ប្រជាពលរដ្ឋ ជាច្រើនគ្រួសារកំពុង តែមានការព្រួយបារម្ត និងសកម្មភាពរបស់លោក ឩកញ្ញា ឃុន សៀដែល បានចាក់ដី លុបបឹងដើមស្លែង ស្ថិតនៅជាប់និងចញ្ចើម ផ្លូវម៉ៃដា ក្នុងសង្កាត់ទឹកថ្លា ខណ្ឌសែនសុខរាជធានីភ្នំ ពេញ។ ក្រុមប្រជាពលរដ្ឋ បានចោទថា ផ្ទៃបឹងដើមស្លែងនេះ ជាកន្លែងស្តុកនិងបញ្ចៀស ទឹកស្អុយយ៉ាងសំខាន់ មួយក្នុងរាជធានី ភ្នំពេញ ប្រសិនបើឩកញ្ញា ឃុន សៀបន្តប្រើអំណាច នាំគ្នាជីកដីលុបយក បន្តិចម្តងៗនោះបញ្ហាទឹកជន លិចកាន់តែប្រឈមបន្ថែម ទៀតជាមិនខាននៅរដូវវស្សា ខាងមុខនេះ ដោយសារតែក ន្លងទៅមិនទាន់លប់ផង ទីតាំងនេះបានលិចជារៀងរាល់ឆ្នាំទៅហើយ។
ចៅសង្កាត់ទឹកថ្លាបានលើកឡើងថា«ផ្ទៃបឹងនេះដើមឡើយពលរដ្ឋជាអ្នកគ្រប់គ្រង និងអាស្រ័យផលតែពលរដ្ឋបានលក់ទៅអោយលោកឧកញ៉ា ឃុន សៀ និងមានប័ណ្ណកម្មសិទ្ធិត្រឹមត្រូវ។ប៉ុន្តែទោះយ៉ាងណាពលរដ្ឋនៅតែចោទប្រកាន់ថា សកម្មភាពចាក់ដីលុបបឹងខាងលើរបស់ឩកញ្ញា ឃុន សៀវាផ្ទុយពីគោលការណ៍របស់សាលាក្រុងហើយសាលាក្រុងគួរចាត់មន្រ្តីជំនាញមើលការចាក់ដីនោះផងព្រោះវានឹងនាំឲ្យលេចលង់នៅពេលខាងមុខនេះបើសិនជាគ្មានវិធានការបន្ទាន់នោះ។
ផ្ទៃបឹងនេះគឺអាជ្ញាធរ និងមន្ទីរសាធារណ:ការបានកំណត់អោយទុកទំហំ១០ម៉ែត្រ ដើម្បីបញ្ចៀសទឹកស្អុយ ហើយបច្ចុប្បន្នសកម្មភាពចាក់ដីរបស់លោកឧកញ៉ា ឃុន សៀ មិនទាន់ដល់និងគម្រោងប្រឡាយ១០ម៉ែត្រនោះនៅឡើយ ហើយប្រសិនបើមានការលុបនៅពេលខាងមុខនោះទាំងពលរដ្ឋនិងអាជ្ញាធរច្បាស់ជាមិនឈរមើលនោះទេ។
ទោះយ៉ាងនេះក្តីពលរដ្ឋទាមទារឲ្យអាជ្ញាធរពាក់ព័ន្ធចុះទៅពិនិត្យមើលសកម្មភាពចាក់ដីនោះផង ហើយធ្វើឲ្យបានស្មើភាពគ្នាកុំប្រជាពលរដ្ឋចាក់ដីតិចតួចមករករឿងហាមឃាត់តែដល់គេចាក់ទាំងឡានៗ មិនមានអ្នកណាហ៊ានទៅរករឿង។ឬមួយអាជ្ញាធរនិងអ្នកមានអំណាចពិសេសឩកញ្ញា ឃុន សៀមានលុយមានអំណាចទើបមិនអាចធ្វើបាន។
ទោះជាសកម្មភាពចាក់ដីនេះគឺមានច្បាប់អនុញ្ញាតឲ្យចាក់ដីពីសាលាក្រុងឬយ៉ាងណានោះទេ។ លោកឧកញ៉ា ឃុន សៀ មិនអាចសុំការបំភ្លឺបាននៅឡើយទាក់ទងនិងសកម្មភាពចាក់ដីរំលោភយកផ្ទៃបឹងដើមស្លែងនោះ ប៉ុន្តែមជ្ឍដ្ឋានទូទៅនិងសង្គមស៊ីវិលរងចាំមើលពីចំណាត់ការរបស់សាលាក្រុងតើមានវិធានការតឹងរឹងឬយ៉ាងណាក្នុងករណីនេះ?៕
