លោក ម៉ឹង សំបូរ អាយុ ៥៥ឆ្នាំ មានស្រុកកំណើតនៅ ភូមិជ្រៃ ឃុំមោង ស្រុកមោង ប្ញស្សី ខេត្តបាត់ដំបង ។ បច្ចុប្បន្នស្នាក់អាស្រ័យចាំ ផ្ទះឱ្យញាតិផៅ ស្ថិតនៅភូមិ ចំរើនផល សង្កាត់បឹងទំពុន ខណ្ឌមានជ័យ រាជធានីភ្នំពេញ ។ លោក ម៉ឹង សំបូរ សព្វ ថ្ងៃ លោកមានជីវភាពក្រីក្រ និងកង្វះខាតហើយថែមទាំង មានជំងឺប្រចាំកាយដោយខូច ក្រលៀនទាំងពីរកំពុងទទួល រងនូវផលទុក្ខលំបាកជាខ្លាំង។
លោក ម៉ឹង សំបូរ មាន បងប្អូនចំនួន ៥នាក់ ប្រុស ៣ នាក់ ស្រី ២នាក់ នឹងម្តាយ ជរាពាធ ចំណែកឪពុកស្លាប់។ លោក ម៉ឹង សំបូរ ជាកូនច្បង សព្វថ្ងៃរស់នៅពីរនាក់ប្តី-ប្រពន្ធ អាស្រ័យលើញាតិផៅឧបត្ថម្ភ នៅអាហារជីវភាព ប្រចាំថ្ងៃ ទប់ទល់នៅការកង្វះខាត ។
លោកសព្វថ្ងៃកើតជំងឺខូច ក្រលៀនទាំងពីរ ក្នុងមួយ សប្តាហ៍លាងឈាមចំនួន ២ ដង ក្នុងមួយខែបញ្ចូលឈាម ៣-៤កំប្លោក ប៉ុន្តែបច្ចុប្បន្ននេះ លោកកំពុងមានការកង្វះខាត ជាខ្លាំង លោកសុំអំពាវនាវ ស្វែងរកជំនួយសប្បុរសធម៌ អង្គការក្រៅរដ្ឋាភិបាល សហ គមន៍ក្នុងនឹងក្រៅប្រទេស និងមហាជនដែលមានសទ្ធា ជ្រះថ្លាជួយផ្តល់ជំនួយឧបត្ថម្ភ ដល់គ្រួសារគាត់ផង ។
ចុងក្រោយលោក សូម លើកដៃប្រណមបួងសួងដល់ វត្ថុសក្តិសិទ្ធិក្នុងលោកទាំង ឡាយទាំងពួង សូមតាមជួយ ថែរក្សាបងប្អូនប្រជាពលរដ្ឋ ចិត្តសទ្ធាសប្បុរសជនទាំងក្នុង និងក្រៅប្រទេសទាំងអស់សុំ ឱ្យជួបតែសេចក្តីសុខជ័យជំនះ ឈ្នះ-ឈ្នះ គ្រប់រាល់ឧបសគ្គ ទាំងឡាយទាំងពួងគ្រប់ទិស ទីតរៀងហោង ។
សូមបញ្ជាក់ផងដែរថា បើបងប្អូនប្រជាពលរដ្ឋណា ដែលមានទឹកចិត្តសទ្ធាសប្បុរសក្នុង និងក្រៅប្រទេស ឬ អង្គការ សហគមន៍ក្នុង និង ក្រៅស្រុក ចង់ទំនាក់ទំនង ឧបត្ថម្ភដល់លោក ម៉ឹង សំបូរ សូមទំនាក់ទំនងលេខទូរស័ព្ទ ផ្ទាល់របស់លោក ម៉ឹង សំបូរ ០៩២ ២៧៣ ៥៦៧, ០៨៦ ៧៦៧ ៣៧៥ ឬទំនាក់ទំនង តាមរយៈលេខទូរស័ព្ទអង្គភាព សារព័ត៌មានកាសែតសម្លេង ចៅកម្សត់ យើងខ្ញុំក៏បាន សារ ព័ត៌មានយើងនឹងពេញចិត្ត ផ្សព្វផ្សាយជូនរាល់វត្តមាន ចំនួនសទ្ធាសប្បុរសអស់លោក អ្នកជានិច្ច ៕
