ប្រភពបានទម្លាយ ឲ្យដឹងថា លោក អ៊ុំ វណ្ណា ជាមន្ត្រីប៉ូលិសសេដ្ឋកិច្ច ពោរពេញ ដោយឥទ្ធិពលអំណាច និង អត់ដែល ផ្លាស់ប្តូរទៅណាទេ គឺក្តោបក្តាប់ការ ងារបង្ក្រាប បទល្មើសព្រៃឈើ ចំនួន ៤ខេត្ត ។ មន្ត្រីជាច្រើន ត្រូវបានផ្លាស់ប្តូរ ទៅតាមអាណត្តិ នៃលិខិតបេសកកម្ម បើទោះបី ជាមន្ត្រី ទាំងនោះ មាន ស្នាដៃល្អ បែបណាក៏ដោយ ។ ប៉ុន្តែសម្រាប់ លោក អ៊ុំ វណ្ណា បានក្លាយជា មន្ត្រីផ្ការីកគ្រប់រដូវ មានអំណាចពង្រាយ កូនចៅ ឲ្យដាក់ ប៉ុស្តិ៍ជជុះ ប្រមូល លុយ ពីឈ្មួញរកស៊ី ដឹកជញ្ជូន ឈើខុសច្បាប់ ហើយលោក អ៊ុំ វណ្ណា ក៏បានធ្វើជាបង្អែក ឲ្យមេឈ្មួញ លឹម ប៊ុណ្ណា ហៅខ្នា ក្នុងការដឹកជញ្ជូនឈើ ចេញទៅ ស្រុកវៀតណាម ល្បីពេញភូមិភាគឥសាន្តផងដែរ។
សេចក្តីរាយការណ៏ឲ្យដឹងថាលោក អ៊ុំ វណ្ណា ជាប្រធានប្រតិបត្តិនគរបាល ប្រឆាំងបទល្មើសសេដ្ឋកិច្ច ក្រសួងមហាផ្ទៃ ក្តោបក្តាប់ការងារបង្ក្រាប បទល្មើសព្រៃឈើ ចំនួន ៤ខេត្ត រួមមានរាជធានីភ្នំពេញ កំពង់ធំ ក្រចេះ និងខេត្ដកណ្ដាល ហើយបានចាត់តាំង ខ្សែបណ្ដាញ ឲ្យឃុបឃិតជាមួយ ក្រុមឈ្មួញរកស៊ី ដឹកជញ្ជូនឈើខុសច្បាប់ យ៉ាងសុខស្រួល ហើយលោក អ៊ុំ វណ្ណា បានតាំងខ្លួនជាដៃស្ដាំ ប្រមូលប្រភពសេដ្ឋកិច្ច ឱ្យទៅមេធំៗ តាមរយៈការប្រើប្រាស់ លិខិតបញ្ជាបេសកកម្ម របស់លោក នេត សាវឿនបង្ខំឲ្យក្រុមឈ្មួញបង់លុយតាមចិត្តនឹកឃើញ។ តើលោកអ៊ុំវណ្ណាបានប្រាក់ខែរដ្ឋប៉ុន្មានបានជាលោកមានកប់ពពក?។
លោក អ៊ុំ វណ្ណា បានសាងសង់ភូមិគ្រឹះ យ៉ាងស្កឹមស្កៃមួយ នៅជាប់នឹងមាត់ទន្លេ ក្រោយវត្តវាលស្បូវ ក្នុងសង្កាត់វាលស្បូវ ខណ្ឌមានជ័យ រាជធានីភ្នំពេញ ដែលមួយផ្នែកធំ នៃគ្រឿងសំណង់ និងគ្រឿងសង្ហារឹម នៅក្នុងភូមិគ្រឹះនោះ សុទ្ធតែធ្វើឡើងពី ប្រភេទឈើប្រណីតៗ ដ៍មានតម្លៃ។លោក អ៊ុំ វណ្ណាបានបញ្ជាប៉ូលិសសេដ្ឋកិច្ច តែងតែបានយកតួនាទីរបស់ខ្លួន ទៅប្រព្រឹត្តិអំពើពុករលួយ ជាមួយពួកឈ្មួញ ច្រើនជាងការបង្ក្រាបទប់ស្កាត់ បទល្មើសព្រៃឈើ។លោកអ៊ុំវណ្ណាសារពត៌មានយើងមិនអាចទាក់ទងសុំការបំភ្លឺបាននៅឡើយទេ៕
