ភ្នំពេញៈ លោកឧបនាយករដ្ឋមន្ត្រី ស ខេង និងជានាយករដ្ឋមន្ត្រីស្តីទី បានថ្លែងធ្វើការរិះគន់យ៉ាងខ្លាំងៗមួយលើកជា ពីរលើកទៅលើលោក ឡាយ វណ្ណៈ អភិបាលខេត្តតាកែវ ថា ជាមន្ត្រីធ្វើការគ្មានដឹងទិស គ្មានដឹងតំបន់ ធ្វើការអត្តនោ ម័តតែខ្លួនឯង គ្មានសុំយោបល់ថ្នាក់លើ ដែលក្នុងចំណោមអភិ បាលខេត្ត រាជធានីទាំង ២៤ គឺមានតែអភិបាលខេត្ត តាកែវមួយប៉ុណ្ណោះ ធ្វើការខុសគេនោះ ។
តាមលោកនាយករដ្ឋមន្ត្រីស្តីទី បានថ្លែងរិះគន់ទៅលើ លោកអភិបាលខេត្តតាកែវយ៉ាងដូច្នេះ នៅក្នុងឱកាស ដែលលោកអញ្ជើញ ចូលរួមប្រជុំបូកសរុបការងារប្រចាំខែវិច្ឆិកា និងលើកទិសដៅការងារខែធ្នូ នាព្រឹកថ្ងៃទី១២ ខែធ្នូ ឆ្នាំ២០១៤ នេះនៅក្រសួងមហាផ្ទៃ លើកឡើងថា ក្នុងចំណោមអភិបាលខេត្តទូទាំងប្រទេស មានតែខេត្តតាកែវ មួយប៉ុណ្ណោះ គាត់មានរឿងចម្លែកៗ ។
ដោយលោកនាយករដ្ឋមន្ត្រីស្តីទី បានថ្លែងថា « ខេត្តតាកែវហ្នឹង គាត់មានរឿងចម្លែកៗ មានពេលមួយនោះ គាត់ហៅ តុលាការ មកសួរចម្លើយតែម្តង, ធ្វើការអត់សុំយោបល់នរណាទេ គាត់ឃាត់ តែម្តងដូចជា ក្បួនធម្មយាត្រាមាន ព្រះសង្ឃ មានតាជី យាយជី មានប្រជាពលរដ្ឋ » ក្នុងនោះលោកក៏បានបន្ថែមថា មានតែ ខេត្តតាកែវមួយទេ ធ្វើការគ្មានទិស គ្មានតំបន់អីចឹងមិនបានទេ ។
មិនត្រឹមតែលោកនាយករដ្ឋមន្ត្រីស្តីទី ស ខេង ធ្វើការ រិះគន់ និងស្តីបន្ទោសទៅលើលោក ឡាយ វណ្ណៈ អភិបាលខេត្ត តែប៉ុណ្ណោះទេ សូម្បីតែនាយឧត្តមសេនីយ៍ នេត សាវឿន អគ្គស្នងការនគរបាលជាតិ ក៏សម្តែងចេញនូវការមិនពេញ ចិត្តចំពោះអភិបាលខេត្តតាកែវ ក្នុងការប្រើកម្លាំង ប្រដាប់អាវុធទៅដាក់បារ៉ាស់រារាំង ប្រជាពលរដ្ឋ ព្រះសង្ឃ ដើរហែក្បួនធម្មយាត្រាខាងលើនេះផងដែរ ។
បញ្ហាអសមត្ថភាព ដោយលោក នេត សាវឿន ថ្លែងសំណូមពរនៅក្នុងអង្គប្រជុំថា ថ្ងៃក្រោយៗកុំឱ្យដាក់កម្លាំង អីចឹងតទៅទៀត ដូចជាករណីខេត្តតាកែវ វាមិនល្អនោះទេ ធ្វើឱ្យប្រជាពលរដ្ឋមានការថ្នាំងថ្នាក់ និងកម្លាំងប្រដាប់ អាវុធរបស់រដ្ឋាភិបាលទាំងមិនដឹងស្អី ! សោះ ! និងគ្មានបទបញ្ជា ។
សូមបញ្ជាក់ថា កាលពីថ្ងៃទី ០៥ ខែធ្នូ ឆ្នាំ២០១៤ កន្លងទៅនេះ មានក្បួនព្រះសង្ឃ តាជី យាយជី និងប្រជាពលរដ្ឋជា ច្រើន បាននាំគ្នាដង្ហែក្បួនធម្មយាត្រា ធ្វើដំណើរចេញពីស្រុកគីរីវង្ស ខេត្តតាកែវ ឆ្ពោះមកកាន់រាជធានីភ្នំពេញ ដើម្បីចូលរួម ក្នុងទិវាសិទ្ធិមនុស្សអន្តរជាតិ ១០ ធ្នូ ។
ផ្ទុយទៅវិញក្បួនធម្មយាត្រាខាងលើនេះ ត្រូវបានកម្លាំងអាជ្ញាធរ សមត្ថកិច្ច ខេត្តតាកែវ ប្រើកម្លាំងប្រដាប់អាវុធ រួមមានទាំងទាហាន ប្រដាប់ដោយកាំភ្លើងវែងខ្លីចេញទៅធ្វើការរារាំង និងដាក់បារ៉ាស់ ទប់ស្កាត់ មិនឱ្យក្បួនធម្ម យាត្រា ធ្វើដំណើរឆ្ពោះមកកាន់រាជធានីភ្នំពេញបានឡើយ ។
តែចំណាត់ការរបស់អភិបាលខេត្តតាកែវខាង លើនេះ ត្រូវបានបរាជ័យ បន្ទាប់ពីថ្នាក់លើបានដឹងជាមុនក៏បាន បញ្ជាឱ្យដកកម្លាំងប្រដាប់អាវុធចេញវិញ ដើម្បីបើកផ្លូវឱ្យក្បួនធម្មយាត្រាធ្វើដំណើរតាមសម្រួលទៅគោលដៅ ។ ហើយ ខណៈដែលបណ្តា ខេត្តផ្សេងៗទៀតនៅទូទាំងប្រទេស មិន មានខេត្តណាមួយហ៊ានបញ្ចោញចំណាត់ការរារាំង ដូចករណីខេត្តតាកែវនោះឡើយ ។ ព្រោះតែជាគោលការណ៍ របស់រាជរដ្ឋា ភិបាល មិនបានអនុញ្ញាតឱ្យធ្វើការរារាំង ក្បួនធម្មយាត្រានោះទេ ។
ជាងនេះទៅទៀត ជាការអសមត្ថភាព និងអាងខ្លួនមានខ្សែបណ្តោយជាធំនោះ មិនមែនជាលើកទី១នោះទេ ដែលលោក ឡាយ វណ្ណៈ អភិបាលខេត្តតាកែវវ័យក្មេង ឡើងតួនាទីទំនងដោយសារតែខ្សែជាកូនប្រសារលោក ស៊ូ ភិរិន្ទ អតីតអភិបាលខេត្តសៀមរាប និងបច្ចុប្បន្នជារដ្ឋលេខាធិការទីស្តីការ គណៈ រដ្ឋមន្ត្រីធ្វើការងារអត្តនោម័ត និង ខុសទៅនឹងនីតិវិធីនៃច្បាប់នោះ ។ ហើយកន្លងមកលោក ឡាយ វណ្ណៈ ក៏ធ្លាប់ត្រូវបាន ក្រុមអ្នក ច្បាប់ធ្វើការរិះគន់ ម្តងរួចមកហើយ ខណៈដែលរូបលោកក្នុងនាមអភិបាលខេត្ត បានសរសេរលិខិតកោះហៅ ប្រធាន សាលាដំបូង និងព្រះរាជអាជ្ញា អមសាលាដំបូង ខេត្តតាកែវ ឱ្យចូលខ្លួនទៅបំភ្លឺពាក់ព័ន្ធទៅនឹងករណីសំណុំរឿងព្រហ្មទណ្ឌមួយ ដែលយោងតាមច្បាប់ និងនីតិវិធី អាជ្ញាធរ សមត្ថកិច្ច ហើយបើទោះជាតុលាការនោះខុសក៏ដោយក៏ឱ្យមន្ត្រីអធិការ កិច្ចច្បាប់តុលាការជាអ្នកពិនិត្យសម្រេចទោសមិនមែនយកអំណាច និងមិនមានសិទ្ធិអំណាចកោះហៅស្ថាប័ន តុលាការ ឱ្យចូល ខ្លួនទៅបំភ្លឺបាននោះទេ ដោយយោងតាមរដ្ឋធម្មនុញ្ញបានចែកដាច់ពីគ្នា រវាងអំណាចនីតិប្រតិបត្តិ និងអំ ណាចតុលាការនោះ ។
ជាការកត់សម្គាល់ លោក ឡាយ វណ្ណៈ ត្រូវបានគេចាត់ទុកថា ជាអភិបាលខេត្តមានវ័យក្មេងជាងគេ ជាមួយនឹងអភិ បាលខេត្តមួយរូបទៀត គឺលោក ថង សាវុន អភិបាលខេត្តរតនគីរី ដែលទើបឡើងថ្មី ក៏មានវ័យក្មេងស្របាៗគ្នាផងដែរ ប៉ុន្តែ គេមិនដឹងថា លោក ឡាយ វណ្ណៈ មានចំណេះដឹង សញ្ញាបត្រ និងបទពិសោធន៍ការងារកម្រិតណានោះទេ បាន ជាមិនយល់ពីនីតិវិធីនៃច្បាប់ ក៏ដូចជាឋានានុក្រមការងារជាដើមនោះ ។
មិនតែប៉ុណ្ណោះ រឿងអាស្រូវក្នុងបទល្មើសសេដ្ឋកិច្ចដែលមន្ត្រីខ្សឹបឱ្យយើងដឹងថា អភិបាលខេត្ត ឡាយ វណ្ណៈ អាងអំណាចឧបនាយក១រូបនោះ ជាបង្អែក និងឪក្មេកជាប់ពាក់ព័ន្ធនូវពីក្រោយឈ្មួញនាំមេស្រា មេសាប៊ូ មេអាកុល ត្រីឆ្តោ ត្រីចាប បទល្មើសឈើប្រណីត និងឈើគ្រញូងមួយចំនួន ព្រមទាំងការបណ្តោយឱ្យបរទេសយួនចូលមកនេ សាទក្នុងដែនទន្លេអង្គរយ៉ាងគឃ្លើនបំផុត ហើយថែមទាំងគំរាមមិនឱ្យមន្ត្រីជមនាញបទល្មើសសេដ្ឋកិច្ចលីកដៃកកូរ កកាយក្នុងបទល្មើសអស់នោះទៀតផង ។
បែបទំនង លោក ឡាយ វណ្ណៈ ខ្លាចបែកលាភសក្ការៈ ។ ហើយរឿងអាស្រូវគម្រក់ដែលប្រជាពលរដ្ឋអ្នក ខេត្តតាកែវគេចាំមិនភ្លេចនោះ គឺរឿងអាស្រូវក្នុងខារ៉ាអូខេមួយ ព្រោះតែគាត់ត្រូវការយកស្រីនោះ ពុំបានសម្រេច នោះ ក៏កើតទៅជារឿងប្រទូសសារ៉ាយប្រើហិង្សាទៅលើជនរងគ្រោះយ៉ាងគួរឱ្យអាម៉ាស់មុខបំផុត ដោយសារតែ អាងអំណាចយកទៅប្រើខុសបែបបទយ៉ាងអគតិនោះ ។ នៅមានរឿងអាស្រូវជាច្រើនទៀត ដែលមន្ត្រីប្រភព និងសន្យាផ្តល់ឱ្យយើងចុះផ្សាយបន្តជូនការអសមត្ថភាពពាក់ព័ន្ធនឹងអំពើពុករលួយរបស់គាត់លេខក្រោយ ។ /
