ខេត្តកណ្តាល៖ ល្បែងស៊ីសសង គ្រប់ប្រភេទដូច ជាល្បែងកន្ទុយលេខ បៀរ អាប៉ោង និង គ្រឿងញៀន បច្ចុប្បន្នបាន បែកពេញបន្ទុក នៅក្នុង ក្រុងតាខ្មៅ ខេត្តកណ្តាល គេពុំទាន់ឃើញ មានមន្ត្រីនគរបាល ឬសមត្ថកិច្ច ពាក់ព័ន្ធ ចេញបង្ក្រាប ឲ្យមាន ប្រសិទ្ឋភាពម្តងណាឡើយ ។ បៀអាប៉ោងជាពិសេស ល្បែងភ្នាល់បាល់លេងយ៉ាង កក្រើកក្នុងខេត្តកណ្តាល នាបច្ចុប្បន្ននេះត្រូវបានគេមើលឃើញ ថាគឺជាការប៉ះពាល់យ៉ាងធ្ងន់ធ្ងរ ដល់គោលនយោបាយ ភូមិ. ឃុំមានសុវត្ថិភាព មន្ត្រីនគរបាលគឺជាអ្នកដើរតួយ៉ាងសំខាន់ក្នុងការទប់ស្កាត់និងផ្សព្វផ្សាយគោលនយោបាយនេះ ។ ប្រជាពលរដ្ឋនៅក្នុងទីប្រជុំ ជនក្រុងតាខ្មៅបានបន្តឲ្យដឹងថា ថ្នាំញៀន គឺជាអាវុធបំផ្លាញយុវភាពរបស់យុវជន គ្រប់រូបអោយធ្លាក់ចូលទៅក្នុងរណ្តៅអំពើអបាយមុខ ពាលាអាវ៉ាសែ ធ្វើអោយមនុស្សបាត់បង់ សតិសម្បជញ្ញៈលែង ស្គាល់ខុសនិងត្រូវ។ ថ្នាំញៀនត្រូវបានគេចរាចរណ៍ លក់ យ៉ាង កក្រើកកដល់ក្នុងស្រទាប់ យុវវ័យជាពិសេសកូនៗ របស់ពួកគាត់ដែលកំពុងសិក្សារៀនសូត្រ ។ ករណីនេះធ្វើឲ្យមហាជនរិះគន់យ៉ាងខ្លាំងដោយសាតែភាពកំសោយរបស់អភិបាលខេត្តនិងសមត្ថកិច្ចពាក់ព័ន្ឋ។ជាពិសេសលោកឧត្ដមសេនីយ៏ស្នងការនគរបាលខេត្តកណ្តាលនេះតែម្ដងមិនត្រឹមតែគ្រប់គ្រងដ៏មហាអន់ប៉ុណ្ណោះទេ ថែមទាំងធូររលុងក្នុងការបណ្តោយឲ្យពួកជនសង្គ មងងឹតបើកល្បែងភ្នាល់ចាក់បាល់យ៉ាងគឃ្លើន ប្រឆាំងទៅនឹងប្រមុខរដ្ឋាភិបាលដែលមានសម្តេចតេជោហ៊ុន សែនជា នាយករដ្ឋមន្រ្តី ។គោលនយោបាយភូមិ ឃុំមានសុវត្ថិភាព ដែលមាន ៩ ចំណុច គួរអាជ្ញាធរ ខេត្តគ្រប់លំដាប់ថ្នាក់ គោរពគោលការណ៍នេះឲ្យមានប្រសិទ្ធភាពខ្ពស់ ។ គេសង្ឃឹមថាលោក អភិបាលនៃគណៈអភិបាលខេត្តកណ្តាល លោក អ៊ាវចំរើនស្នងការនគរបាលខេត្ត និង មេបញ្ជាការកងរាជអាវុធហត្ថ ខេត្ត និងចាត់វិធានការលើល្បែងស៊ីសងពិសេសល្បែងភ្នាល់បាល់និងគ្រឿងញៀន ដែលជាអំពើអសកម្មក្នុងសង្គមបង្កឲ្យមានកើតចោរកម្មច្របូកច្របល់ប៉ះពាល់ដល់អារម្មណ៏ប្រជាពលរដ្ឋមានការភយ័ខ្លាចជារៀងរាល់ថ្ងៃ។ ទីតាំងដែលជនសង្គមងងឹតបើកល្បែងស៊ីសងហើយធ្វើឲ្យពលរដ្ឋម្ចាស់ឆ្នោតក្តៅក្រហាយ នេះស្ថិតនៅផ្លូវលេខ១០៦ភូមិតាខ្មៅសង្កាត់តាខ្មៅក្រុងតាខ្មៅខេត្តកណ្តាលដែលមានឈ្មោះឆេងជាមេល្បែងស៊ីសងហើយនៅពីមុខផ្ទះជនដែលបើកល្បែងស៊ីសងនេះមានការបើកមុខរបរលក់ហ្គាសជា
ការបិទបាំងមុខរបរដែលខ្លួនបានប្រព្រឹត្ត។
សេចក្ដីរាយការណ៏បានបន្តថា ពលរដ្ឋរស់នៅក្នុងខេត្តកណ្តាលពេលរាត្រីចូលសម្រាក គឺពួក គាត់យប់ព្រលប់ណាក៏ព្រលឹងចុងសក់រាល់ថ្ងៃ ដោយសារតែមានល្បែងស៊ីសងគ្រប់ប្រភេទខាងលើនេះឯង ។
បើអាជ្ញាធរមានសមត្ថកិច្ចមិនមានវិធានការជាបន្ទាន់ក្នុងការទប់ស្កាត់ និងបង្រ្កាបពួកចៃសង្គមបើកល្បែងស៊ីសងទាំងនោះ ឲ្យទាន់ពេលវេលានោះទេ អាចធ្វើឲ្យ ពលរដ្ឋខេត្តកណ្តាលទាំងអស់ក្តៅក្រហាយដល់ថ្នាក់ដឹកនាំ។គួរបញ្ជាក់ផងដែរថាជនបើកល្បែងឈ្មោះ
ឆេងនេះធ្លាប់ជាប់គុកមួយរយៈខ្លីនាពេលកន្លងមកផងដែរ។សារពត៌មានយើងមិនអាចសែ្វងជនឈ្មោះឆេងមកពន្យល់បាននៅឡើយទេ៕
