ភ្នំពេញ ៖ ករណីយឺតយ៉ាវ មិនច្បាស់លាស់របស់ ក្រសួងរ៉ែ និងថាម ពល ក្នុងការអនុវត្តសេចក្តីសម្រេច ស្តីពី ការកំណត់ គោលការណ៍ ធ្វើអាជីវកម្មខ្សាច់ របស់ រាជរដ្ឋាភិបាលលេខ ២០ សសរ ចុះថ្ងៃទី២០ ខែមីនា ឆ្នាំ២០១៥ កន្លងទៅនេះ បានធ្វើឱ្យ អាជីវករជាច្រើនខាតបង់ ពេលវេលាខាត ប្រាក់កាស ហើយចំណូល ពន្ធរបស់រដ្ឋលើ វិស័យសំណង់ ក៏អាចនឹងត្រូវបាត់ បង់ដែរ ។
នេះតាមការលើក ឡើង របស់អាជីវករធ្វើ អាជីវកម្មបូមខ្សាច់ បន្ទាប់ពីពួកគេត្រូវ បានរាំងស្ទះ ដោយក្រសួងរ៉ែ និងថាមពល និងក្រុមជំនាញរបស់ក្រសួងនេះ ក្រោមការដឹកនាំរបស់លោក ស៊ុយ សែម ដែលគ្មានចំណាត់ការ ច្បាស់លាស់ ។
តាមអាជីវករបានលើកឡើងថា ពួកគាត់ ដាច់ខាតមិនចូលរួមដេញថ្លៃ បើទោះជា ខាងក្រសួងបានកំណត់យកវេលា ម៉ោង ៣រសៀល ថ្ងៃទី២៩ ខែឧសភា ឆ្នាំ២០១៥ កំណត់កាលបរិច្ឆេទសម្រាប់ការដេញថ្លៃ នេះក៏ដោយ ពីព្រោះមិន ត្រឹមតែក្រសួង រ៉ែ និងថាមពល គ្មានតម្លាភាព គ្មាន ភាពស្មើគ្នាចំពោះមុខច្បាប់ប៉ុណ្ណោះទេ គឺខាងក្រសួងហាក់ដូចជា គាបសង្កត់មក លើតែក្រុមហ៊ុនរបស់អាជីវករតូចតាច ដែលតែងតែគោរពទៅលើស្មារតីនៃ សេចក្តីសម្រេចរបស់ រដ្ឋាភិបាលលេខ ២០ ,និងប្រកាសអន្តរក្រសួងស្តីពីការ វាយតម្លៃហេតុប៉ះពាល់បរិស្ថានលើ គម្រោងអាជីវកម្មខ្សាច់ គ្រប់ប្រភេទរវាង រដ្ឋមន្ត្រីក្រសួងរ៉ែ និងថាមពលនិងរដ្ឋ មន្ត្រីក្រសួងបរិស្ថានលេខ០១៤២រថ.នក ប្រក ចុះថ្ងៃទី២៤ ខែមីនា ឆ្នាំ២០១៥ នោះ ។
ប្រភពពីអាជីវករ ៖ តើការ កំណត់ឱ្យដេញថ្លៃឡូត៍ខ្សាច់អាចធ្វើទៅ បានតែសម្រាប់អាជីវករតូចតាចមែន ទេ ! ឬមួយក្រុមហ៊ុនធំៗក៏ដូចជាខាងសាច់ ញាតិមិនត្រូវបានដេញថ្លៃ? ពួកគាត់បាន លើកជាភស្តុតាងស្រាប់ ក្នុងសេចក្តី សម្រេចលេខ២០របស់រាជរដ្ឋាភិបាលគឺ គ្មានប្រការណាមួយដែលបញ្ជាក់តម្រូវ ឱ្យក្រសួងរ៉ែ និងថាមពលចេញអាជ្ញាប័ណ្ណ ឱ្យអាជីវករ ត្រូវតែឆ្លងកាត់ការដេញថ្លៃ នោះ ! ។
បើយោងតាមប្រការ២នៃសេចក្តី សម្រេចរបស់រដ្ឋាភិបាលលេខ២០បាន ចែងថា “មិនអនុញ្ញាតិឱ្យចេញ-អាជ្ញា ប័ណ្ណបណ្តោះអាសន្ន-ដាច់ខាត” ។ ផ្ទុយពីក្រសួងរ៉ែ និងថាមពលបានអនុញ្ញាតិឱ្យ លោកហ៊ឺ បាវី ប្រតិភូរាជរដ្ឋាភិបាល ទទួលបន្ទុកអគ្គនាយកកំពង់ផែស្វយ័ត ភ្នំពេញ ដែលត្រូវជាដន្លងលោករដ្ឋមន្ត្រីជិះសេះលែងដៃ ធ្វើអាជីវកម្មខ្សាច់មុន គេដោយមិនដេញ ថ្លៃ ហើយក្រុមហ៊ុនចំនួន៣ធំៗទៀតនៅ ខេត្តកោះកុងក៏លោករដ្ឋមន្ត្រីមិនហ៊ាន ដកឡូត៍សម្រាប់ យកមកដេញថ្លៃផងដែរ ដែលទាំងនេះបានសម្តែងពីករណីឃុបឃិត និងជិះសេះលែងដៃជាន់ឈ្លីកំណែទម្រង់របស់ លោកនាយករដ្ឋមន្ត្រី ហ៊ុន សែន នោះ ។
ជាងនេះទៅទៀតប្រការទាំងនេះហើយ ពួកគាត់ជា អាជីវករត្រូវតែប្រឹងគ្រប់មធ្យោបាយ ដើម្បីឱ្យថ្នាក់លើបានដឹងអំពីភាពមិន ប្រក្រតីលើការចេញអាជ្ញាប័ណ្ណខ្សាច់ ដោយក្រសួងរ៉ែ និងថាមពលដែលពោរ ពេញទៅដោយអំពើពុករលួយនោះ ។ ដូចជា កាលពីព្រឹកថ្ងៃទី១២ ខែឧសភា ឆ្នាំ ២០១៥ ក្រសួងបានប្រជុំជាមួយអាជីវករ ម្តងរួចមកហើយ រឿងដាក់ឱ្យដេញថ្លៃ តែអាជីវករមិនព្រមនោះទេ ។ ហើយ ក្នុងនោះលោក រដ្ឋមន្ត្រីអះអាងប្រាប់អ្នកកាសែតក្នុងកិច្ច សម្ភាសន៍ថា អង្គភាពកំពង់ផែស្វយ័ត ភ្នំពេញត្រូវតែដេញថ្លៃ ។
តែដោយឡែក ក្រុមការងាររបស់ក្រសួងអះអាងប្រាប់ អាជីវករ សូមឱ្យអាជីវករទាំងអស់មេត្តា យោគយល់ដល់ អង្គភាពកំពង់ផែស្វយ័តភ្នំពេញគឺ (មិនដេញថ្លៃ) នោះទេ ! ឥឡូវអាចនឹង មានបញ្ហាអ្វីដែលខាងក្រសួងយល់ថា កំពុងមាន ប្រតិកម្មពីអាជីវករ និងថ្នាក់ លើទើបអាជីវករទាំងអស់ត្រូវបានខាង ក្រសួងទូរស័ព្ទប្រាប់ឱ្យទៅចូលរួម ប្រជុំ ជាបន្ទាន់សាជាថ្មីម្តងទៀតនៅរសៀល ម៉ោង២ ថ្ងៃទី២៦ ខែឧសភា ឆ្នាំ២០១៥ វិញ ហើយពួកគាត់ទាំងអស់ នៅតែប្រកាន់ ជំហរសួរនាំពីនីតិវិធីគ្មានតម្លាភាពដែល ខាងក្រសួងអនុញ្ញាតិឱ្យដន្លងរបស់គាត់ ធ្វើអាជីវកម្ម ហើយ អាជីវករជាច្រើន ទៀតត្រូវដេញថ្លៃ និងឧញ៉ាមានអំណាច ៣រូបទៀតមិនត្រូវដកឡូត៍គេយកមក ដេញថ្លៃនោះ ។
ដោយឡែក ពាក់ព័ន្ធនឹងករណីពុករលួយយ៉ាងពេញបន្ទុកលើសពីអាជ្ញាធរទន្លេសាបនេះ គេឃើញអាជ្ញាប័ណ្ណចាស់នូវ តាមក្រុមហ៊ុនតូចធំរកស៊ីបូមខ្សាច់ ទើបឡើងធ្វើអាជីវកម្មយ៉ាងអនាធិបតេយ្យលើសដើមទៅទៀត។ ហើយខាង ក្រសួងរ៉ែ និងថាមពល នឹងមានការលើកឡើងកិច្ចប្រជុំក្នុងរបៀប វារៈអ្វីខ្លះនោះទេ ប៉ុន្តែប្រភពមិនផ្លូវការណ៍ អាច ទុកចិត្តបានបង្ហើបថា ខាងក្រសួង អាចនឹងរងនូវការស្តីបន្ទោសដោយថ្នាក់ លើ ។ ដូច្នេះដើម្បីការពារនីតិវិធីនៃការ ចេញអាជ្ញាប័ណ្ណ ដោយមិនច្បាស់លាស់ កន្លងទៅនោះ អាចខាងក្រសួងនឹងមាន គោលការណ៍អនុញ្ញាតិឱ្យអាជីវករ ដែល មានអាជ្ញាប័ណ្ណចាស់នៅតាមបណ្តាខេត្ត បន្តធ្វើអាជីវកម្មតាមឡូត៍ខ្សាច់របស់ខ្លួន ដែលមានស្រាប់បន្តទៀត ដដែល ហើយទាំងនេះ គឺក្រសួងកំពុងតែដើរជាន់ដានអាជ្ញាធរទន្លេសាបដដែល ហើយតែឡូតិ៍ក្នុងតំបន់ឡូត៍ខ្សាច់ នៅទន្លេបាសាក់ ,ទន្លេ មេគង្គត្រូវតែដាក់ឱ្យដេញថ្លៃ ។
អាជីវករបានលើកឡើងថា បើក្រសួង មានគម្រោងបែបនេះកាន់តែបង្កឱ្យមាន ភាពអនាធិបតេយ្យនៃការចេញ អាជ្ញាប័ណ្ណបូមខ្សាច់បែបច្របូកច្របល់កាន់ តែខ្លាំងឬក៏អាចពាក់ព័ន្ធអំពើពុករលួយ និងជាន់ឈ្លីកំណែទម្រង់របស់ លោក ហ៊ុន សែន ដែលដកសិទ្ធិអទ្ធិបញ្ជាពីក្រសួងធនធានទឹក និងអាជ្ញាធរទន្លេសាប ដែលសង្ឃឹមថា ក្រសួងរ៉ែ និងថាមពល អាចមានចំណាត់ការប្រសើរជាងនេះ បែរត្រឡប់ជាប្រព្រឹត្តអំពើពុករលួយតាំងពីដើមទីជាន់ឈ្លី ការតាំងចិត្តបំបាត់អំពើពុករលួយ បក្ខពួកនិយម របស់លោកនាយករដ្ឋមន្ត្រី ហ៊ុន សែន យ៉ាងងងើលបំផុត ដែលគួរ តែអង្គភាពប្រឆាំងអំពើពុករលួយដែលជាសេនាធិការខ្លាំង បច្ចុប្បន្នជាភ្នែកច្រមុះបង្ក្រាបអំពើពុករលួយយ៉ាងសកម្ម ដាក់ការសង្ស័យចុះស្រាវជ្រាវជុំវិញសកម្មភាពរបស់ក្រុមដន្លងដងស្នែង ហ៊ី បាវី និងរដ្ឋមន្ត្រី ស៊ុយ សែម ជាបន្ទាន់ផង ព្រោះថា រឿងរកតម្លាភាពបំបាត់ការតវ៉ារបស់អាជីវករខ្សាច់នោះ គឺមានតែអង្គភាពរបស់លោក ឱម យ៉ិនទៀង នោះទេ ៕
