ខេត្តមណ្ឌលគិរី ៖ ប្រជាពលរដ្ឋ បានឲដឺង ថា រៀងរាល់យប់ថ្ងៃ មានរថយន្តឡង់គ្រីស័រ និងរថយន្តច្នៃ ជាច្រើនគ្រឿង ធ្វើសកម្មភាពដឹកឈើប្រណីត ចេញពីភូមិស្រែអំពិល ពូគង់ ពូច្រា និងភូមិកាទី ក្នុងឃុំស្រែព្រះ យ៉ាងគគ្រឹក គគ្រេង ឆ្លងដែនទៅវៀតណាម តាមច្រករបៀងចំនួន២ គឺតាមច្រករបៀងង៉ាំដី ក្នុងស្រុកកែវសីមា និងច្រករបៀង០៧ ស្រុកស្នួល ខេត្តក្រចេះ យកទៅលក់ឲ្យឈ្មួញវៀតណាម ដែលឈរជើង ចាំទិញនៅទីនោះ ។ ចំណែកក្រុមរកស៊ីដឹកឈើ តាមម៉ូតូវិញ កំពុងសប្បាយក្នុងការ ដឹកជញ្ជូនប្រណីតយ៉ាងគគឺកគគ្រែងគ្មានសមត្តជំនាញណាមកការរំខាន ឡើយ។រថយន្តកែច្នៃជាច្រើនគ្រឿង កំពុងសំរុកដឹកឈើប្រណីត ចេញពីភូមិស្រែអំពិល ចូលច្រករបៀងង៉ាំដី លក់ឲ្យឈ្មួញវៀតណាម ដោយគ្មានសមត្ថកិច្ចណាមួយ ចេញមុខបង្ក្រាបទេ ព្រោះតែលោក ប៊ូ សំអុល ប្រធានប៉ុស្តិ៍ឡាបាខេដែលគ្រប់គ្រង ច្រករបៀងចំនួន៣ រួមមានច្រករបៀង ង៉ាំដី, ង៉ាំបាឡាង និង ង៉ាំបាវ៉េ ជាអ្នកបើកភ្លើងខៀវ ឲ្យមានការរត់ពន្ធឈើប្រណីត ឆ្លងដែនប្រមូលប្រាក់ ពីក្បាលឡាន និងម៉ូតូ ដាក់ហោប៉ៅ ធ្វើមានធ្វើបានយ៉ាងសុខស្រួល។
ក្នុងរដូវប្រាំងនេះ ក្រុមអ្នករកស៊ី ដឹកឈើប្រណីត មិនថា ក្រុមដឹកដោយម៉ូតូ ឬតាមរថយន្តនោះទេ ហាក់មិនខ្លាចក្រែង សមត្ថកិច្ចជំនាញ ណាមួយចាប់ ឬបង្ក្រាបឡើយ ដោយពួកគាត់ បានរត់ការបង់ប្រាក់ រួចរាល់អស់ហើយ ក៏ប៉ុន្តែប្រសិនបើ មានអ្នកលោកឆ័ត្រដឹកឈើ គេចវេសមិនបង់លុយ នឹងត្រូវលោក ប៊ូ សំអុល បញ្ជាឲ្យកូនចៅបង្ក្រាប ដោយគ្មានការ យោគយល់នោះឡើយ ៕
