ខេត្តកំពង់ឆ្នាំង៖ បទល្មើសនេសាទ ក្នុងស្រុកជលគីរី ក្នុងដំបន់អភិរក្សបឹងប្រា កំពុងតែមា នសកម្មភាពយ៉ាងខ្លាំងផ្ទុយមកវិញ មន្ត្រីជំនាញជលផលខេត្ត កំពង់ឆ្នាំងហាក់ ដូចជាមិនបានអើពើបទ ល្មើសនៅតំបន់នោះឡើយ ហើយត្រូវបាន គេសង្ស័យថាមានការបើកដៃពី នាយសង្កាត់ជលផល ឈ្មោះ សុង សារឿន រួមទាំងមន្ត្រី ខ័ណ្ឌជលផលមួយចំនួន ថែមទៀត។
កាលវេលាម៉ោង១១ និង១០នាទីព្រឹកថ្ងៃទី៨ មេសា ២០១៥ នៅក្នុងចំណុចបឹងប្រា ដែលជាកន្លែងអភិរក្ស ដែលស្ថិតក្នុង ភូមិក្បាលកាឡង់ ឃុំពាមឆ្កោក ស្រុកជលគីរី ខេត្តកំពង់ ឆ្នាំង មានជនល្មើសបានវាយអ៊ួនក្រឡាញឹកចំនួន៣វង់ដែលមានប្រវែង២៩៣ម៉ែត្រ ដែលក្រុម ជនល្មើសចូលធ្វើការនេសាទនៅក្នុងដំបន់អភិរក្សបឹងប្រា ខណៈដែលនៅចំណុចនោះក៏មាន សមត្ថកិច្ចចម្រុះធ្វើការយាមកាមនៅក្នុងតំបន់នោះផងដែរ។ លោក ស៊ឹម សារ៉ាត់ ប្រធានអង្គការនិងអភិរក្សសត្វព្រៃឈើជលផល បាននិយាយអោយដឹងថាមុនពេលឈានទៅដល់ការបង្ក្រាបបទល្មើសអ៊ួនក្រឡាញឹកនេះ ដោយលោកបានទទួលព័ត៌ មានជាក់លាក់ពីប្រជាពលរដ្ឋរាយការណ៍ភ្លាមៗស្តីពីការប្រព្រឹត្តបទល្មើសនៅចំណុចនោះ។
លោកលោក ស៊ឹម សារ៉ាត់ ប្រធានអង្គការនិងអភិរក្សសត្វព្រៃឈើជលផល បានបញ្ជាក់ថែម ថាលោកបានដឹកនាំកម្លាំងរួមជាមួយនិងអ្នកយកព័ត៌មាន បានឆ្មក់ចុះទៅដល់កន្លែងដែលក្រុម ជនល្មើសកំពុងធ្វើសកម្មភាពនៅចំណុចនោះ ខណៈពេលដែលក្រុមលោកចុះទៅដល់ក្រុមជន ល្មើសបានបើកការណូតរត់គេចខ្លួនដោយទុកចោលសាច់អួននៅនិងកន្លែងបឹងអភិរក្សទាំង៣វង់
លោកបាននិយាយអោយដឹងបន្ថែមទៀតថាភ្លាមនោះលោកបានទូរស័ព្ទទៅខាងជំនាញជល ផលដើម្បីមកយកសាច់អួនដែលក្រុមជនល្មើសបានរត់ចោល តែគ្មានមន្ត្រីជំនាញជលផលណា ម្នាក់លើទូរស័ព្ទឡើយ។ពេលនោះលោកក៏បានរាយការណ៏ជូនលោក ឈូរ ច័ន្ទឌឿន អភិបាលខេត្តកំពង់ឆ្នាំង ដើម្បីសុំការអន្តរាគមន៍បន្ទាន់ភ្លាមៗ ព្រោះពេលខ្លះខ្លាចក្រុមជនល្មើស តដៃ តែអ្វីដែលសំខាន់នោះលោកអភិបាលខេត្ត បានបញ្ជាកម្លាំងជំនាញបន្ទាន់ដើម្បីចុះមក ដល់ទីកន្លែងបទល្មើសនោះ។
ក្រោយពេលកើតហេតុសាច់អួនទាំង៣វង់ត្រូវបានប្រគល់អោយជំនាញជលផលសង្កាត់ជលគីរី រក្សារទុកនៅកន្លែងដើម្បីកសាងឯកសារបញ្ជូនទៅសាលាដំបូងខេត្តចាត់ការតាមនីតិវិធី៕
