យោង តាមចេសក្តីរាយការណ៍ពីខេត្តក្រចេះបានអោយដឹងថាលោក គង់-គឹមនី ចៅហ្វាយស្រុកស្នួលកំពុងតែបើកដៃអោយក្រុមឈ្មួញរកស៊ីដឹកឈើខុស ច្បាប់ឆ្លងកាត់ស្រុកស្នួលយ៉ាងអាណាធិប្បតេយ្យទាំងយប់ទាំងថ្ងៃ ហើយលោកគង់គឹមនី ក៏កំពុងតែប្រើអំណាចរបស់ខ្លួនកាងបទល្មើស និងគំរាមកំហែងដល់ក្រុមសមត្ថកិច្ចតាមដងផ្លូវ ព្រោះសមត្ថកិច្ចនិងអ្នកកាសែត ជាឆ្អឹងទទឹងកដល់ការរកស៊ីខុសច្បាប់របស់ក្រុមឈ្មួញបំផ្លាញ ព្រៃឈើទាំងនោះ។
តាម ប្រភពព័ត៌មានបានអោយដឹងថា ជារៀងរាលថ្ងៃមានរថយន្តទាំងតូចទាំងធំដឹកឈើខុសច្បាប់មិនក្រោម ៣០០(បីរយ)គ្រឿងនោះទេ ដែលធ្វើដំណើរឆ្លងកាត់ស្រុកស្នួលខេត្តក្រចេះ ដោយបានបង់លុយជូនមន្រ្តីជំនាញ និងបានសែនព្រេនយ៉ាងដិតដល់ ដល់លោក គង់-គឹមនី អភិបាលស្រុកកំពូលប្រើល្បិចខូចរូបនេះ។
ប្រ ភពបន្តថា កាលពីថ្ងៃទី២០ ខែកក្កដា ឆ្នាំ២០១៤ លោក គង់-សឹមនី ចៅហ្វាយស្រុកខាងលើបានប្រើក្បាច់គុណហុងកុងអោយសមត្ថកិច្ចចាប់ ខ្លួន លោក ជា-ម៉ាប់ ប្រធានសាខា សមាគមន៍សារព័ត៌មានឃ្លាំមើលកម្ពុជា មួយរូបបញ្ជូនទៅតុលាការខេត្តក្រចេះដោយចោទពីបទជំរិតទា ប្រាក់ពីឈ្មួញដឹកឈើខុសច្បាប់។ ប្រភពក៏បានបន្ថែមផងដែរថា អធិការស្រុកស្នួលក៏បានឃាត់ខ្លួនបុគ្គលិកទូរទស្សន៍ប៉ុស្តិ៍លេខ ៣ម្នាក់ អស់រយៈពេលបីទៅបួនម៉ោងផងដែរ ខណៈអ្នកយកព័ត៌មានរូបនោះទៅថតខ្លោងទ្វារអធិការស្រុកបន្ទាប់ពី អធិការឃាត់ខ្លួនលោក ជា-ម៉ាប់។
លោក ទូច-ណូរ៉ា ប្រធានសមាគមន៍សារព័ត៌មានឃ្លាំមើលកម្ពុជា បានរៀមរាប់សាច់រឿងខាលើ ប្រាប់តាមទូរស័ព្ទនៅរសៀលថ្ងៃទី២២នេះថា ˝ កាលពីថ្ងៃទី២០ ខែកក្កដា ឆ្នាំ២០១៤ មានរថយន្តប៉ូលីសសេដ្ឋកិច្ចមួយគ្រឿងបានដេញរថយន្តម៉ាក់សាន់ យ៉ុងមួយគ្រឿងពីចំណុច ៩០ដល់ចំណុច២ធ្នូ ស្ថិតក្នុងស្រុកស្នួល ខេត្តក្រចេះដែលមានចម្ងាយប្រហែលជាង១គីឡូម៉ែត្រតែប៉ុណ្ណោះ។ ឃើញដូចនោះ លោក ជា-ម៉ាប់ កូនចៅរបស់លោកក៏បានបើករថយន្តតាមពីក្រោយ ស្រាប់តែឃើញប៉ូលីសសេដ្ឋកិច្ចអោយរថយន្តសាន់យ៉ុងខាងលើបន្តដំ ណើរទៅមុខ ខណៈនោះលោកជាម៉ាប់បានថតរូបរថយន្តសាន់យ៉ុងនោះពីរបីប៉ុស្តិ៍ ស្រាប់តែភ្លាមនោះរថយន្តរបស់លោក គង់-គឹមនី ចៅហ្វាយស្រុកស្នួល បានបើកមកពាំងពីមុខរថយន្តលោកជាម៉ាប់ជាប់ ហើយហៅអោយរថយន្តសាន់យ៉ុងខាងលើបើកបកមកក្រោយវិញ ដោយបញ្ជាអោយរថយន្តសាន់យ៉ុងនោះចតពីក្រោយរថយន្តអ្នកកាសែត (ជាម៉ាប់) ហើយចោទថាលោកជាម៉ាប់ដេញកាក់រថយន្តសាន់យ៉ុង ហើយចៅហ្វាយស្រុកកំពូលល្បិចរូបនេះ បានហៅកម្លាំងអធិការនគបាលមកនាំខ្លួនលោកជាម៉ាប់ទៅសាកសួរ និងឃុំខ្លួន២៤ម៉ោងរួចបញ្ជូនទៅតុលាការខេត្តដោយចោទថា ឈ្មួញដឹកឈើប្តឹងពីបទជំរិតទាប្រាក់។ លោកណូរ៉ាបានបន្តថា រថយន្តសាន់យ៉ុងខាងលើមិនមានដឹកឈើនោះទេ គឺដឹកសុទ្ធតែមនុស្ស លោកឆ្ងល់ថា តើកូនចៅលោកទៅទាប្រាក់ពីថ្លៃអីដែរ។ លោកណូរ៉ា បន្តថា ឥឡូវកូនចៅរបស់លោកត្រូវបានតុលាការខេត្តក្រចេះសម្រេចឃុំខ្លួន ដោយអយុត្តិធម៌។ លោកណូរ៉ា សុំ អោយតុលាការខេត្តក្រចេះស៊ើបអង្កេតឡើងវិញ ព្រោះលោក ជា-ម៉ាប់ កូនចៅរបស់លោកមិនបានទាំងនិយាយជាមួយម្ចាស់រថយន្តសាន់យ៉ុងខាង លើសូម្បីតែមួយម៉ាត់ កុំថាឡើយបានទៅទាប្រាក់នោះ នេះគឺជាល្បិចរបស់លោក គង់-គឹមនី ដែលតែងតែមានបំណងបោសសំអាតសមត្ថកិច្ច និងអ្នកសារព័ត៌មានតាមដងផ្លូវ ដើម្បីងាយស្រួលដល់ក្រុមឈ្មួញដឹកឈើខុសច្បាប់ឆ្លងកាត់ ហើយជាប្រយោជន៍ក្នុងការអោយឈ្មួញបង់លុយក្រោមតុអោយលោក ដែលជាទង្វើដ៏ខ្មៅកខ្វក់ហើយថោកទាបបំផុតរកលេខដាក់គ្មាន។ លោកណូរ៉ាបញ្ជាក់បន្ថែមថា លោកនិងស្វែងរកយុត្តិធម៌ជូនលោកជាម៉ាប់កូនចៅរបស់លោក អោយខានតែបាន។˝
លោក ទី-សុវិនថាល់ ព្រះរាជអាជ្ញាសាលាដំបូងខេត្តក្រចេះបានប្រាប់កម្ពុជាសុវណ្ណ ភូមិ កាលពីរសៀលថ្ងៃទី២១ម្សិលមិញថា លោកពុំបានធ្វើការចោទប្រកាន់ទៅលើលោក ជា-ម៉ាប់ ទេតែឈ្មួញគេមិនដកពាក្យបណ្តឹង ដូច្នេះមានតែប្រគល់អោយចៅក្រមស៊ើបសួរជាអ្នកសាកសួរទៅតាមនិតិ វិធីច្បាប់តែប៉ុណ្ណោះ។
បើ យោងតាមសម្តីលោក ទូចណូរ៉ា ប្រធានសមាគមន៍សារព័ត៌មានឃ្លាំមើលកម្ពុជា បានអោយដឹងថា លោកបានទៅជួបចៅក្រមស៊ើបសួរកាលពីរសៀលថ្ងៃទី២១ម្សិលមិញ ដើម្បីសុំធានាលោកជាម៉ាប់អោយនៅក្រៅឃុំ តែចៅក្រមបានប្រាប់ថា ព្រះរាជអាជ្ញាបានចោទប្រកាន់ ហើយមានទាំងលិខិតដែលព្រះរាជអាជ្ញាចារស្មើសុំអោយចៅក្រមឃុំ ខ្លួនលោក ជា-ម៉ាប់ ទៀតផង ដូច្នេះចៅក្រមមិនអាចដោះលែង ឬអោយធានាក្រៅឃុំបានទេ។
កម្ពុជា សុវណ្ណភូមិមិនអាចសុំការបំភ្លឺពីម្ចាស់រថយន្តសាន់យ៉ុង និងលោក គង់-សឹមនី ចៅហ្វាយស្រុកខេត្តក្រចេះបានទេពាក់ព័ន្ធករណីខាងលើព្រោះគ្មានលេខ ទូរស័ព្ទ តែបើយោងតាមព័ត៌មានដែលទូរទស្សន៍ហង្សមាសបានចុះផ្សាយ ថ្ងៃទី២២កក្កដានេះគឺ៖ ម្ចាស់រថយន្តសាន់យ៉ុងបានផ្តល់បទសំភាសន៍អោយហង្សមាសថា ក្រុមរថយន្តខាងលើដេញកាក់រថយន្តរបស់លោកតែរហូត ដេញរាល់តែថ្ងៃ។ ចំណែកឯលោក គង់-សឹមនី ចៅហ្វាយស្រុកស្នួលវិញលោក និយាយថា លោកនិងធ្វើការបោសសំ អាតក្រុមអាណាធិប្បតេយ្យតាមដងផ្លូវអោយអស់។
មជ្ឈដ្ឋាន ទូទៅបានធ្វើការរិះគន់ធ្ងន់ៗថា លោក គង់-គឹមនី ចៅហ្វាយស្រុកក្រចេះជាមនុស្សថោកទាបគ្មានពីរនៅលើលោកនេះ ព្រោះបើករថយន្តរបស់ខ្លួនទៅពាំងពីមុខរថយន្តអ្នកកាសែត រួចហៅរថយន្តសាន់យ៉ុងដែលប៉ូលីសសេដ្ឋកិច្ចកាក់សួរអោយបើកបក ក្រោយ មកចតពីក្រោយរថយន្តអ្នកកាសែត រួចចោទថា អ្នកកាសែតកាក់រថយន្តគេជំរិតទាប្រាក់។
ប្រ ជាពលរដ្ឋនៅខេត្តក្រចេះសម្តែងការសោកស្តាយថា មិនគួរនៅក្រោមការដឹកនាំរបស់រាជរដ្ឋាភិបាលកម្ពុជា និងក្រោមការដឹកនាំរបស់សម្តេចតេជោ ហ៊ុន-សែន មានចៅហ្វាយស្រុកដែលមានល្បិចពិសពុលថោកទាបរកលេខដាក់គ្មានបែប នេះសោះ។
ពល រដ្ឋសូមផ្ញើសារទៅលោក ស-ចំរុង ចៅហ្វាយខេត្តក្រចេះ និងជាពិសេសសម្តេចហ៊ុនសែន មេត្តានែនាំលោក គង់-គឹមនី ចៅហ្វាយស្រុកស្នួលខាងលើនេះផង ព្រោះកំពុងតែយកអំណាចរបស់ខ្លួនទៅប្រើល្បិចខូច បង្កព្យុះភ្លៀងអោយរាស្រ្តស្លួតត្រង់រងទុក្ខពេញស្រុកស្នួល ខេត្តក្រចេះ៕ ដោយ៖ផ្លុង-រ៉េត
