ឧកញ៉ា រ័ត្ន សាខន ត្រូវបានមន្ត្រីរាជការ ខេត្តរតនគិរី ជាកូ នកាត់យួន និយាយភាសាខ្មែរ ប៉ៃឡាំ ៗ មិនសូវច្បាស់នោះទេ។ ថ្មីៗនេះ ឧកញ៉ា រ័ត្ន សាខន ទើបទទួលបាន ស.ជ.ណ ដែលមានសិទ្ធិកាន់កាប់ដី នៅក្នុងដែនជម្រកសត្វព្រៃលំផាត់ ហើយបានធ្វើផ្លូវចូលទៅក្រុមហ៊ុន បង្កើតរោងសិប្បកម្មអារឈើ មានម៉ាស៊ីនរ៉ៃ ពី១០ទៅ១៥ខ្សែ។ ជាងនេះទៅទៀតឧកញ៉ា រ័ត្ន សាខន បានប្រើប្រាស់គ្រឿងចក្រឈូសឆាយបំផ្លាញព្រៃឈើក្នុងដែនជម្រកសត្វយ៉ាងពេញបន្ទុក ។
ក្រោយពេលដែលលោក ហ៊ុន សែន ដាក់ចេញនូវបទបញ្ជាលេខ០០២ ដើម្បីទប់ស្កាត់បទល្មើសបំផ្លាញព្រៃឈើនិងដឹកជញ្ជូនឈើខុសច្បាប់រួចមក គេឃើញឧកញ៉ា រ័ត្ន សាខន កំពុងបំពានលើបទបញ្ជា ។ ជាក់ស្តែងប្រជាសហគមន៍ការពារព្រៃឈើនៅស្រុកលំផាត់បានឲ្យដឹងថា ឧកញ៉ា រ័ត្ន សាខន កំពុងតែធ្វើផ្លូវដាក់គ្រឿងចក្រ សង់រោងសិប្បកម្មកែច្នៃឈើគ្រប់ប្រភេទនៅតំបន់ព្រៃការពារដោយព្រះរាជក្រឹត្យ និងអនុក្រឹត្យ។ ប្រការនេះ កំពុងតែធ្វើឲ្យព្រៃឈើក្នុងដែនជម្រកសត្វព្រៃលំផាត់ទំហំជាង៩ពាន់ហិកតា ស្ថិតក្នុងឃុំសេដា ស្រុកលំផាត់ និងឃុំបរខាំ ស្រុកអូរយ៉ាដាវ ខេត្តរតនគិរី ប្រឈមនឹងសេចក្តីវិនាសសាបសូន្យជៀសមិនផុតឡើយ។
ប្រជាពលរដ្ឋក្នុងស្រុកលំផាត់ ខេត្តរតនគិរី បានឲ្យដឹងថាឧកញ៉ាយួន រ័ត្ន សាខន កំពុងប្រើអំណាចបំផ្លាញព្រៃឈើរាលដាលដល់ក្រៅបរិវេណដីសម្បទានរបស់ខ្លួន ហើយបង្កើតរោងសិប្បកម្មអារឈើខុសច្បាប់ស្រេចតែអំពើចិត្ត។ បញ្ហានេះក្រសួងបរិស្ថាននិងក្រសួងកសិកម្មត្រូវពិនិត្យមើលជាបន្ទាន់ព្រោះឧកញ៉ាកូនកាត់យួន រ័ត្ន សាខន កំពុងបំផ្លាញព្រៃដែនជម្រកសត្វក្នុងស្រុកលំផាត់ឲ្យរលាយសាបសូន្យ។ ជាក់ស្តែងឧកញ៉ា រ័ត្ន សាខន កំពុងប្រើប្រាស់ ស.ជ.ណ របស់រដ្ឋាភិបាលលោក ហ៊ុន សែន ដើម្បីបំផ្លាញព្រៃឈើនិងអារច្រៀកឈើធ្វើអាជីវកម្មខុសច្បាប់៕
