តាមរបាយការណ៍ថ្មីៗដែលការិយាល័យយើងទទួលបានឱ្យដឹងថា ក្នុងចំណោមជនគ្រឿងញៀនដែលបង្ក្រាប បានកាលពីថ្ងៃទី ០២ រហូតថ្ងៃទី ០៤-០៥ នេះ គឺមានជនគ្រឿងញៀនជាង ១០នាក់ ដែលមានខ្សែ និងខ្នងបង្អែកធំ ថ្នាក់ផ្កាយ និងឧកញ៉ាកាស៊ីណូ នៅប៉ោយប៉ែត ។ ហើយជនគ្រឿងញៀនដែលតាមរបាយការណ៍ថា រត់បាតា់ ០៧នាក់ នោះ គឺជាខ្សែឧកញ៉ា និងជាមនុស្សបក្ខពួកសាច់ញាតិខ្សែរបស់អ្នកធំថ្នាក់ផ្កាយ ៣-៤ ក្នុងជួររដ្ឋាភិបាល ហ៊ុន សែន បច្ចុប្បន្ន ។ ហើយដែលត្រូវបាត់ខ្លួនដោយហែកទ្រុងឆ្លងកាត់សោរពីរជាន់ និងកាំមេរ៉ាសុវត្ថិភាពរបស់អធិការដ្ឋាន ក្រុងប៉ោយប៉ែត បានយ៉ាងរលូននោះ ។
តាមព័ត៌មានដែលផ្ទៃក្នុងឱ្យយើងដឹងតាមទូរស័ព្ទ កាលពីព្រឹកថ្ងៃទី ០៥ ខែកក្កដា ឆ្នាំ២០១៤ កន្លងមកនេះ គឺគេឃុំជនគ្រឿងញៀនជាពីរផ្នែកធ្ងន់ និងស្រាល និងមានខ្សែមានលុយឃុំមួយផ្នែកអត់ខ្សែអត់លុយឃុំក្នុងមន្ទីរឃុំ ឃាំងពីរជាន់នោះ ។
ចាប់បាន ៣៩នាក់ ចុះផ្សាយឡង់សេយកស្នាដៃ ប៉ុន្តែរឿងជនគ្រឿងញៀនផ្លុំសោរពីរជាន់ឆ្លងកាត់កាំមេរ៉ា សុវត្ថិភាពរត់បាត់អស់នោះ មិនឃើញអភិបាលខេត្តបន្ទាយមានជ័យ គោ ស៊ុំសារឿត, លោកផ្កាយ១ អាត់ ខែម ស្នងការខេត្តនេះចុះផ្សាយតាមទូរទស្សន៍ ឱ្យកាសែតគាំទ្រចុះផ្សាយរឿងជនគ្រឿងញៀនហែកទ្រុងក្នុងអធិការដ្ឋាន ក្រុងប៉ោយប៉ែតរត់រួចបាត់ដោយសុវត្ថិភាពសោះ ។
ផ្ទុយទៅវិញ របាយការណ៍ជនគ្រឿងញៀនដែលរត់រួចទាំង ០៧នាក់នោះ គឺជាមនុស្សខ្សែហ ដែលមានលុយ ហើយត្រូវបានគេឧបកិច្ចយកទៅដាក់ឃុំក្នុងសាលប្រជុំរបស់អធិការដ្ឋានក្រុងប៉ោយប៉ែត ដែលជាដើមចមទម្លាក់ឱ្យ ស្រាលទៅលើពាក្យរត់រួចវាលស្រាលជាងរបាយការណ៍ដែលថា អ្នកទោសគ្រឿងញៀនហែកទ្រុងសោរពីរជាន់ឆ្លង កាត់កាំមេរ៉ាសុវត្ថិភាពនោះ ។
ដោយឡែក លោកព្រះរាជអាជ្ញារងខេត្តបន្ទាយមានជ័យថ្លែងថា លោកបានទទួលសេចក្តីរាយការណ៍ហើយ ប៉ុន្តែលោកបញ្ជាក់ថា ជនពាក់ព័ន្ធគ្រឿងញៀនទាំងនោះ ពីដើមគឺស្រាលទេ ប៉ុន្តែពេលនេះទៅជាដើមចមធ្ងន់ធ្ងរ ទោសធ្ងន់ហើយ ដោយចេញដីកាឱ្យប៉ូលិសអ្នកធ្វើឱ្យរួចតាមចាប់ខ្លួនមកវិញ ។
ទោះជាយ៉ាងណាក៏មន្ត្រីប៉ូលិសផ្ទៃក្នុងអះអាងថា គឺជាឈុតឆាកដែលគេរៀបចំទុកឱ្យជនគ្រឿងញៀននោះ រត់ ។
ផ្ទុយពីលោក អាត់ ខែម ស្នងការខេត្តនេះថ្លែងថា វាគឺជាកំហុសឆ្គង ១ ដែលមិនអាចប្រកែកបានចំពោះ ប៉ូលិស ក្រុងប៉ោយប៉ែត ។ ប៉ុន្តែមកទល់ពេលនេះរឿងទម្លាក់កំហុសទៅលើបន្ទុកអ្នកយាមកាមអ្នកទោសគ្រឿង ញៀនយប់ នោះ គឺមិនត្រឹមត្រូវទេ ដែលកំហុសនេះគួរតែអភិបាលខេត្តបន្ទាយមានជ័យ គោ ស៊ុំសារឿត កោះហៅ អធិការក្រុង ប៉ោយប៉ែត អ៊ុំ សុផល មកឆ្លើយបំភ្លឺឱ្យច្បាស់ការផង ។ ហើយមិនត្រូវស៊ុមគ្រលំនោះទេ ! ជៀសវាងគេថា មានចំណែកឃុបឃិតពាក់ព័ន្ធពុករលួយជាមួយគ្រឿងញៀន ។
ដោយឡែកមកទល់ពេលនេះជនអសមត្ថភាព អ៊ុំ សុផល អធិការក្រុងប៉ោយប៉ែត ដែលធ្វើឱ្យរួចជនគ្រឿង ញៀនជាប់ដាន ៧នាក់នោះ មិនទាន់ត្រូវបានស៊ើបអង្កេតនៅឡើយទេមកទល់ថ្ងៃនេះ ។
ពាក់ព័ន្ធនឹងរឿងអាស្រូវគ្រឿងញៀនកើតឡើងក្នុងក្រុងប៉ោយប៉ែតជុំវិញអធិការ អ៊ុំ សុផល ជាញឹកញាប់ មកទល់ពេលនេះមិនគួរបើអគ្គស្នងការនគរបាលជាតិ និងក្រសួងមហាផ្ទៃមើលរំលង និងមិនគួរបណ្តោយឱ្យក្រុម ជនគ្រឿងញៀនជាន់ឈ្លីមហាផ្ទៃ និងភូមិ ឃុំមានសុវត្ថិភាពនោះបន្តកើតមានទៀតនោះទេ ៕
