កំពង់ឆ្នាំង៖សេចក្តីរា យការណ៍ពីឈ្មួញ រកស៊ីតូចតា ចបានឱ្យ ដឹងបន្ថែមថា ការដឹកជញ្ជូន ទំនិញមក ពីច្រកព្រំដែន ខេត្តបាត់ដំបង និងខេ ត្តបន្ទាយ មានជ័យចូល មកទីក្រុងភ្នំពេញ តាមផ្លូវជាតិលេខ៥ មានកុងត្រូលជជុះ ច្រើនណាស់ ធ្វើការគាបជម្រិត ឱ្យពួកគាត់បង់ លុយហើយ ចាប់តាំងពីនគរបា លសេដ្ឋកិច្ច ក្រសួងមហាផ្ទៃ ក្រុមថ្មីដឹកនាំ ដោយលោក ស័ក្តិ៣កែវ សារ៉ាវុធទៅ ឈរជើងលើទឹក ដីខេត្តកំពង់ឆ្នាំង គឺក្រុមនេះ បាន បង្កភាពអ នាធិបតេយ្យ អុកឡុកអ្នក រកស៊ីដឹកជញ្ជូន ទំនិញទៅ តាមតែអំពើចិត្តធ្វើ ឱ្យក្រុមឈ្មួញក្តៅក្រហាយយ៉ាងខ្លាំងព្រោះក្រុមនគរបាលក្រសួងជំនាន់មុន ឱ្យលុយថ្លៃបាយប៉ុន្មានយកប៉ុណ្ណោះមិនហ៊ានកោស រូសទេប៉ុន្តែសម្រាប់ក្រុមថ្មីក្រោមបញ្ជាលោកស័ក្តិ៣កែវសារ៉ាវុធនេះ ជម្រិតឱ្យ អ្នករកស៊ីដឹកជញ្ជូនទំនិញបង់លុយយ៉ាងច្រើនផងដែរ។
ក្រុមឈ្មួញរកស៊ីដឹកជញ្ជូនទំនិញបានរអ៊ូរទាំចំពោះភាពអនាធិបតេយ្យរបស់ នគរបាលសេដ្ឋកិច្ចក្រសួងមហាផ្ទៃមួយក្រុមដែលដឹកនាំដោយលោកស័ក្តិ ៣កែវសារ៉ាវុធដែលដាក់ប៉ុស្តិ៍ជជុះតាម ផ្លូវជាតិលេខ៥និងតាមប្រដេញឡាន ដឹកទំនិញដែលភ្លេចចូលបង់លុយតាមតែទំនើងចិត្តហើយគេមិនច្បាស់ទេ ថា លោកស័ក្តិ៣កែវសារ៉ាវុធបានចំណាយលុយទិញប៉ុស្តិ៍ ក្នុងមួយខែៗប៉ុន្មាននោះទេទើបគាត់មានសិទ្ធិអំណាចយ៉ាងធំធេងបង្ក ព្យុះភ្លៀងអុកឡុកអ្នករកស៊ីដឹកជញ្ជូនទំនិញទាំងស្របច្បាប់និង ខុសច្បាប់មិនក្រែងញញើតចំពោះចំណាត់ការបោសសម្អាតកុងត្រូលជជុះ របស់លោកឈួចាន់ឌឿនជាអភិបាលខេត្តកំពង់ឆ្នាំងសូម្បីតែបន្តិច។
ដោយឡែកប្រជាពលរដ្ឋនិងអ្នករកស៊ីដឹកជញ្ជូនទំនិញឆ្លងកាត់ផ្លូវជាតិ លេខ៥បានគំរាមផងដែរថាប្រសិនបើធ្វើឱ្យពួកគេខឹងសម្បារយ៉ាងខ្លាំងជាង នេះពួកគេដាក់ពាក្យបណ្តឹងដាក់ចូលក្រសួងមហាផ្ទៃនិងឯកឧត្តម អគ្គស្នងការដ្ឋាននគរបាលជាតិនេតសាវឿនដើម្បីបកស្បែកមុខមន្ត្រីនគរបាល សេដ្ឋកិច្ចក្រសួងក្រោមបញ្ជារបស់លោកស័ក្តិ ៣កែវសារ៉ាវុធ ដែលកំពុងបង្កព្យុះភ្លៀងតាមទំនើងចិត្ត។ មិនត្រឹមតែប៉ុណ្ណោះអ្នកដែលកំពុងរងគ្រោះសូម្បីតែម្ចាស់ទីតាំង អាជីវកម្មមួយចំនួនក្នុងខេត្តកំពង់ឆ្នាំងដូចជា ឱសថស្ថាន ហាងលក់ទំនិញ គ្រឿងសម្អាងក៏ត្រូវកូនចៅ របស់លោកស័ក្តិ៣ កែវសារ៉ា វុធ គាបជម្រិតឱ្យបង់លុយ ប្រចាំខែដោយគ្មានការយោគយល់អ្វីទាំងអស់ជាថ្នូរនៃការមិនរំខានឬ សុំចូលត្រួតពិនិត្យនាំឱ្យប៉ះពាល់ដល់អាជីវកម្មនោះទេ។ ក្រុមមន្ត្រីសាលាខេត្តកំពង់ឆ្នាំងក៏បានបង្ហើបឱ្យដឹង ផងដែរថាលោក កែវ សា រ៉ាវុធ ទទួលបានលិខិតបេសកម្មដែលចេញដោយលោកផ្កាយ១គឿនភារម្យជាអនុប្រធាន នាយកដ្ឋាននគរបាលប្រឆាំងបទល្មើសសេដ្ឋកិច្ច ក្រសួងមហាផ្ទៃដែល ថ្នាក់លើបានផ្តល់ទំនុកចិត្តឱ្យចុះស្រាវជ្រាវបង្ការទប់ស្កាត់ បទល្មើស សេដ្ឋកិច្ចលើទឹកដីខេត្តកំពង់ឆ្នាំងប៉ុន្តែលោក គឿន ភារម្យ មិនដែលចុះទៅធ្វើការងារ ដោយផ្ទាល់នោះទេគឺលោក គឿន គារម្យ បានចាត់ចែង លក់ប៉ុស្តិ៍ឱ្យលោកស័ក្តិ៣ កែវសារ៉ាវុធ ចុះទៅបង្កភាពអនា ធិបតេយ្យពេញខេត្តកំពង់ឆ្នាំង ៕
