មន្ត្រីមួយរូប ថ្មីៗនេះថា រថយន្តយីឌុប ខ្នាតយក្សដឹកឈើ របស់ក្រុមហ៊ុនហួត ម៉េងរីតា មួយគ្រឿង កាលពីរំលង អាធ្រាត្រឆ្លងចូល ថ្ងៃទី ៩ ខែមករា ឆ្នាំ២០១៥ បាន ក្រឡាប់ផ្ងាជើងក្អួតចេញឈើខុស ច្បាប់រាយប៉ាយពេញ មុខស្នាក់ការបរិស្ថានខេត្តសៀមរាប តែមិន បណ្តាល ឱ្យមានមនុស្ស ស្លាប់ និងពុំបាន ធ្វើឱ្យរំខាន និងដល់មន្ត្រីបរិស្ថាន ខាងលើឡើយ ព្រោះតែគេត្រូវរ៉ូវ គ្នាជាយូរយាមក ហើយ ។
ទាក់ទិននឹងព័ត៌មានអាស្រូវលួចបង្កប់ដឹកឈើខុសច្បាប់ខាងលើ លោកវរសេនីយ៍ត្រី ណុប សារ៉ាក់ អធិការនគរបាល ស្រុកវ៉ារិនបានថ្លែងថា ពិតជាមានហេតុការណ៍អីចឹងមែន។ ហើយតាមការសាកសួរនៅកន្លែងកើតហេតុ គឺដោយ សាររថយន្តខាងលើដឹក ឈើមានទម្ងន់ធ្ងន់លើសចំណុះហើយសង្ស័យដឹកឈើខុសច្បាប់គេចពីការតាមប្រមាញ់ចាប់ របស់មន្ត្រីជំនាញ ហើយបើកលឿនផងនោះ ទើបមកដល់ចំណុចផ្លូវកែង ក៏ជ្រុលចង្កូតបណ្តាលឱ្យក្រឡាប់ បែបនេះ ។
បើតាមប្រភពពីប្រជាពលរដ្ឋវិញបានបន្តឱ្យដឹងទៀតថា ដោយសារចំណុចកើតហេតុ នៅឆ្ងាយពីប៉ុស្តិ៍នគរ បាលរដ្ឋបាល ទើបពុំអាចដឹងថាមាន មនុស្សរងរបួសប្ញុយ៉ាងណា តែអ្នកនៅក្បែរកន្លែងកើតហេតុ បានអះអាង ថា ៖ ពុំមានមនុស្សស្លាប់ក្នុងហេតុ ការណ៍នោះទេ ។
គួរបញ្ជាក់ថា ក្រុមហ៊ុន ហួត ម៉េងរីតា ដែលមានទីតាំងនៅ ភូមិអណ្តូងបី ឃុំអន្លង់វែង ស្រុកត្រពាំងប្រាសាទ ខេត្តឧត្តរមានជ័យ ត្រង់ចំណុចជាប់តំបន់ព្រៃស្អាក ហើយដែលក្រុមហ៊ុនខាងលើត្រូវបានក្រុមអាជ្ញាធរ និងជំនាញខ្សឹបប្រាប់ ការិយាល័យរបស់យើងថា គឺកាប់ឈើដឹកឈើក្នុងព្រៃសម្បទានរបស់ខ្លួនយកទៅលក់អសជាង ១០ឆ្នាំមកហើយ ប៉ុន្តែគេ ឃើញតែក្រុមហ៊ុននេះ នូវតែមានឈើដឹកចេញពីក្រុមហ៊ុនជាប្រចាំដែលធាតុពិត វាគឺជាឈើប្រណីតខុសច្បាប់ដែលក្រុម ហ៊ុននេះ បានដាក់ឱ្យដៃជើងរបស់ខ្លួន ដើរទិញឈើខុសច្បាប់ និងនូវ ពីក្រោយក្រុមប្រជាពលរដ្ឋដែលចូលទៅកាប់ឈើ ក្នុងតំបន់ព្រៃព្រះរាជក្រឹត្យខុសច្បាប់យ៉ាងសកម្មបំផុត មិនគួរបើអាជ្ញាធរពាក់ព័ន្ធ នឹងរដ្ឋបាលព្រៃឈើភ្នំពេញមើលរំលងនោះ ទេ ។
ប្រភពទម្លាយឱ្យដឹងទៀតថា ក្រុមហ៊ុនហួត ម៉េងរីតាក្នុង ពេលបច្ចុប្បន្ននេះបាននិងកំពុងសម្រុក ដឹកជញ្ចូនឈើ ចេញពីក្រុមហ៊ុនរបស់ ខ្លួនទៅលក់ចែកចាយ តាមបណ្តាខេត្តនានា យ៉ាងអនាធិបតេយ្យបំផុត ក្រោមរូបភាព ជាឈើរបស់ ក្រុមហ៊ុន ។ ប៉ុន្តែផ្ទុយទៅវិញ គឺជាឈើខុសច្បាប់ និងនូវពីក្រោយខ្នងប្រជាពលរដ្ឋកាប់ឈើ ខុសច្បាប់ដឹកចូលក្រុមហ៊ុន ពេលយប់ ទើបលើកឡើងឡានយក្សដឹកចេញពាក់ស្រោមក្រុមហ៊ុនស្របច្បាប់ ដែលរដ្ឋបាលព្រៃឈើប្រចាំតំបន់នេះ ឃុបឃិតជាមួយក្រុមហ៊ុន ហួត ម៉េងរីតា គៃបំបាត់ពន្ធរដ្ឋយកទៅធ្វើមានបាន ផ្ទាល់ឯកជនយ៉ាងរំភើយ ដែលមិនគួរអង្គភាពប្រឆាំងអំពើពុករលួយមើលរំលងសកម្មភាពក្រុមរដ្ឋបាលព្រៃឈើ ខេត្តសៀមរាប និងក្រុមហ៊ុន ហួត ម៉េងរីតា នោះទេ ! ។ ជាចម្ងល់គេមិនដឹងថា នៅក្នុងក្រុមហ៊ុន ហួត ម៉េងរីតាមានឈើ ដែលស្របច្បាប់ ប៉ុន្មានម៉ែត្រគូបនោះទៀតទេ ។
ផ្ទុយទៅវិញ វាក៏មិនខុសពីការអះអាងរបស់ក្រុមអាជ្ញាធរដែលថា ក្រុមហ៊ុននេះ កំពុងតែបន្លំដឹក និងធ្វើអាជីវកម្ម ដឹកឈើខុសច្បាប់ យ៉ាងសកម្មទាំងយប់ទាំងថ្ងៃ ដោយសារតែក្រុមហ៊ុនអស់ព្រៃសម្បទានកាប់ ហើយថៅកែបាន ឱ្យកូនចៅដើរប្រ មូលទិញ ឈើអនាធិបតេយ្យពីតំបន់ផ្សេងៗ ពីអ្នកភូមិដឹកចូលក្រុមហ៊ុន ហើយដឹកចេញ យកទៅ លក់ចែកចាយ ក្រោមលេស ថា ឈើស្របច្បាប់។ តាម ពិតឈើស្របច្បាប់ នៅក្នុងក្រុមហ៊ុននេះ ឬឈើព្រៃសម្បទាននោះ ត្រូវបានកាប់បំផ្លាញ និងបានដឹកចេញអស់ប៉ុន្មានឆ្នាំមកហើយ ។
ជាងនេះទៅទៀត កន្លងមកក្រុមមន្ត្រីមន្ទីរសាធារណការ និងដឹកជញ្ចូនខេត្តសៀមរាបក៏ធ្លាប់ចាប់ឡានដឹក ឈើរបស់ក្រុមហ៊ុន ហួត ម៉េងរីតា យកទៅផាកពិន័យ ជាបន្តបន្ទាប់មកហើយដោយសារតែការដឹកឈើខុសច្បាប់ លើសទម្ងន់ ហើយមិនគោរពកិច្ចសន្យាជាមួយមន្ទីរជំនាញ ។
សូមបញ្ជាក់ថា ក្រុមហ៊ុន ហួតម៉េងរីតា ដែលមាន លោកឧត្តមសេនីយ៍ឯក យឹម លាង ជាខ្នងបង្អែកបានទទួលដីសម្បទានសេដ្ឋកិច្ច តែ ប៉ុន្មានហិកតាប៉ុណ្ណោះ នៅអន្លង់វែង តែគេមិនឃើញ មាន ការអភិវឌ្ឍន៍អ្វីជាដុំ កំភួននោះទេ ផ្ទុយទៅវិញគេឃើញតែ ក្រុមហ៊ុននេះ ដឹកឈើប្រណីតនិងឈើប្រភេទលេខ ២ ធ្វើអាជីវកម្មជាង១០ឆ្នាំ ទៅហើយមិន ចេះអស់ឈើសោះ។
មានពាក្យចោទប្រកាន់ ថាក្រុមហ៊ុន ហួត ម៉េងរីតា គឺជាឈ្មួញ នៅពីក្រោយ ការប្រមូលទិញឈើ ប្រណីតពីពលករខ្មែរ ដែលលួចចូលទៅ កាប់ឈើក្នុងដីថៃ ។ មិនតែប៉ុណ្ណោះ ក្រុមមន្ត្រីព្រំដែន ក៏បានបង្ហើបថា គឺក្រុមហ៊ុន ហួត ម៉េងរីតា នេះអាចជាប់ការសង្ស័យធ្វើឱ្យក្រុមអាជ្ញា ធរអាម៉ាស់មុខថា នូវពីក្រោយក្រុម ប្រជាពលរដ្ឋខិលខូចដែលលួចឆ្លងដែនចូលទៅកាប់ឈើក្នុងទឹកដីសៀម ។ ហើយដែលបញ្ហានេះគួរតែអង្គ ភាពប្រឆាំងអំពើពុករលួយដាក់ការសង្ស័យអង្កេតក្រុមហ៊ុននេះជាបន្ទាន់ផង ៕
ដោយ ៖ រាជសីហ៍
