ថ្មីៗនេះប្រភពព័ត៌មានទម្លាយចេញពីអង្គភាពផ្ទៃទឹកសមុទ្ររាម បានឱ្យការិយាល័យរបស់យើងដឹងថា គ្រប់មេឈ្មួញ រកស៊ីបទល្មើសទំនិញគេចពន្ធ និងទំនិញខុសច្បាប់គ្រប់ប្រភេទ គឺជាឆ្នាំងបាយរបស់ផ្កាយ ២ ទៀង សុខា ក្មួយប្រុស បង្កើតរបស់លោកឧបនាយករដ្ឋមន្ត្រី ក្រសួងការពារជាតិ ទៀ បាញ់ និងត្រូវជាកូនរបស់មេឧត្តមសេនីយ៍ បញ្ជាការយោធាជើងទឹក ទៀ វិញ និងផ្កាយ ១ កាន់ កៅ ដែលជាមេឈ្មួញរកស៊ីប្រេងដ៏ធំប្រចាំដែនសមុទ្រ ប្រទេសកម្ពុជានោះ ។
គួររំលឹកថា លោកនាយឧត្តមសេនីយ៍ ទៀ វិញ គឺជាមេបញ្ជាការកងទ័ពជើងទឹក និងបងប្រុសរបស់គាត់ គឺលោកនាយ ឧត្តមសេនីយ៍ ទៀ បាញ់ ឧបនាយក រដ្ឋមន្ត្រី រដ្ឋមន្ត្រីក្រសួងការពារជាតិ ។ តែអ្វីដែលគួរឱ្យភ្ញាក់ផ្អើល នោះ គឺលោកនាយឧត្តមសេនីយ៍ ទៀ វិញ បានឃុបឃិតតែងតាំងលោក កាន់ កៅ ដែលជាមេឈ្មួញរកស៊ីប្រេង នៅសមុទ្រដែលស្គាល់ថា ជាមេឈ្មួញរកស៊ីរត់ពន្ធប្រេងសាំងដ៏ធំល្បីឈ្មោះប្រចាំ ដែនសមុទ្រឱ្យពាក់ផ្កាយ១ កាន់ផ្នែក គណនេយ្យកងទ័ពជើងទឹក និងតែង តាំងកូនប្រុសរបស់គាត់ឈ្មោះ ទៀ សុខា ឱ្យពាក់ផ្កាយ២ កាន់តួនាទីជា ប្រធានផ្នែកសន្តិសុខលំហរសមុទ្រទៀតនោះ បានបង្ហាញពីការអសមត្ថភាព និងគ្រួសារនិយមពុក រលួយស៊ីរូងផ្ទៃក្នុងការងាររដ្ឋាភិបាលកម្ពុជាក្រោមការដឹកនាំ និងជាន់ឈ្លីកំណែទម្រង់ស៊ីជម្រៅរបស់លោកនាយក រដ្ឋមន្ត្រី ហ៊ុន សែន ដែលជានាយឧត្តមសេនីយ៍ផុតលេខ នៅកម្ពុជា មិនគួរបើគេមើលរំលងពីការអសមត្ថភាព និងគ្រួសារនិយមរបស់ត្រកូល ទៀ មេបញ្ជាការយោធាជើងទឹក ទៀ វិញ ផ្កាយ២ ទៀ សុខា និងផ្កាយ ១ កាន់ កៅ នោះទេ ! ។
ទាក់ទងនឹងបញ្ហាលំហសមុទ្រនេះវិញ ត្រូវបានប្រភពយោធាជើងទឹកជាមន្ត្រីក្រោមឱវាទរបស់លោក ទៀ វិញ ទម្លាយឱ្យយើងដឹងទៀតថា មូលហេតុនៃការតែងតាំងផ្កាយ ១ កាន់ កៅ នេះដោយសារថា កាន់ កៅ គឺជាមេ ឈ្មួញរកស៊ីប្រេងគេចពន្ធប្រេងធំដ៏ល្បីល្បាញប្រចាំផ្ទៃសមុទ្រ ហើយបុរស កាន់ កៅ នេះកាលនៅជាមេឈ្មួញប្រេង ជាមនុស្សរកចំណូលប្រេងគេចពន្ធដ៏ជិតស្និទ្ធស្នាលបំផុតឱ្យលោកមេបញ្ជាការយោធាជើងទឹក ទៀ វិញ ដូច្នេះ មធ្យោបាយដែលពង្រីកអំណាចឱ្យមេឈ្មួញរកស៊ីគេចពន្ធប្រេងកាងការងាររកស៊ីប្រេងគេចពន្ធរឹតតែមានអំណាច និងកាងមុខជំនួញខុសច្បាប់របស់ខ្លួននោះ គឺការបំពាក់តួនាទី និងតម្លើងផ្កាយ១ ឱ្យកាន់ការងារសំខាន់ជាបន្ថែមនោះ ឯង ទើបងាយស្រួលឱ្យមេបញ្ជាការជើងទឹក ទៀ វិញ ងាយស្រួលកើបយកចំណូលឱ្យមូលទៅក្នុងដៃនោះ ។
ឯការតែងតាំងផ្កាយ ២ ទៀ សុខា ដែលជាមនុស្សគ្មានអតីតភាពការងារក្នុងមន្ត្រីយោធាត្រូវជាកូននោះក៏ ដូច្នេះដែរ ព្រោះថា បទល្មើសសេដ្ឋកិច្ចតាមផ្ទៃសមុទ្រមានច្រើនស្អេកស្កះ និងគ្រប់រូបភាព ដូច្នេះដើម្បីពង្រីកឥទ្ធិពល អំណាចគ្រួសារនិយមក្រោមក្លៀកឧប ទៀ បាញ់ ហើយនោះ គឺផ្កាយ៣ ទៀ វិញ មេបញ្ជាការយោធាជើងទឹកដ៏ មហិមាមិនខ្វល់អៀនខ្មាស់ពីការរិះគន់ទេ ! ហើយបានឃុបឃិតតែងតាំងកូនរបស់ខ្លួនតម្លើងដល់ទៅផ្កាយ ២ ឱ្យកាន់ជាមេបញ្ជាការគ្រប់គ្រងលំហរសមុទ្រក៏ព្រោះងាយស្រួលក្តោបក្តាប់គ្រប់បទល្មើសឱ្យមូលក្នុងដៃកុំឱ្យបែក ធ្លាយបទល្មើសចេញក្រៅ និងខ្លាចបែកការធ្លាយអំពើពុករលួយចេញក្រៅនោះ ។
ដូចជា ភាពប្រតិកម្មពីសំណាក់ក្រុមមន្ត្រីយោធាតស៊ូយូរឆ្នាំនោះ នឹងការតែងតាំងតម្លើងតួនាទី នេះ នាយទាហានមួយចំនួនទៀតបាន លើកឡើងថា ពួកគាត់បានចូលបំរើ ការងារ ក្នុងក្របខណ្ឌកងទ័ពជើងទឹក រយៈពេល៣០ឆ្នាំមកនេះមានមន្ត្រី ខ្លះពាក់ត្រឹមសក្តិ៣ ប៉ុណ្ណោះ ហើយអ្នកខ្លះទៀត មានសំណាងពាក់សក្តិ៥ ប៉ុន្តែគ្រាន់តែ ពាក់សក្តិឱ្យល្អមើលតែប៉ុណ្ណោះ ព្រោះ គ្មានតួនាទីមុខតំណែងអ្វីទេ ហើយឯកូនលោក ទៀ វិញ ក្មួយឧប ទៀ បាញ់ វិញទើប និងចូលការងារយោធាមិនប៉ុន្មានសោះ បែរជាត្រកូល ទៀ ឃុបឃិតគ្នាប្រព្រឹត្តអំពើពុករលួយ គ្រួសារនិយម បំពាក់ឱ្យផ្កាយ ២ កាន់ការងារសុទ្ធតែកន្លែងខ្លាញ់ជាន់ឈ្លីកំណែទម្រង់ស៊ីជម្រៅរបស់លោក ហ៊ុន សែន ដាក់យ៉ាងព្រហើនបំផុត គួរតែគេមើលរំលង ឬកំណែទម្រង់ស៊ីជម្រៅជាន់ឈ្លី និងគ្រួសារនិយមបក្ខពួកនិយមយ៉ាង ពេញបន្ទុកក្នុងក្រសួងការពារជាតិបែបនេះ ។
ក្រុមមន្ត្រី និងនាយទាហានខ្សឹបតាមទូរស័ព្ទ និងលើកឡើងរិះគន់យ៉ាងឥតសំចៃថា អារឿង តែងតាំងបក្ខពួក សាច់ញាតិឯងឱ្យធ្វើ ធំថាតែងតាំងទៅចុះ ព្រោះជាសាច់ ញាតិគ្នីគ្នា តែអ្វីដែលត្រូវចាប់អារម្មណ៍ គឺការឃុបឃិតគ្នា ឱ្យមានបទល្មើសលើផ្ទៃសមុទ្រយ៉ាងពេញបន្ទុក គេចពន្ធគៃបំបាត់ពន្ធរដ្ឋស្ទើរទាំងស្រុងនៅលើ តំបន់ផ្ទៃសមុទ្រនេះ តើគួរលោក អូន ព័ន្ធមុន្នីរ័ត្ន ជារដ្ឋមន្ត្រីក្រសួងសេដ្ឋកិច្ចហិរញ្ញវត្ថុ និងប្រតិភូគយថ្មី លោក គុណ ញឹម លោកទេសរដ្ឋមន្ត្រី ឱម យ៉ិនទៀង ប្រធានអង្គភាពប្រឆាំងអំពើពុករលួយចាត់ទុកថា ជារឿងធម្មតា ឬបញ្ហាបក្ខពួកគ្រួសារនិយមនៅក្នុងក្រសួងការពារជាតិ ដែលជាន់ឈ្លីកំណែទម្រង់ស៊ីជម្រៅដែលលោក ហ៊ុន សែន ដាក់ចុះនោះ ។
គួររំលឹកថា បញ្ហានេះអាជ្ញាធរខេត្តព្រះសីហនុ ក៏ធ្លាប់បានលើកលើងផងដែរថា ៈ លោកទៀ សុខា មានការឃុបឃិត ជាមួយឈ្មួញឈ្មួញធំៗ រកស៊ីដឹកជញ្ចូន ទំនិញគេចពន្ធ ចូលដែនសមុទ្រកម្ពុជា គ្មាននរណាហ៊ាន បង្ក្រាប និងហ៊ានប៉ះនោះទេ ! ធ្វើអីធ្វើទៅ ព្រោះជាក្មួយឧប ទៀ បាញ់ ។
ជាការពិតណាស់ក្រុមឈ្មួញ ដែលរកស៊ីដឹកជញ្ជូន ប្រេងសាំងគេចពន្ធ មកពីតំបន់កោះរ៉ុង កោះខ្យង ក្នុងមួយថ្ងៃៗរាប់ពាន់តោនក្នុងនោះគេពុំបានបញ្ជាក់ពីទូរលេខទំនិញបទល្មើសគេចពន្ធជ្រកក្រោមឈ្មោះ ទៀ សុខា និងកាន់ កៅ ផង ចូលខេត្តកំពត និងខេត្តព្រះសីហនុ ការ កាប់បំផ្លាញព្រៃឈើតាមដែនកោះ ក៏ ដូចជាការឃុបឃិត ឱ្យទូកនេសាទរបស់សៀម-យួនចូលមកធ្វើអាជីវកម្មនេសាទខុសច្បាប់ក្នុងដែនសមុទ្រខ្មែរ រួមទាំង ការដឹកជញ្ជូន ទំនិញគេចពន្ធឆ្លងកាត់ ដែនសមុទ្រមិនមែនលោក ទៀ សុខា មិនដឹងនោះទេ អីចឹងហើយនៅពេល ផ្នែក អគ្គលេខាធិកាដ្ឋានលំហរសមុទ្រ មិនបង្ក្រាបទំនិញគេចពន្ធ និងទំនិញខុស ច្បាប់ទាំងនោះ មន្ត្រីជំនាញនិងសមត្ថ កិច្ចដទៃទៀត គ្រាន់តែជាជើងក្រោយប៉ុណ្ណោះហើយក៏គ្មាននរណាមួយហ៊ានអើតក្បាលនិយាយឱ្យប៉ះពាល់គ្រួសារ ត្រកូល ទៀ ទេ ព្រោះខ្លាចរបូតកៅអី ។
បញ្ហានេះ បើតាមប្រភពដោះ សារ របស់មន្ត្រីមានសមត្ថកិច្ចផ្សេងៗ នៅលំហរសមុទ្រ ។ ហើយអំពើពុក រលួយដែល លោក ទៀ សុខា រួមដៃជាមួយលោក កាន់ កៅ ឃុបឃិតក្រោមក្លៀករបស់លោក ទៀ វិញ ឱ្យមាន បទល្មើសនៅក្នុងដែនសមុទ្រកម្ពុជា មិនមែនជា រឿងធម្មតាទេ ដែលទាមទារឱ្យ អង្គភាពប្រឆាំងអំពើពុករលួយ ត្រួត ពិនិត្យមើលឡើងវិញផង តើហ៊ានដែរទេ ក្រោមក្លៀករបស់នាយឧត្តមសេនីយ៍ផុតលេខ ហ៊ុន សែន នោះ ។/
ដោយ ៖ ឆ្លាមសមុទ្រ
