ក្រុមអា ជីវករនិងប្រជា ពលរដ្ឋដែលដឹក ទំនិញឆ្លងកាត់មុខ ស្នាក់ការជញ្ជីង ថ្លឹងរថយន្តនៅ ភូមិកំពង់ទួល បានឲ្យដឹងថា ស្នាក់ការជញ្ជីង ថ្លឹងរថយន្ត នោះមិនខុសពីកុង ត្រូលជជុះទ្បើយ ។ កន្លងមក គេឃើញទីតាំង ជញ្ជីងចល័តថ្លឹង រថយន្តនេះត្រូវបាន ដកចេញម្តង រួចទៅហើយ ប៉ុន្តែក្រោយមក មិនដឹងជាយ៉ាងម៉េច នៅតែឃើញប្រជាពលរដ្ឋ និងក្រុមអ្នកដឹកជញ្ជូន ទំនិញនៅតែចូលទៅ បង់លុយឲ្យមន្ត្រីដែលប្រចាំការ នៅស្នាក់ការនោះដូចមុនដដែល ៗ។
ប្រភពបានឲ្យដឹងថាជញ្ជីងថ្លឹងរថយន្តជាប្រភពចំណូលដ៏សំខាន់របស់លោក ម៉ឹង យូទ្បេង ដែលជាប្រធានមន្ទីរ ដោយមានមនុស្សស្និទ្ធគាត់មួយចំនួនជាអ្នកបំពេញតួនាទីក្នុងការប្រមូលលុយ។ ជាក់ស្តែងទីតាំង ជញ្ជីងចល័តថ្លឹងរថយន្តនៅក្បែរស្ពាន៧មករាលើផ្លូវជាតិលេខ៣ ក្នុងភូមិកំពង់ទួល ឃុំអន្លង់រមៀត ស្រុកកណ្តាលស្ទឹង ខេត្តកណ្តាល ត្រូវបានប្រជាពលរដ្ឋរិះគន់ថាមិនដែលឃើញថ្លឹងរថយន្តដែលដឹកទំនិញផ្ទុកលើសទម្ងន់នោះទេ។ ផ្ទុយទៅវិញគេតែងតែឃើញរថយន្តធំៗផ្ទុកទំនិញលើសចំណុះមកឈប់នៅមុខទីតាំងជញ្ជីងថ្លឹងរថយន្តនោះ ហើយព្រូរថយន្តយកលុយទៅហុចឲ្យអ្នកអង្គុយចាំនៅក្នុងស្នាក់ការ ។
សមត្ថកិច្ចពាក់ព័ន្ធបានឲ្យដឹងថាមន្ត្រីដែលប្រចាំការនៅស្នាក់ការជញ្ជីងថ្លឹងរថយន្តក្បែរស្ពាន៧មករា ផ្លូវជាតិលេខ៣ ភូមិកំពង់ទួលនោះ គឺជាមន្ត្រីមកពីមន្ទីរសាធារណការនិងដឹកជញ្ជូនខេត្តកណ្តាល សហការជាមួយមន្ត្រីមកពីក្រសួងនិងមន្ត្រីមកពីសាលាខេត្តជាអ្នកគ្រប់គ្រងចំណូលចំណាយ។ ការពិតការដាក់ជញ្ជីងថ្លឹងរថយន្តនេះគឺដើម្បីទប់ស្កាត់កុំឲ្យរថយន្តដឹកទំនិញលើសទម្ងន់ធ្វើឲ្យខូចខាតផ្លូវនិងស្ពាន ប៉ុន្តែជាក់ស្តែងពួកគេឆ្លៀតឱកាសប្រមូលលុយធ្វើមានធ្វើបានយ៉ាងសុខស្រួលបំផុត។ ក្នុងនោះលោក ម៉ឹង យូទ្បេង ដែលជាប្រធានមន្ទីរសាធារណការនិងដឹកជញ្ជូនខេត្តកណ្តាល គឺជាអ្នកទទួលផលប្រយោជន៍ច្រើនជាងគេតាមរយៈការប្រព្រឹត្តអំពើពុករលួយបក្ខពួកនិយម ដូច្នេះអង្គភាពប្រឆាំងអំពើពុករលួយគួរចាត់វិធានការទប់ស្កាត់ជាបន្ទាន់ ៕
