ខេត្តត្បូងឃ្មុំ ៖ ក្រុមអ្នករកស៊ីដឹកជញ្ជូនទំនិញបានឲ្យដឹងថា ក្រុមនគរបាលសេដ្ឋកិច្ច ខេត្តត្បូងឃ្មុំ មិនដែលបង្ហាញស្នាដៃអ្វីទេ ក្រៅពីការដាក់ប៉ុស្តិ៍ជជុះ និងត្រៀមរថយន្ត សម្រាប់ប្រដេញ ឡានដឹកទំនិញ ឲ្យចូលបង់លុយ ទៅតាមតែអំពើចិត្ត ហើយប៉ុស្តិ៍ជជុះ របស់នគរបាលសេដ្ឋកិច្ច ខេត្តត្បូងឃ្មុំ ដែលមានភាព អនាធិបតេយ្យខ្លាំងជាងគេ គឺនៅចំណុច នៅស្រុកពញាក្រែក ជិតស្នាក់ការសន្តិសុខ៧០១ ចំងាយ ១គីឡូមែត្រពី សាលាខេត្តត្បូងឃ្មុំ ទីដែលមានការដឹកជញ្ជូន ទំនិញ និងឈើខុសច្បាប់ ឆ្លងកាត់យ៉ាងអណាធិបតេយ្យទាំងថ្ងៃទាំងយប់។
លោក គង់ វិចិត្ត ជាប្រធានការិយាល័យ ប្រឆាំងបទល្មើសសេដ្ឋកិច្ច នៃស្នងការដ្ឋាននគរបាល ខេត្តត្បូងឃ្មុំ និងលោក ឡេង ចិត្រា ជាអនុប្រធាន មានសិទ្ធិអំណាច បង្កឲ្យមានភាពអនាធិបតេយ្យ នៃការដាក់ប៉ុស្តិ៍ជជុះ គាបជំរិតក្រុមអ្នករកស៊ី ដឹកជញ្ជូនទំនិញឲ្យបង់លុយតាមតែអំពើចិត្ត មិនញញើតពីច្បាប់ឡើយ ។
បញ្ជាក់នៅចំណុចប៉ុស្តិ៍ជជុះនោះ មានលោក ឡេង ចិត្រា ជាអនុប្រធាន ការិយាល័យ ប្រឆាំងបទល្មើសសេដ្ឋកិច្ច ខេត្តត្បូងឃ្មុំ ជាអ្នកឈរជើងប្រចាំការ បានចាត់តាំងឲ្យមន្ត្រីឈរជើង កាក់រថយន្តដឹកឈើគ្រញូង និងឈើប្រណីតខុសច្បាប់ ដូចជារថយន្តកាមរីឬទូរីស បង់លុយយ៉ាងតិចបំផុត ១០០ទៅ២០០ ដុល្លារហើយសម្រាប់រថយន្យយីឌុប ពី ៥០០ទៅ១០០០ ដុល្លារ នឹងរថយន្តដឹកគោក្របី ទៅប្រទេសវៀតណាម មួយរថយន្តយីឌុប ពី ២០០ទៅ៤០០ ដុល្លារ ដោយមិនសួរនាំអ្វីឡើយឲតែបង់លុយគ្រប់គឺ០k ។
ក្រុមឈ្មួញបានបន្តទៀតថា លោក ឆាយ សុខា ហៅកុក កាលពីនៅខេត្តកំពង់ចាម គាត់ជាស្នងការរង ទទួលបន្ទុកប្រឆាំងបទល្មើស ហើយពេលមកដល់ ខេត្តត្បូងឃ្មុំ គាត់មានលុយច្រើនបានឡើងធ្វើជា ស្នងការរងទទួលបន្ទុក ប្រឆាំងបទល្មើស ដដែលហើយគាត់ បានសណ្តោងអូស ទាញកូនចៅ សុទ្ធតែមានជំនាញកាប់ដាវប្រដេញ តាមឡានដឹកឈើ និងឡានដឹកទំនិញ ឲ្យចូលបង់លុយគ្រប់ៗគ្នាដូច្នេះគេចង់ឃើញលោក ម៉ៅ ពៅ ដែលជាស្នងការនគរបាល ខេត្តត្បូងឃ្មុំ មេត្តាកែទម្រង់កូនចៅផង(នៅមានតភាគទៀត)៕
