ថ្មីៗមានករណីបែកធ្លាយថា ឈ្មោះ លោក ឆាយ សុវណ្ណ ហៅស្នាក្នុងតួនាទីជាមេប៉ុស្តិ៍ប្រចាំកោះសេះ កំពុងមានអំណាចប្រមូលលុយយកទៅច្រកហោ ប៉ៅនិងទុកសម្រាប់អភិវឌ្ឍន៍មុខតំណែងយ៉ាងកាក់កបបំផុត ហើយប្រាក់ ដែលប្រមូលបានពីការឃុបឃិតបិទភ្នែកឱ្យក្រុមឈ្មួញរកស៊ីដឹកជញ្ជូន ប្រេងសាំងគេចពន្ធចូលកោះខ្យង លោក ឆាយសុវណ្ណ ហៅស្នា យកទៅច្រកហោប៉ៅតែម្នាក់ឯងមិនដែលខ្វល់ខ្វាយពីទុក្ខលំបាករបស់ មន្ត្រីក្រោមឱវាទនោះទេ។
មិនតែប៉ុណ្ណោះមកដល់ពេលនេះគេមិនដឹងទេថា តើអំពើពុករលួយដែលលោក ឆាយសុវណ្ណ ហៅស្នា កំពុងប្រព្រឹត្ត នៅពេលនេះមានចំណែកវេចខ្ចប់យកទៅចែកជូនថ្នាក់លើរបស់គាត់ឬក៏យ៉ាងណា នោះទេទើបគេមិនដែលឃើញ ថ្នាក់លើកោះហៅលោក ឆាយ សុវណ្ណ ហៅស្នាទៅដាក់ពិន័យម្តងណាឡើយដែលទំណងមកពីថ្នាក់លើនៅពីក្រោយ ឆាយសុវណ្ណ ហៅស្នា នេះក៏អាចថាបាន ។
តាមសេចក្តីរាយការណ៍ពីខេត្តកំពតបានឱ្យដឹងថា លោក ឆាយ សុវណ្ណ ហៅស្នាបានប្រើអំណាចជាមេប៉ុស្តិ៍ជើងទឹក ប្រចាំកោះសេះឃុបឃិតបិទភ្នែកឱ្យទូក បេអឺដែកដឹកប្រេងសាំងនិងម៉ាស៊ូតគេចពន្ធមកពីកប៉ាល់ធំៗដែលចត នៅខាងក្រៅកោះស្តេចយកមកលក់ចែកចាយនៅលើកោះសេះដែលនៅទីនោះទូកនេសាទ រាប់រយគ្រឿងបានចូលចត ដើម្បីទិញប្រេងសាំងយកទៅចាក់ទូករបស់ពួកគេហើយប្រេងសាំងគេចពន្ធ ជាច្រើនម៉ឺនលីត្រ ត្រូវបានដឹកជញ្ជូនចូលកោះខ្យងយ៉ាងគគ្រឹកគគ្រេង។
បើតាមការពិត ការដឹកជញ្ជូនប្រេងសាំងនិងម៉ាស៊ូតគេចពន្ធមកលក់ចែកចាយនៅលើកោះសេះ អាចដំណើរការ ដោយអនាធិបតេយ្យបែបនេះក៏ព្រោះតែមានការបង់លុយឱ្យលោក ឆាយ សុវណ្ណ ហៅស្នា ជាប់ជាប្រចាំទើបគាត់មិនដែលអើពើក្នុងការបង្ក្រាបជាពិសេសក្រុមឈ្មួញ ដែលរកស៊ីដឹកជញ្ជូនប្រេងសាំងនិងម៉ាស៊ូតគេចពន្ធបាន ស្គាល់ចិត្តស្គាល់ថ្លើមលោក ឆាយសុវណ្ណ ហៅស្នា យ៉ាងច្បាស់តាមរយៈការបែងចែកប្រយោជន៍ជាប្រចាំ។
មិនតែប៉ុណ្ណោះក្រុមឈ្មួញតូចតាចមួយចំនួនបានលើកឡើងថាកប៉ាល់ដឹក ប្រេងសាំង និងម៉ាស៊ូតធំៗដែលចតនៅ ក្រៅកោះស្តេចបានធ្វើជាទីតាំងសម្រាប់លក់ចែកចាយប្រេងសាំងនិងម៉ាស៊ូ តឱ្យឈ្មួញជាច្រើនទៀត ដឹកជញ្ជូន តាមទូកបេអឺដែកមកស្តុកទុកនិងលក់ចែកចាយនៅលើកោះស្តេចដែលនៅទីនោះ លោក ឆាយសុវណ្ណហៅស្នា ជាអ្នកមានឥទ្ធិពលអំណាចធំធេងគ្មាននរណាហ៊ានហើបមាត់នោះទេ ប្រសិនបើលោក ឆាយ សុវណ្ណ ហៅស្នាជាអ្នកផ្តល់ភ្លើងខៀវឱ្យក្រុមឈ្មួញធ្វើអ្វីៗតាមតែអំពើ ចិត្ត។ជាពិសេសទៅទៀតពេលខ្លះទៀត មន្ត្រីតូចតាចមួយ ចំនួនបានចំអកថាក្រុមឈ្មួញរកស៊ីដឹកជញ្ជូនប្រេងសាំងគេចពន្ធចូលមក លក់ចែកចាយនៅលើកោះសេះ ភាគច្រើន ជាបក្ខពួកនិងសាច់ញាតិរបស់លោក ឆាយ សុវណ្ណ ហៅស្នាព្រោះឈ្មួញទាំងនោះតែងតែបង្ហាញប្ញកក្រអឺតក្រទមបំផុតមិនក្រែង ញញើតមន្ត្រីតូចតាចនោះទេ ហើយគេមិនច្បាស់ទេថាក្នុងមួយខែៗការដឹកជញ្ជូនប្រេងសាំងមួយទូកៗ ឈ្មួញទាំងនោះបានបង់លុយឱ្យលោក ឆាយ សុវណ្ណ ហៅស្នាក្នុងចំនួនប៉ុន្មាននោះទេ ទើបអ្វីៗអាចដំណើរការដោយរលូន។ហើយដែលបញ្ហានេះ មិនគួរថ្នាក់លើមើលរំលងបញ្ហានេះទេ ៕
