សព្វថ្ងៃនេះបទល្មើស ផ្សេងៗដូចជាកន្ទុយ លេខ ល្បែងភ្នាល់បាល់ទាត់ និងគ្រឿងញៀន ជាដើមនៅតែបន្ត កើតទ្បើងគួ រឲ្យភ័យខ្លាច ជាពិសេសផ្ទះសំណាក់ និងភោជនីយដ្ឋាន ពេលរាត្រីមួយចំនួន ត្រូវបានគេដឹងថាក្លាយ ទៅជាកន្លែងចែក ចាយនិងប្រើប្រាស់ គ្រឿងញៀន។ ជាពិសេស នៅចំណុច ភ្នំខៀវ ភូមិថ្មី និងតំបន់ ឧតុនិយមត្រូវបានគេ ដឹងថា ក្រុមអ្នក ជួញដូរនិងប្រើប្រាស់ គ្រឿងញៀនកំពុងធ្វើ សកម្មយ៉ាងមមាញឹក ទាំងយប់ ទាំងថ្ងៃ ។
ប្រធានការិយាល័យនគរបាលសេដ្ឋកិច្ចនៃស្នងការដ្ឋាននគរបាលខេត្តព្រះសីហនុត្រូវបានគេរាយការណ៍ថា ឃុបឃិតជាមួយសមត្ថកិច្ចពាក់ព័ន្ធបើកដៃឲ្យឈ្មួញនាំចូលទំនិញខុសច្បាប់ ទំនិញគេចពន្ធ ចូលតាមច្រកទំនប់រលក ច្រកស្ទឹងហាវ និងច្រកកោះខ្យង ជាដើម ដោយធ្វើឲ្យរដ្ឋខាតបង់ចំណូលពន្ធយ៉ាងច្រើនសន្ធឹកសន្ធាប់។ បញ្ហានេះគេសង្ស័យថា លោក ស៊ាង កុសល ទទួលផលប្រយោជន៍ពីកូនចៅក្រោមឱវាទជាប្រចាំទើបបណ្តោយឲ្យកូនចៅធ្វើអ្វីៗតាមអំពើចិត្តក្នុងខណៈដែលទឹកដីខេត្តព្រះសីហនុសព្វថ្ងៃកើតមានបទល្មើសល្បែងស៊ីសង គ្រឿងញៀន និងទំនិញគេចពន្ធ ទំនិញខុសច្បាប់ហូរចូលយ៉ាងអនាធិបតេយ្យ ហើយបើនិយាយពីអំពើលួចឆក់ប្លន់ និងអំពើឃាតកម្មវិញកើតទ្បើងជាញឹកញាប់ ។
ប្រជាពលរដ្ឋបាននិយាយ រិះគន់ថា លោក ភុល ភស្តតារ អធិការនគរបាលក្រុងព្រះសីហនុមិនបានយកចិត្តទុកដាក់បង្ក្រាបបទល្មើសដើម្បីពង្រឹងសន្តិសុខសណ្តាប់ធ្នាប់សង្គមឲ្យបានប្រសើរស្របតាមគោលនយោបាយភូមិ-ឃុំមានសុវត្ថិភាពទាំង៩ចំណុចនោះទេ។ ផ្ទុយទៅវិញមានសេចក្តីរាយការណ៍ថា លោក ភុល ភស្តតារ និងបក្ខពួកទទួលបានផលប្រយោជន៍ពីក្រុមអ្នកបើកល្បែងស៊ីសងនិងក្រុមជនល្មើសជួញដូរនិងចែកចាយគ្រឿងញៀន ទើបបទល្មើសគ្រឿងញៀនក្នុងក្រុងព្រះសីហនុពុំមានការថយចុះឡើយមានតែកើនឡើងឥតឈប់ឈរ។ ជាងនេះទៅទៀត អំពើចោរកម្មលួចឆក់ប្លន់ក៏ដូចជាអំពើហិង្សាតាមហាងផឹកស៊ីកើតទ្បើងជាបន្តបន្ទាប់ដោយ សារតែសមត្ថកិច្ចព្រងើយកន្តើយ ៕
