដើម ស្ថិតនៅស្រុកមេមត់ ។ ប្រជាពលរដ្ឋរអ៊ូរ ទាំថា សមត្ថកិច្ចនៅច្រកដាបានយក លុយពីគាត់គឺរថយន្ដដឹកដំឡូង១គ្រឿងក្នុងតម្លៃរហូតដល់ទៅ៨ទៅ១២ម៉ឺនរៀលនិងម៉ូតូដឹកជ័រកៅស៊ូក្នុងម៉ូតូ១គ្រឿងតំរូវឱ្យបង់រហូត៣ម៉ឺនរៀលឯណោះ ។សូម្បីប្រជាកសិករដឹកតាមគោយន្ដកន្ដ្រៃហៅកាឡេថងក៏មិនលើកលែងដែរ គឺបង់៤ម៉ឺនរៀល ។ ការដែលសមត្ដកិច្ច ច្រកយកលុយពីប្រជាកសិករដែលនាំ កសិផលយកទៅលក់តាមព្រំដែនច្រើន បែបនេះគឺប៉ះពាល់ជីវភាពប្រជាពលរដ្ឋ យ៉ាងធ្ងន់ធ្ងរ ៕
