កំពត៖ នៅពេលថ្មីនេះ សកម្មភាពដឹកឈើខុសច្បាប់យ៉ាងខ្លាំងដោយពុំមានសមត្ថកិច្ច ណាបង្ក្រាបឡើយ ដោយមានមានមន្ត្រី ណាក់ ឌី ជាប៉ូលីស ឃុំត្រពាំងភ្នាំង ដែលគេដឹងថាជាអ្នករកលុយ អោយលោក អធិការស្រុកឈូកនៅពីក្រោយ។
មន្រ្តីអង្គការអភិរក្សព្រៃឈើនិងអភិវឌ្ឍធនធានធម្មជាតិប្រចាំខេត្តកំពតបានចុះទៅដល់ឃុំ ត្រពាំងភ្នាំង ស្រុកឈូក ខេត្តកំពត លោក ពេជ គឿន បានឃើញពីសកម្មភាពដឹកជញ្ជូនឈើខុសច្បាប់យ៉ាងខ្លាំង ដោយមានមេឈ្មួញ មេកាងឈ្មោះ ណាក់ ឌី និង ម៉ី ម៉ាក ក្រុមប្រឹក្សាឃុំត្រពាំងភ្នាំង ជាមេឈ្មួញ។ ពួកគេធ្វើអ្វីបានគ្រប់យ៉ាង តែបើប្រជាពលរដ្ឋហ៊ានតែដឹកឈើទៅធ្វើផ្ទះបន្តិចបន្តួចគឺមេឈ្មួញនេះចាប់ដាក់គុកនិងផ្តន្ទាទោសតាមច្បាប់។ រឿងទាំងអស់នេះគឺមានមេធំរបស់គេនៅពីក្រោយគឺលោក អធិការស្រុកឈូក។ ដូចនេះសូមឯកឧត្តម នាយឧត្តមសេនីយ៍ អគ្គស្នងការនគរបាលជាតិមេត្តាជួយមើលឈ្មោះ ណាក់ ឌី និង ឈ្មោះ ម៉ី ម៉ាក មេកន្ទ្រាញ ឈើដ៏មានឥទ្ធិពលនេះផង ជាពិសេសលោកស្នងការនគរបាលខេត្តកំពតមេត្តាចាត់ការមន្ត្រីនគរបាលជួញឈើនេះផងគឺលោក ណាក់ ឌី ប៉ូលីសឃុំត្រពាំងភ្នាំង និងអធិការស្រុកឈូកជាមេខ្លោងផង។
អង្គភាពសារពត៌មាន លោក ហ៊ុន សុខា ប្រធានក្លឹប អ្នកការសែតឯករាជ្យ និងជាប្រធានអង្គការសម្ព័នដែលមានភារកិច្ចការពារ ទប់ស្កាត់បទល្មើសព្រៃឈើនិងធនធានធម្មជាតិ និងធ្វើរបាយការលំអិត ជូនឯកឧត្តមទេសរដ្ឋមន្ត្រី ឱម យិនទៀង ប្រធានអង្គភាពប្រឆាំងអំពើពុករលួយ និងលោក ព្រះរាជអាជ្ញា អមសាលាដំបូងខេត្តកំពត ដើម្បីស្រាវជ្រាវ និងចាត់ការមន្ត្រីខិលខូចទាំងនេះតាមផ្លូវច្បាប់។
សូមឯកឧត្តម លោកជំទាវ មេត្តាតាមដានរឿងនេះបន្ត។
