ប្រភពពី មន្ត្រីរាជការនៃ មន្ទីររ៉ែនិងថាមពល ខេត្តកំពតបា នឲ្យដឹងថាក្រោយ ពេលរឿងអាស្រូវ ខាងលើត្រូវបាន បែកធ្លាយ ស្រាប់តែ អ្នកស្រី ទេពសុខា កំពុងរត់ការសុំពង្រីក ទីតាំងដើម្បី ធ្វើយ៉ាងណា ឲ្យចំណុចដែលខ្លួន ធ្វើអាជីវកម្មយ កថ្មភ្នំបច្ចុប្បន្ន ត្រូវគ្នាទៅនឹ ងទីតាំងដែល ច្បាប់បាន អនុញ្ញាត។គេដឹងថា មានមន្ត្រីធំ ម្នាក់ក្នុងម ន្ទីររ៉ែនិងថាម ពលខេត្តកំពត ដែលធ្លាប់ទទួល លាភសក្ការៈ ពីអ្នកស្រី ទេព សុខាកំពុង ជួយរត់កា រក្នុងសំណុំ រឿងនេះ ។
រឿងរ៉ាវប្រធានមន្ទីររ៉ែនិងថាមពលឃុបឃិតជាមួយអ្នកស្រី ទេព សុខាម្ចាស់អាជីវកម្មវាយថ្មភ្នំនៅភ្នំឃ្លៃ ស្រុកទឹកឈូ ខេត្តកំពតឃុបឃិតគ្នាប្រព្រឹត្តអំពើពុករលួយកេងប្រវ័ញ្ចថវិកាយ៉ាងច្រើន សន្ធឹកសន្ធាប់កំពុងត្រូវបានលាតត្រដាងជាសាធារណៈ។ បញ្ហានេះលោក ស៊ុយ សែមរដ្ឋមន្ត្រីក្រសួងរ៉ែនិងថាមពលក៏ដូចជាលោក ឱម យ៉ិនទៀងប្រធានអង្គភាពប្រឆាំងអំពើពុករលួយត្រូវចាត់វិធានការស៊ើបអង្កេត ជាបន្ទាន់ព្រោះការកេងបំបាត់ប្រាក់ពន្ធរដ្ឋរាប់ម៉ឺនដុល្លារ មិនមែនជារឿងតូចតាចនោះទេ។គេដឹងថាប្រធានមន្ទីររ៉ែនិងថាមពល ខេត្តកំពតជាអ្នកជាប់ពាក់ព័ន្ធជ្រៅជាងគេក្នុងសំណុំរឿងនេះដោយ ទទួលបានផលប្រយោជន៍យ៉ាងច្រើនពីអ្នកស្រី ទេព សុខា ទើបបណ្តោយឲ្យអ្នកស្រី ទេព សុខា ធ្វើអ្វីៗតាមអំពើចិត្ត។
រឿងអាស្រូវពុករលួយរវាងមន្ត្រីមន្ទីររ៉ែនិងថាមពលខេត្តកំពតជាមួយ អ្នកស្រី ទេព សុខាកំពុងត្រូវបានប្រជាពលរដ្ឋទូទាំងខេត្តកំពតដឹងគ្រប់គ្នា ហើយរិះគន់យ៉ាងយ៉ាងខ្លាំង ។ ទង្វើបំពានច្បាប់របស់អ្នកស្រី ទេព សុខាគឺកាលពីថ្ងៃទី៣០ ខែមករាឆ្នាំ២០១៤ធ្លាប់ត្រូវបានក្រសួងរ៉ែនិងថាមពលបញ្ជូនមន្ត្រីឲ្យ ចុះធ្វើការត្រួតពិនិត្យរកបទល្មើសម្តងរួចមកហើយថែមទាំងបញ្ជាឲ្យ អ្នកស្រី ទេព សុខា និងប្តីឈ្មោះ ហុក ចិន្តាធ្វើកិច្ចសន្យាបញ្ឈប់អាជីវកម្មខុសទីតាំងទៀតផង៕
