តាមសេចក្ដីរាយការណ៍ពីប្រជាពល រដ្ឋនៅខាងក្រោយវត្ដចំប៉ា សង្កាត់ក្បាលកោះ ខណ្ឌមានជ័យ មានដេប៉ូស្កុកនិង លក់ខ្សាច់ដ៏ធំមួយដឹកជញ្ជូនរាល់ថ្ងៃ ដែលថៅកែដេប៉ូមានតួនាទីជាអភិបាលរងខណ្ឌមានជ័យនិងមានមន្ដ្រីសាលា សង្កាត់ក្បាលកោះម្នាក់បានចូលហ៊ុនរក ស៊ីបើកដេប៉ូខ្សាច់នេះ ។ មិនត្រឹមតែជា ដេប៉ូស្កុកនិងដឹកជញ្ជូនខ្សាច់លក់ប៉ុណ្ណោះ ទេ ថៅកែដេប៉ូបានប្រើប្រាស់ទូកបូម ខ្សាច់២-៣គ្រឿងបូមរាល់យប់ក្នុងដែន សមត្ថកិច្ចរបស់ខ្លួន ។ ពេលបូមខ្សាច់ ក្នុងទន្លេ រួចហើយទូកទាំងនោះបានបើក មកបូមចេញពីទូកដាក់ទៅក្នុងដេប៉ូជាប់ មាត់ទន្លេ ប៉ុន្ដែសកម្មភាពបូមខ្សាច់ធ្វើ តែពេលយប់ប៉ុណ្ណោះ ទំនងថៅកែដេប៉ូ ដឹងថា កំពុងតែបំពានសេចក្ដីសម្រេច របស់ប្រមុខរាជរដ្ឋាភិបាល ។
សេចក្ដីរាយការណ៍បានបន្ដថា សកម្ម ភាពបូមខ្សាច់ពេលយប់នេះបានធ្វើឡើង ជារៀងរាល់យប់ ហើយទូកបូមខ្សាច់ចត នៅខាងក្រោយដេប៉ូរួចជាស្រេច ។ ទីតាំង បូមនិងស្កុកខ្សាច់លក់របស់លោកអភិ បាលរងខណ្ឌមានជ័យនេះគឺរៀបចំរបងថ្ម ព័ទ្ធជុំវិញ ហើយកាយខ្សាច់កម្ពស់ប៉ុន កូនភ្នំដាក់បាំងពីមុខដើម្បីបិទបាំង ក្នុង នោះរថយន្ដដឹកខ្សាច់ជាច្រើនគ្រឿងបាន ចតត្រៀបត្រានៅពីមុខភ្នំខ្សាច់ដើម្បីឱ្យ គ្រឿងចក្រកាយដាក់ក្នុងរថយន្ដ ។ ការរៀប ចំបែបនេះដើម្បីបំភ័ន្ដភ្នែកមហាជនកុំឱ្យដឹងថា នៅខាងក្រោយទីតាំងថៅកែដេប៉ូ កំពុងធ្វើសកម្មភាពបូមខ្សាច់បំពាននឹង សេចក្ដីសម្រេចរបស់រាជរដ្ឋាភិបាល។
សេចក្ដីរាយការណ៍បន្ដទៀតថា សកម្ម ភាពរបស់ទូកបូមខ្សាច់គឺបូមដាក់ចូល ក្នុងរណ្ដៅនៅជាប់មាត់ទន្លេដែលរណ្ដៅ នេះត្រូវបានគេជីកឱ្យជ្រៅដើម្បីស្ដុកខ្សាច់ បន្ទាប់មកទើបគ្រឿងចក្រកាយយកមក ដាក់លើពំនូកខ្សាច់ខាងមុខងាយស្រួល កាយដាក់រថយន្ដ ។ ការពិតនេះជាល្បិច របស់អ្នករកស៊ីបូមខ្សាច់ប៉ុណ្ណោះដើម្បី បំភ័ន្ដភ្នែកសមត្ថកិច្ចថា ជាខ្សាច់ចាស់ ដែលនៅសល់ ទើបគេកាយដឹកលក់ ។ ពេលកាយចេញពីរណ្ដៅអស់ហើយទូក បូមខ្សាច់ក៏ធ្វើសកម្មភាពបូមបន្ដទៀត បើទោះជាមានច្បាប់ហាមឃាត់ក៏ដោយគឺជ្រកក្រោមលេសបូមបំពេញរណ្ដៅដី។
ពាក់ព័ន្ធនឹងសេចក្ដីរាយការណ៍របស់ ប្រជាពលរដ្ឋនេះលោក មាស ហែល នាយប៉ុស្ដិ៍ក្បាលកោះស្ដីទីបានឱ្យដឹងថា សមត្ថកិច្ចមិនដឹងថា បូមឬមិនបូមនោះ ទេ ប៉ុន្ដែបើតាមការណែនាំរបស់លោកអគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញឱ្យតាម ដានមើលសកម្មភាពបូមខ្សាច់ បើមាន រាយការណ៍ទៅថ្នាក់លើ ។ នៅក្នុងដែន រដ្ឋបាលរបស់លោកមិនមានករណីបូម ខ្សាច់ទេ ចំណែករថយន្ដដឹកខ្សាច់ចេញពីដេប៉ូនេះគឺខ្សាច់ចាស់ដែលនៅសល់
ដោយឡែកលោក ហោ វេងណៃ ចៅសង្កាត់ក្បាលកោះបានឱ្យដឹងថា ដេប៉ូខ្សាច់នៅខាងក្រោយវត្ដជារបស់លោក ហៀក ចាន់លាង ហើយលោកមិនដឹងថា បូមឬមិនបូមនោះទេ ព្រោះលោក ចាន់លាង ឈរជើងនៅទីនោះ។
ទោះបីប្រមុខរាជរដ្ឋាភិបាលបានចេញសេចក្ដីសម្រេចឱ្យផ្អាក បណ្ដោះអាសន្ននូវរាល់ការធ្វើអាជីវកម្ម បូមខ្សាច់គ្រប់ប្រភេទតាមដងទន្លេមេគង្គ និងទន្លេបាសាក់រហូតដល់មានសេចក្ដីសម្រេចជាថ្មីក្ដីក៏សេចក្ដីសម្រេចនោះមិន ត្រូវបានអាជ្ញាធរមូលដ្ឋានយកទៅអនុវត្ដ ឱ្យមានប្រសិទ្ធភាពទេ ផ្ទុយទៅវិញបែរជា ស៊ុមគ្រលំជាមួយអ្នករកស៊ីបូមខ្សាច់ពេលយប់គឺមានន័យថា លួចបូមបំពានសេច ក្ដីសម្រេចរបស់រាជរដ្ឋាភិបាល ។
