បច្ចុប្បន្នបទល្មើសព្រៃឈើក្នុងខេត្តកំពង់ស្ពឺត្រូវបានគេមើលឃើញថាបាន កើតឡើងយ៉ាងកក្រើកបែបអនាធិបតេយ្យហើយគេមិនដែលឃើញមានជំនាញឬ សមត្ថកិច្ចណាមួយហ៊ានចេញមុខបង្ក្រាបឱ្យចំមុខនោះទេ ! ដោយសារតែក្រុមឈ្មួញធំឈ្មោះឆេងឡុងឲឈ្មោះស្មាជាអ្នករកការពេញម៉ាខេត្ត កំពង់ស្ពឺ ឲមន្ត្រីកងកម្លាំងប្រដាប់អាវុធដែលមានអំណាចខ្លាំងក្នុងនោះត្រូវបាន គេ អះអាងថា មានប៉េអឹម-ប៉ូលិស និងយោធាតាំងពីតូចរហូតដល់មេធំៗផងដែរ ដែលនៅពីក្រោយនិងជាអ្នកប្រព្រឹត្តបទល្មើដ្សោយផ្ទាល់ មេបញ្ចាការ ប៉េអឹមស្រុក អធិការប៉ូលិសនិងមេបញ្ជាការយោធាក្នុងខេត្តនេះជាច្រើនរូបដែលបាន ជាប់ពាក់ព័ន្ធនឹងការប្រព្រឹត្ត បទល្មើស កាប់បំផ្លាញព្រៃឈើយ៉ាងធ្ងន់ធ្ងរដែលបច្ចុប្បន្នកំពុងកាន់តំណែងជា មន្ត្រីនគរបាលយុត្តិធម៌ផងនោះក៏មាន ដែរ ។
ជាងនេះទៅទៀត នៅក្នុងបទល្មើសខាងលើនេះដែរ គេបានដឹងយ៉ាងច្បាស់ថាមន្ត្រីប្រដាប់អាវុធទាំងនោះ សុទ្ធតែមានទំនាក់ទំនងយ៉ាងជិតស្និទ្ធជាមួយមេបញ្ជាការថ្នាក់លើរបស់ ខ្លួនយ៉ាងស្អិតរមួតដើម្បីពង្រឹងអំណាចក្នុង ការដឹកជញ្ជូនបទល្មើស ឈើប្រណីតនិងងាយស្រួលគំរាមកំហែងដល់មន្ត្រីជមនាញមិនឱ្យហ៊ាន បង្ក្រាប ។
ជាក់ស្តែងតាមបទល្មើសឈើប្រណីតដែលឈ្មោះឆេងឡុងឲឈ្មោះស្មាជាអ្នក រកការពេញម៉ាខេត្តកំពង់ស្ពឺ ដឹកជញ្ជូន ចេញពីភួមិជាំនិងភួមិសំរោងនិងតំបន់ដែនជម្រក សត្វព្រៃភ្នំឱរ៉ាល់ឆ្លងកាត់ជំនាញជាច្រើន ក្នុងនោះមានស្នាក់ការបរិស្ថាននិងស្នាក់ការរដ្ឋបាលព្រៃឈើមិនក្រោម ៦កន្លែងនោះទេ ។មិនតែប៉ុណ្ណោះបើទោះជាមានក្រុមមន្ត្រីជំនាញបានឈរជើងបណ្តាក់គ្នា ដូចខ្យង យ៉ាងណាក៏ដោយ ក៏មិនអាចបង្ក្រាបក្រុមឈ្មួញដែលមានអំណាចទាំងនោះបានឡើយ ។ ហើយក្នុងនោះត្រូវ បានគេសង្ស័យមានចំណុច២យ៉ាង ដែលជំនាញមិនហ៊ានបង្ក្រាបមួយខ្លាចអំណាចបុណ្យស័ក្តិដែលមាន ការអន្តរាគមន៍ពីថ្នាក់លើឱ្យកូនចៅរកស៊ីដឹកឈើខុសច្បាប់ និងខ្នងបង្អែកហើយ មួយទៀតជាការត្រូវដងត្រូវផ្លែគ្នាបើកដៃឱ្យមានការកាប់បំផ្លាញ ព្រៃឈើដើម្បីធ្វើមានបានប្រមូលលុយដាក់ហោប៉ៅរៀងៗខ្លួន ។
ដូចជា កន្លងមករាជរដ្ឋាភិបាលធ្លាប់បានព្រមាននិងដកហូតតំណែងនាយករដ្ឋបាល ព្រៃឈើដែលត្រូវបាន ផ្លាស់ប្តូរ ភ្លាមៗរួចមកហើយព្រមទាំងបានកែសម្រួលរដ្ឋបាលព្រៃឈើទាំងមូលពីខ្សែទទឹង ទៅជាខ្សែបណ្តោយក្នុងន័យឱ្យមានអំណាចក្នុងការបង្ក្រាបបទល្មើសព្រៃឈើ ឱ្យមានបសិទ្ធភាពទៅលើបទល្មើសព្រៃឈើ និងឈ្មួញដែលមាន ខ្នងបង្អែកនិងបុគ្គលជំនាញពុករលួយមិនឱ្យមាន អំពើពុករលួយក្នុងអង្គភាពព្រៃឈើ ។
ផ្ទុយទៅវិញ ចំពោះបទល្មើសព្រៃឈើនិងក្រុមឈ្មួញក្នុងខេត្តកំពង់ស្ពឺនេះវិញវាហាក់ មានភាពចម្លែកខុសគេដោយសារតែអ្នកប្រព្រឹត្តបទល្មើសព្រៃឈើភាគច្រើន គឺសុទ្ធតែមិនមែនជាជនសាមញ្ញធម្មតា គឺជាមន្ត្រីប្រដាប់អាវុធដែលមានតួនាទីនៅអង្គភាពដែលប្រតិបត្តិ ច្បាប់ហើយនិងមានអំណាចត្រួតត្រាមួយភាគធំ នៃទឹកដីដែលគេកំពុងប្រព្រឹត្តបទល្មើស នេះទៀតផង។
អ្វីជាការចំឡែកបើទោះជាពេលនេះឈើប្រណីតមានធ្នង់ បេង គ្រញូងមិនសូវមានទីផ្សារនាំចេញក៏ដោយ ក៏ក្រុមឈ្មួញឈ្មោះឆេងឡុងឲឈ្មោះស្មាជាអ្នករកការពេញម៉ាខេត្តកំពង់ស្ពឺ ហើយមានអំណាចទាំងនេះនៅតែបន្តប្រមូលទិញឈើស្តុកទុកតាមលំនៅដ្ឋាននិង ទីតាំងស្ងាត់ៗជាច្រើន ក្នុង ខេត្តនេះ និងស្តុកនៅភ្នំពេញបន្តទៅលក់នៅប្រទេសយួន ។ហើយការស្តុកទុកលាក់ឈើប្រណីតក្រុមឈ្មួញទាំងនេះបានត្រូវរ៉ូវ ជាមួយជំនាញ គ្រប់កន្លែង ហើយបើថ្នាក់ល្មមៗគេមិន ហ៊ានទាំងដើរក្បែរផង ។
បើតាមប្រភពបានលើកឡើងទៀតថារឿងឈ្មួញដែលមានអំណាចដឹកឈើប្រណីត ទាំងយប់ទាំងថ្ងៃនេះមិនមែនថ្នាក់លើមិនដឹងនោះទេ តែវាបានក្លាយជាទម្លាប់ចាក់ប្ញសគល់ពុករលួយយ៉ាងស៊ីជម្រៅក្នុង ស្រទាប់អ្នកមានអំណាចមួយចំនួនក្នុងខេត្តនោះ មានមេបញ្ជាការប៉េអឹម ប៉ូលិស យោធាតាមស្រុកកមួយចំនួន ទៀត ពាក់ព័ន្ធក្នុងតំបន់នោះដែលជាអ្នកប្រព្រឹត្តដោយផ្ទាល់ក្នុងកិច្ចការ កាប់បំផ្លាញនិងដឹកបទល្មើសព្រៃឈើ ។
ហើយដែលបញ្ហានេះ គឺគណៈអភិបាលក្នុងខេត្តនេះតែ ១គត់ ដែលជាដើមចមធូររលុងក្នុងការទប់ស្កាត់បទល្មើសព្រៃឈើហើយដែលមិនគួរ អង្គភាពប្រឆាំងអំពើពុករលួយមើលរំលងនោះទេ ។/
ដោយ ៖ ស្ទាំងភ្នំ
