ខេត្តក្រចេះ ៖ ការដឹកជញ្ជូន ឈើប្រណិតខាងលើត្រូវបានមន្ត្រីមួយរូបបានឲដឺង ថា រថយន្តរបស់ក្រុមហ៊ុន មួយនេះជារបស់ឧកញ៉ា ថៃ ធ្លាប់មានច្បាប់ក្នុងការដឹកជញ្ជូនឈើគ្រឿងក្រហមប៉ុន្តែរម្តងនេះ ហេតុអ្វី បានធ្លាយចេញសុទ្ឋតែ ឈើប្រណិតទៅវិញតែពុំមានការបញ្ជាក់ថា ឈើទាំងនេះមានច្បាប់ក្នុងការដឹកជញ្ជូនឬអត់នោះទេ ដោយមន្ត្រីជំនាញ ចេះតែឆ្លើយថា មានច្បាប់តែមិនហ៊ានបង្ហាញ ឯកសារនោះទេ។រថយន្តយីឌុបមួយគ្រឿងមានផ្ទុកឈើប្រណិតពេញប្រៀប បានរេចង្កូតធ្លាក់ផ្លូវក្រឡាប់ខ្ជាក់ចេញ សុទ្ធតែជាឈើធ្នង់រាប់សិបម៉ែត្រគូបកាលពីថ្ងៃទី២៤ ខែតុលា ឆ្នាំ២០១៤ នៅចំណុចទួលខ្សាច់ស្ថិតក្នុងឃុំឃ្សឹម ស្រុកស្នួលខេត្តក្រចេះ ហើយប្រភពព័ត៌មាន បានលួចខ្សឹបអោយដឹងថា រថយន្តខាងលើបានដឹកជញ្ជូនឈើ ចេញពីតំបន់កោះខ្ញែរ ស្ទូចចេញពីទូកក្នុងទឹកដីឃុំអូរគ្រៀង ស្រុកសំបូរ ខេត្តក្រចេះ។
រថយន្តនេះបានធ្វើដំណើរ ឆ្លងកាត់ទីរួមខេត្តក្រចេះរហូតទៅដល់ចំណុចកើតហេតុ ដែលជាផ្លូវកោងផងនោះក៏បានរេចង្កូតធ្លាក់ផ្លូវ ក្រឡាប់ចេញសុទ្ធតែឈើប្រណិតដែលមានបន្ទះឈើក្តារ ប្រមាណ ២០ទៅ៣០ សន្លឹក។ រឿងដែលក្រឡាប់រថយន្តដឹកឈើខាងលើ ត្រូវបានគេសង្ស័យថា ជាការលួចដឹកជញ្ជូនគ្មានច្បាប់ឬលួចបន្លំខុសពីច្បាប់ដឹកជញ្ជូន ព្រោះសមត្ថកិច្ចជំនាញហាក់ដូចជាលាក់លៀម និងមិនអើពើ ក្នុងការបង្ក្រាបឡើយទុកឲក្រុមឈ្មួញប្រព្រឺត្តម៉ាសេរី។
មន្ត្រីនិងសមត្ថកិច្ច បានទុកពេលជាងមួយថ្ងៃ អោយមេការ ឈ្មោះ ធីចេញមុខរត់ការជាមួយសមត្ថកិច្ច និងមន្ត្រីជំនាញពាក់ព័ន្ធដោយមានដាក់កងកម្លាំងសមត្ថកិច្ចចាំយាមនិង រករថយន្តថ្មីមកស្ទូចឈើដឹកចេញ ដោយសុវត្តិភាព ៕
