ខេត្តកោះកុង ៖នគរបាលស្រុកកោះកុង បានឲ្យដឹងថា ក្រុមជនដើរឆបោកទាំង ៤នាក់នោះ រួមមាន១-ឈ្មោះឡេ តឹងលឹត ភេទប្រុស អាយុ ៤០ឆ្នាំ ជាជនជាតិវៀតណាម ២-ឈ្មោះ វីន ង៉ុកថាញ់ ភេទប្រុស អាយុ ៤០ឆ្នាំ ជាជនជាតិវៀតណាម ៣-ឈ្មោះ វៀង វ៉ានម៉ាន់ ភេទប្រុស អាយុ ២៨ឆ្នាំ ជាជនជាតិវៀតណាម និងទី៤-ឈ្មោះ វៀង យ៉ុងទ្រោយ ភេទប្រុស អាយុ ៣៥ឆ្នាំ ជាជនជាតិយួន ។ក្រុមជនដើរឆបោក ប្រជាពលរដ្ឋ ដោយយកមាសក្លែងក្លាយ ធ្វើសកម្មភាពបោកប្រាស់ អាជីវករលក់ដូរមួយចំនួន បានលុយជាង ៨ម៉ឺនបាត និងលុយដុល្លារ ១៧០០ដុល្លារ ត្រូវបានកម្លាំងនគរបាល ស្រុកកោះកុង ឃាត់ខ្លួនបាន ៤នាក់ កាលពីវេលាម៉ោង ១៣និង៥០ នាទី ថ្ងៃទី១៤ ខែមករា ឆ្នាំ២០១៥ ស្ថិតនៅស្រុកកោះកុង លើដងផ្លូវជាតិលេខ៤៨។ ចំណែកជនរងគ្រោះ មានឈ្មោះ យីវ ស្រីកែវ ភេទស្រី អាយុ ៣៥ឆ្នាំ មានទីលំនៅភូមិ១ ឃុំកោះការពិ ស្រុកកោះកុង ខេត្ដកោះកុង មានមុខរបរវេលុយតាមវីង។ ក្រោយពេលឃាត់ខ្លួន ជនសង្ស័យទាំង ៤នាក់ សមត្ថកិច្ច បានដករថយន្ដ កាមរីមួយគ្រឿង មាសក្លែងកាយ ១ដុំ ប្រាក់បាត ជាង ៨ម៉ឺនបាត ប្រាក់ដុល្លារ ចំនួន ១៧០០ដុល្លារ និងសម្ភារៈ មួយចំនួនទៀត៕
