មួយរយៈចុងក្រោយនេះក្រុមប៉ូលិសសេដ្ឋកិច្ច ដែលប្រចាំក្នុងខេត្តសៀមរាប ទាំងប៉ូលិសថ្នាក់ខេត្តក្រោមការដឹកនាំ របស់លោក សត ណាឌី ក្រោមបញ្ជារបស់លោក សឿន សេន និងប៉ូលិសថ្នាក់ក្រសួងក្រោមការដឹកនាំរបស់លោក យិន ប្រសិទ្ធិ ដែលមាន ឡុង សំអឿន ជាសេនាធិការនោះ បាននិងកំពុងតែត្រូវប៉ាន់រៀងៗខ្លួនបំផុត ជាមួយ និងទំនិញបទល្មើសសេដ្ឋកិច្ច និងបទល្មើសព្រៃឈើដែលតាមការសង្កេតគេឃើញថា ក្រុមប៉ូលិសសេដ្ឋកិច្ចទាំងនោះ ពុដែលខ្វល់ពីអនុសាសន៍របស់លោកនាយករដ្ឋមន្ត្រី ហ៊ន សែន ដែលដាក់ចុះពីកំណែទង្រ់ប្រឹងប្រែងប្រមូលសេដ្ឋកិច្ច ចូលរដ្ឋនោះទេ គឺពួកគេគិតតែពីផលប្រយោជន៍ផ្ទាល់ខ្លួន គិតយ៉ាងណាប្រឹងរកលុយបង់ឱ្យមេខ្ងច្លាក្រែងមេអន់ចិត្ត ប៉ុណ្ណោះ ហើយដកមុខងារខ្លាញ់នេះ ទៅឱ្យអ្នកដទៃកាន់ការងារខានបានត្រូវប៉ាន់ជាបន្តទៀតនោះ ។
ពាក់ព័ន្ធនឹងការចោទប្រកាន់ថា អសមត្ថភាព និងប្រព្រឹត្តអំពើពុករលួយយ៉ាងពេញបន្ទុកម្តងជាពីរដងមកនេះ គឺលោក សឿន សេន និងប៉ូលិសសេដ្ឋកិច្ចក្រសួង ឡុង សំអឿន ក៏ត្រូវប្រជាពលរដ្ឋក្នុងខេត្តសៀមរាបបានអំពាវ នាវឱ្យអង្គភាពប្រឆាំង អំពើពុករលួយរបស់លោក ឱម យ៉ិនទៀង គួរតែចាត់វិធានការលើលោក សឿន សេន និងបក្ខពួកជាបន្ទាន់បំផុត ព្រោះបច្ចុប្បន្នពួកគេបានកំពុងឃុបឃិតគ្នាប្រព្រឹត្តអំពើពុករលួយនៅតាម ដងផ្លូវដោយគ្មានខ្លាចក្រែងអ្វីទាំងអស់។
ជាមួយគ្នានេះលោក ស៊ត ណាឌី ស្នងការនគរបាលខេត្តសៀមរាបទំនងដូចជា ប្រហើរក្នុងការត្រូវពិនិត្យមើលទង្វើ មិនប្រក្រតីរបស់ កូនចៅក្រោមឱវាទខ្លះដែលពួកគេកំពុងប្រើប្រាស់អំណាចនិងតួនាទីដើម្បីស្វែងរកផលប្រយោជន៍ ធ្វើបាបជម្រិតក្រុមប្រជាពលរដ្ឋយ៉ាងទទឹងទិស។
លើសពីនេះទៅទៀត គួរតែលោកនាយឧត្តមសេនីយ៍ នេត សាវឿន អគ្គស្នងការនគរបាលជាតិ មិនត្រូវបណ្តោយឱ្យ នគរបាលប្រឆាំងបទល្មើស សេដ្ឋកិច្ចខេត្តសៀមរាប សឿន សេន និងក្រុមប៉ូលិសមហាផ្ទៃ ឡុង សំអឿន បង្កើតកុង ត្រូលជជុះនិងប្រព្រឹត្តអំពើពុករលួយ យ៉ាងគឃ្លើន តទៅទៀតទេ ព្រោះអាចនាំឱ្យប៉ះពាល់ដល់កេរ្តិ៍ឈ្មោះស្ថាប័ននគរ បាលជាតិទាំងមូល។ ប្រសិនបើទុកឱ្យពួកនោះបង្កធ្វើព្យុះធ្វើភ្លៀងជាបន្តទៀតនោះ ។
តាមប្រភពព័ត៌មានពីមន្ត្រីនគរបាលនៃស្នងការដ្ឋាននគរបាលខេត្តសៀមរាប និងក្រុមឈ្មួញបទល្មើសព្រៃឈើ និងប្រជាពលរដ្ឋដឹកទំនិញពីតាមតំបន់ព្រំដែនបានឱ្យដឹងថា គឺលោក ឡុង សំអឿន ដែលជាសេនាធិការបណ្តោយក្រោមក្លៀករបស់លោក យិន ប្រសិទ្ធិ ដែលជាប៉ូលិសនាយកដ្ឋានបង្ក្រាបបទល្មើស សេដ្ឋកិច្ច និងលោក សឿន សេន នាយការិយាល័យនគរបាលប្រឆាំងបទល្មើសសេដ្ឋកិច្ចខេត្តសៀមរាបនិងមនុស្ស ជំនិតម្នាក់ឈ្មោះ ឃ្លោក រ៉ូស៊ីដា បានឃុបឃិតគ្នាបង្កើតកុងត្រូលជជុះដើម្បីប្រមូលផលប្រយោជន៍ស្រេចតែអំពើ ចិត្ត។
មានគេទម្លាយថា តាមរយៈការបង្កើតកុងត្រូលជជុះនោះ គឺលោក សឿន សេន និងបក្ខពួកអាចប្រមូលលុយដាក់ ហោប៉ៅធ្វើមានធ្វើបានផ្ទាល់ខ្លួនយ៉ាង ច្រើនជាពិសេសការប្រមូលលុយពីក្រុមឈ្មួញដឹកជញ្ជូនឈើប្រណីតខុសច្បាប់ តែម្តង ជាមួយ និងក្រុមប៉ូលិសសេដ្ឋកិច្ចក្រសួងមួយក្រុមទៀត ដែលដឹកនាំដោយឈ្មោះ ឡុង សំអឿន តែម្តង ។
តាមរយៈការអសមត្ថភាពរបស់ក្រុមនេះ សូម្បីតែប្រជាពលរដ្ឋដឹកក្អមដឹកឆ្នាំងលក់តាមរទេះគោ-ក្របីក៏ត្រូវក្រុម នគរបាលសេដ្ឋកិច្ចក្រោមបញ្ជាលោក សឿន សេន និងឡុង សំអឿន តាមចាប់ជំរិតយកលុយដោយគ្មានសេចក្តីអៀន ខ្មាសដែរ។
មិនតែប៉ុណ្ណោះ ប្រភពបានឱ្យដឹងទៀតថា រាល់សកម្មភាពរបស់មន្ត្រីនគរបាលប្រឆាំងបទល្មើសសេដ្ឋកិច្ចក្រោមបញ្ជា លោក សឿន សេន កំពុងបន្តសកម្មភាពដោយគ្មានសេចក្តីអៀនខ្មាស ហើយអ្នករកស៊ីដឹកជញ្ជូនទំនិញមួយចំនួន តែងតែរងគ្រោះដោយសារ កុងត្រូលជជុះរបស់នគរបាលប្រឆាំងបទល្មើសសេដ្ឋកិច្ចខេត្តសៀមរាបចៀសមិន ផុតទ្បើយ។
តាមក្រុមប្រជាពលរដ្ឋបានរអ៊ូរទាំផ្ញើផ្តាំសារព័ត៌មានទៅជម្រាបជូនក្រុមអធិការកិច្ចក្រសួងមហាផ្ទៃ និងអង្គភាព ប្រឆាំងអំពើពុករលួយដ៏មានតម្លាភាពបង្គួរ ក្រោមការគ្រប់គ្រងរបស់លោក ឱម យ៉ិនទៀង ឱ្យបានជ្រាបថា គេចផុត ពីក្រុមរបស់លោកប៉ូលិសសេដ្ឋកិច្ចសៀមរាប សឿន សេន ក្រេមាការបញ្ជារបស់លោក សត ណាឌី ហើយបែរជាទៅ ប្រទះ និងក្រុម ប៉ូលិសសេដ្ឋកិច្ចមហាផ្ទៃ ក្រុម ឡុង សំអឿន ទៀត ដែលរឹតតែយ៉ាប់ និងកាចសាហាវគួរសមមិន ចាញ់ក្រុមប្រមាញ់ចាប់ជម្រិតប្រជាពលរដ្ឋឱ្យបង់លុយប៉ុន្មាននោះទេ ។ ជាពិសេសនៅលើផ្លូវជាតិលេខ៦ និងផ្លូវជាតិលេខ៦៧នោះតែម្តង ដែលគេឃើញតែសកម្មភាពរបស់ ឡុង សំអឿន ធ្វើសកម្មប្រដេញ និងចាំកាក់យក លុយឡានឈើនោះយ៉ាងមមាញឹកបំផុត ។ ហើយដែលពោរពេញទៅដោយបទល្មើសដឹកឈើខុសច្បាប់និងទំនិញ ផ្សេងៗនោះ គឺជាប្រភពចំណូលយ៉ាងត្រជាក់ចិត្តបំផុតរបស់ក្រុមប៉ូលិសសេដ្ឋកិច្ចទាំងពីថ្នាក់ ។
ជាងនេះទៅទៀត អ្វីដែលគួរឱ្យស្ញើចមិនសរសើរបុរសពូកែប្រូ និងភូតកុហកថ្នាក់លើ ឡុង សំអឿន មិនបាននោះ គឺគាត់កំពុងតែប្រឹងប្រែងយ៉ាងមមាញឹកក្នុងការរកចំណូលលុយខ្មៅសម្រាប់បង់ថ្លៃបេសកកម្មឱ្យទៅ លោក យិន ប្រសិទ្ធិ ក្នុង១ខែ ៣ម៉ឺន ទៅ ៤ម៉ឺនដុល្លារ ការពារខ្លាចមេ ប្រសិទ្ធិ ដកទៅឱ្យអ្នកផ្សេងទៀតនោះ ។ ដូចដែលគាត់ ធ្លាប់ជ្រែយកតំណែងពីឈ្មោះ ងួន បុរ៉ា និងហុក ចិត្រា ប៉ុស្តិ៍បន្ទាយមានជ័យនោះ ។/
