កំពង់ឆ្នាំង ៖ សមត្ថកិច្ចដែលចុះទៅពិនិត្យកន្លែង កើតហេតុឱ្យដឹងថា ថៅកែការដ្ឋានកិនថ្ម លោ កឡុច ច័ន្ទណារិទ្ធ ឱ្យជនរងគ្រោះ ឈ្មោះសៅ ប៊ុននឿននិង ឈ្មោះផុន សុផែន ទៅកាយដីភ្នំនៅទីនោះដើម្បីយកថ្ម ។
ខណៈដែលពួកគេកំពុងធ្វើសកម្មភាព កាយដីភ្នំស្រាប់តែដីនៅខាងលើមាន កម្ពស់ជាង១០ម៉ែត្រក៏បានបាក់សង្កត់ លើគ្រឿងចក្រជិតឈឹងបណ្តាលឱ្យដីកប់ ទាំងគ្រឿងចក្រទាំងមនុស្សស្លាប់តែម្តង ។
តៃកុង ២នាក់បានស្លាប់នៅក្នុងគ្រឿងចក្រកាយដី (អេស្កាវ៉ាទ័រ) បន្ទាប់ពីអ្នកបើកគ្រឿងចក្រទាំង ២នាក់បានបញ្ជាគ្រឿងចក្រកាយដីភ្នំ ហើយដីភ្នំក៏បានបាក់សង្កត់ពីលើស្លាប់ ហើយដែលហេតុការណ៍នេះបានកើត ឡើងកាលពីវេលាម៉ោង ៩ព្រឹក ថ្ងៃទី១៤ ខែមករា ឆ្នាំ ២០១៥ នៅចំណុចការដ្ឋានកិនថ្មថ្លុក ត្របែក ក្នុងភូមិខ្វិត ឃុំពង្រ ស្រុករលា ប្អៀរ ខេត្តកំពង់ឆ្នាំងនោះតែម្តង ។
ជុំវិញមរណៈភាពកាយដីភ្នំខុសច្បាប់ខាងលើ សមត្ថកិច្ចបានឱ្យដឹងទៀតថា បន្ទាប់ ពីមានហេតុការណ៍បានកើតឡើង ម្ចាស់ ក្រុមហ៊ុនកិនថ្មនេះពុំបានរាយការណ៍ឱ្យសមត្ថកិច្ចដឹងភ្លាមៗនោះទេ គេបានបិទបាំងយ៉ាងទុច្ចរិត ។ ហើយគេ ក៏យកគ្រឿងចក្រទៅកាយទាញយកសពជនរង គ្រោះចេញពីកន្លែងកើតហេតុដោយ មិនបានទុកឱ្យសមត្ថកិច្ចត្រួត ពិនិត្យទៅតាមជំនាញនោះទេ ហើយដែលបញ្ហាមរណៈភាព គឺហាក់មានអាថ៌កំបាំងយ៉ាងងងឹតបំផុតរវាងជនរង គ្រោះ និងថៅកែការដ្ឋាន ឡុច ច័ន្ទណារិទ្ធ នោះ ។
អ្នកដឹងហេតុការណ៍មនុស្សស្លាប់នៅ ក្នុងការដ្ឋានកិនថ្មបាក់ដីភ្នំរបស់លោកឡុច ច័ន្ទណា រិទ្ធ នេះមន្ត្រីនៃមន្ទីររ៉ែ ថាមពល បានឱ្យដឹងថា នៅពេលក្រសួងបានដឹងហើយនិងបានឱ្យម្ចាស់ក្រុមហ៊ុនេះផ្អាកធ្វើ សកម្មភាពសិនដោយទុក ឱ្យសមត្ថកិច្ចជំនាញត្រួតពិនិត្យនិងស្រាវជ្រាវរក មូលហេតុពិតប្រាកដមួយដែលបញ្ហានោះ ថៅកែ ឡុច ច័ន្ទណារិទ្ធ ទំនងនៅតេក្រអឺតក្រទមក្នុងបទបិទបាំងព័ត៌មាននេះ ។/
