ប្រភពបានឲដឹងថាថ្មីៗនេះលោកស្នងការបានសម្រេចតែងតាំងភរិយា របស់លោកឱ្យធ្វើជាប្រធានការិយាល័យកិច្ចការប៉ុស្ដិ៍រដ្ឋបាលនៅគ្រាដែលមន្ដ្រីមួយចំនួនធ្វើការជាយូរឆ្នាំ មិនបានទទួលតំណែងអ្វីទាល់តែសោះ ។ ប្រភពបន្ដថា លោកស្រី ពេជ្រ សេរីពី ទើបតែចូលបម្រើការងារជាមន្ដ្រីនគរបាលមិនបានប៉ុន្មាន ដង្ហើមផង ស្រាប់តែត្រូវបានដំឡើងស័ក្ដិនិងតួនាទី ជាបន្ដបន្ទាប់ ។ ចំណែកមន្ដ្រី នគរបាលខ្លះ ធ្វើការរហូតដល់ចូលនិវត្ដន៍ បែរជាមិនបានតួនាទី និងស័ក្ដិ ពាក់ឱ្យ បានសមរម្យនោះឡើយ ។ ចំណុចដែលលោកស្រីភរិយាលោកស្នងការឡើងស័ក្ដិ លឿន និងបានតួនាទីឆាប់រហ័សនោះ ធ្វើឱ្យមន្ដ្រីនគរបាលចាស់ៗអន់ចិត្ដ ។
ក្រុមមន្ដ្រីនគរបាលនៃស្នងការដ្ឋាននគរបាលខេត្ដកោះកុងបានឱ្យដឹងថា លោក ស្នងការ សំឃិត វៀន បានតែងតាំងលោកស្រី ពេជ្រ សេរីពី ដែលជាភរិយាឱ្យកាន់ តួនាទីជាប្រធានការិយាល័យកិច្ចការប៉ុស្ដិ៍រដ្ឋបាល ។ ក្រុមមន្ដ្រីនគរបាលខ្សឹបខ្សៀវ ថា វាជាកន្លែងដែលមានផលប្រយោជន៍យ៉ាងយ៉ាងច្រើនសន្ធឹកសន្ធាប់ ។
ក្រៅពីការផ្ដល់តួនាទីជូនភរិយាដ៏ឧដុង្គឧត្ដម្ភរបស់ខ្លួនមាន តួនាទីខ្ពស់មុខខ្ពស់មាត់នៅក្នុងស្នងការហើយនោះ ក៏នៅមានបញ្ហាជាច្រើនទៀត ពាក់ព័ន្ធនឹងអំពើពុករលួយ ក៏ដូចជាបញ្ហាបក្ខពួកនិយមជាដើម ។ បក្ខពួកនិយម នោះ ក៏ព្រោះតែលោកស្នងការរងម្នាក់ឈ្មោះ ច័ន្ទ គត្ដិខុម ទទួលបន្ទុកអគ្គិភ័យមិន ដែលមកធ្វើការសោះ? ។
ទាំងនេះគេមិនដឹងថាតើលោកនាយឧត្ដមសេនីយ៍ អគ្គស្នងការនគរបាលជាតិ បានជ្រាបដែរឬទេ ? ៕
