លោក សៅ ប៊ុនរិទ្ធ ធ្លាប់ធ្វើជាប្រធានច្រកអន្តរជាតិប៉ោយប៉ែត ខេត្តបន្ទាយមានជ័យ ដែលល្បីល្បាញ ខាងប្រព្រឹត្តិអំពើពុករលួយ និងច្របាច់.កពលករក្រីក្រ ដែលធ្វើចំណាកស្រុក តាមច្រករបៀងតូចៗ នៅមិនឆ្ងាយពីច្រកអន្តរជាតិប៉ោយប៉ែត ស្របច្បាប់ដែលមានពលករក្នុងមួយថ្ងៃ ២០០នាក់ ធ្វើចំណាកស្រុក ទាំងយប់ទាំងថ្ងៃ ដែលត្រូវបង់ឱ្យលោក សៅ ប៊ុនរិទ្ធ ក្នុងមួយនាក់ពី ៣០០ ទៅ ៥០០បាត ។ក្រុមប៉ូលិសអន្តោប្រវេសន៍ទាំងអស់នោះ ជាកូនចៅលោក សៅ ប៊ុនរិទ្ធ បានប្រើប្រាស់ពាក្យអសុរសទៅលើពលករទាំងអស់នោះថា (បើហ្ហែងគ្មានលុយសម្រាប់អញ អញចាប់បញ្ជូន ហ្អែងទៅស្នងការខេត្តបាត់ដំបងឥឡូវ) ។
លោកសៅប៊ុនរិទ្ឋថ្មីៗនេះទើបនឹង ឡើងកាន់តំណែងជាប្រធានច្រកដូង ឃុំបឹងរាំង ស្រុកកំរៀង ខេត្តបាត់ដំបង ដែលកាលពីមុនលោកសៅប៊ុនរិទ្ឋត្រូវបានកាន់តំណែងជាប្រធានច្រកអន្តរជាតិ ប៉ោយប៉ែតដែលបុគ្គលនេះសម្បូរទៅដោយរឿងអាស្រូវគឺសង្កត់ករាស្រ្តយកប្រាក់។
ក្រុមប៉ូលិសអន្តោប្រវេសន៍ប្រចាំច្រកដូង កំពុងតែប្រមូលប្រាក់ពីពលករចំណាកស្រុក ដែលមានបំណងវិលត្រឡប់ទៅធ្វើការនៅប្រទេសថៃវិញ ស្របពេលដែលរាជរដ្ឋាភិបាលយោធាថៃ បានចាប់បញ្ជូន ពលករខ្មែរដែលពុំមានច្បាប់ទម្លាប់ត្រឹមត្រូវវិលមកកម្ពុជាវិញនោះ ។
សេចក្តីរាយការណ៏បានឲ្យដឹងថា ពលករចំណាកស្រុកត្រូវបានទាហានថៃ ទារប្រាក់ ២០០ បាត និងត្រូវបានក្រុមប៉ូលិសអន្តោប្រវេសន៍របស់លោក សៅ ប៊ុនរិទ្ធ ទាមទារប្រាក់ចាប់ពី ២០០ ទៅ ៣០០បាត ទើបឱ្យចូលមកទឹកដីកំណើតរបស់ខ្លួនវិញ ។ ប្រសិនបើមិន បង់ប្រាក់ទៅឱ្យក្រុមប៉ូលិសលោក សៅ ប៊ុនរិទ្ធ គឺមិនបានចូលស្រុកកំណើតនោះទេ ហើយត្រូវបានអាជ្ញាធរទាហានរបស់ថៃ គំរាមបណ្តេញឱ្យចូលមក ទឹកដីខ្មែរ ហើយបើយឺតយ៉ាវនោះ ត្រូវរងការវាយដំពីសំណាក់ទាហានថៃថែមទៀតផង ។
ដោយខ្លាចអំណាចសៅប៊ុនរិទ្ឋពលករបានសម្រេចចិត្តបង់ប្រាក់ឲ្យទៅក្រុម ប៉ូលិសអន្តោប្រវេសន៍ ។
ពលករបានប្រាប់ថា ពេលដែលវិលមកស្រុកកំណើតវិញ ដោយសារតែអាជ្ញា ធរយោធាថៃបញ្ជូនមកនោះ មានបំណងបន្តប័ណ្ណឆ្លងដែនដែលមានរយៈពេលមួយសប្តាហ៍នោះ ត្រូវបង់ជូន ក្រុម លោក សៅ ប៊ុនរិទ្ធ ២០បាត ទៅ ៣០បាត ហើយបើធ្វើលិខិតចេញចូលមួយថ្ងៃក៏ត្រូវបង់ ១០បាត ទៅ ១៥បាតបន្ទាប់ពីប្រមុខរដ្ឋាភិបាលទទួលភាពអាម៉ាស់យ៉ាង
លើឆាកអន្តរជាតិឥឡូវនេះលោកសៅប៊ុនរិទ្ឋកំពុងតែបន្តច្របាច់កពលករខែ្មរយកប្រាក់ដែលចង់បន្តទៅធើ្វការនៅប្រទេ
សដែលអត់លិខិតស្នាម៕
