សៀមរាប ៖ តាមសកម្ម ភាពដឹកជញ្ជូនឈើបាន កក្រើកឡើងវិញ ក្នុងនោះវត្តមានរបស់ សមត្ថកិច្ចជាច្រើន ស្ថាប័ន នៅខេត្តសៀមរាប ក៏យកចិត្តទុក ដាក់ស្វះស្វែងទាញ យកប្រយោជន៍ ខណៈការដឹកជញ្ជូន ឈើរបស់ក្រុមហ៊ុនខ្លះផ្ទុក លើសច្បាប់អនុញ្ញាត ត្រូវបង្ខំឱ្យបង់ ប្រាក់ដើម្បីជាមធ្យោ បាយសម្របសម្រួល មានន័យថា បទល្មើសកាន់តែមានអំពើ ពុករលួយលក្ខណៈប្រព័ន្ធក៏កាន់តែ ច្រើន ។
ថ្មីៗយ៉ាងតិចមានក្រុម ហ៊ុនចំនួន៨កំពុង តែធ្វើសកម្មភាព ដឹកជញ្ជូនផលអនុផល ព្រៃឈើដោយមាន ច្បាប់អនុញ្ញាតត្រឹម ត្រូវចេញពីខេត្តព្រះវិហារ,ស្ទឹងត្រែង , ឆ្លងកាត់ខេត្តសៀមរាប ដើម្បីឆ្ពោះទៅ ចែកចាយនៅខេត្តបន្ទាយមានជ័យ,បាត់ ដំបង ប៉ុន្តែការដឹកជញ្ជូននេះ ក្រុមហ៊ុន ទាំងនោះបានផ្ទុកលើសប៉េសេ(PC) ដូច ជាក្រុមហ៊ុនរ័ត្នសម្បត្តិខូអិលធីឌី ដែល មានឈ្មោះម៉ិញ កញ្ញារ័ត្ន ជានាយកក្រុម ហ៊ុន,ក្រុមហ៊ុនអានម៉ាឌី ,ក្រុមហ៊ុនកៅស៊ូ អេលែវ ដែលមានឈ្មោះហៀក អេងឡាយ ជាតំណាង ៘
បច្ចុប្បន្នរឿងមាន PC គឺមន្ត្រី និងក្រុមឈ្មួញតែងស៊ីឡាញ CP កាប់បំផ្លាញព្រៃឈើជាប្រចាំដោយគ្មានកាត់ស្តុក សោះហើយបញ្ហាបើមានPC ដឹកជញ្ជូន គឺបន្លំបង្កប់ឃុបឃិតគ្នាជាមួយជំនាញ រដ្ឋបាលព្រៃឈើ និងសមត្ថកិច្ចពាក់ព័ន្ធ ផ្ទុកលើសទម្ងន់លើសPCស្ទើរ១គុណ៣ ក្នុងនោះរាល់ ការ ដឹកជញ្ជូនឆ្លងកាត់ខេត្ត សៀមរាបត្រូវបាន គេរាយការណ៍មកថា ពិតជាមិនអាចគេច ផុតពីក្រសែភ្នែក លោកអ៊ុំ អមរ៉ា ស្នងការរង ទទួលបន្ទុក ប្រឆាំងបទល្មើស សេដ្ឋកិច្ចខេត្ត ដែល ត្រូវបង្ក្រាប ដើម្បីបញ្ជូនឱ្យទៅជំនាញ ចាត់ការតាមនីតិវិធី ។
ដូចជា ថ្មីៗនេះប្រភពមិនផ្លូវការណ៍ និងអាចជឿ ទុកចិត្តបានបង្ហើបថា លោកអ៊ុំ អមរ៉ា កំពុងទទួលបានប្រយោជន៍ ពីការដឹកជញ្ជូន លើសPC ហើយគាត់ក៏កំពុងប្រើអំណាច ក្នុងនាមជាមន្ត្រីនគរបាលយុត្តិធម៌គំរាម កំហែងមកលើ ស្ថាប័នសារព័ត៌មាន ប្រសិនបើប្រមាញ់តាមដានផ្តិតយករូប ភាពរាល់សកម្មភាពនៃការដឹកជញ្ជូន ឈើលើសPC ។
ពាក់ព័ន្ធករណីនេះ លោកអ៊ុំ អមរ៉ា ស្នងការរងនគរបាលខេត្ត ទទួលបន្ទុកបទ ល្មើសសេដ្ឋកិច្ច កាលពីព្រឹកថ្ងៃទី២៧ ខែ ឧសភា ឆ្នាំ២០១៥ លោកមិនបានធ្វើ អត្ថាធិប្បាយជុំវិញការលើកឡើងនេះទេ ដោយគ្រាន់តែមានប្រសាសន៍ថា “ខ្ញុំ យប់មិញបានចាប់រថយន្តដឹកឈើចំនួន ២គ្រឿងយកទៅរក្សាទុកនៅបាដាក ពី ព្រោះក្រុមហ៊ុនដឹកឈើរបស់ក្រុមហ៊ុន ទ្រី ភាព ដឹកជាង២០ម៉ែត្រគូប ប៉ុន្តែ កាត់PCត្រឹមតែ១៣ម៉ែត្រគូប ទើបខ្ញុំ ចាប់យកទៅរក្សាទុក ។
មិនតែប៉ុណ្ណោះ លោកស្នងការរង អ៊ុំ អមរ៉ា ដែលត្រូវបានរងនូវការរិះគន់ ក្នុង ប្រយោជន៍ពីក្រុមឈ្មួញដឹកជញ្ជូនឈើ នោះ ក៏មានមន្ត្រីរដ្ឋបាលព្រៃឈើខេត្ត សៀមរាបចំនួន២នាក់ គឺឈ្មោះឡុង សុខា និង ម្នាក់ទៀត“សុំលាក់ទុក” មិនត្រឹមតែគេ មានភារកិច្ចចាំរាប់ក្បាលឡានដឹកឈើ យកលុយប៉ុណ្ណោះទេ គេថែមទាំងចេញ មុខរត់ការឱ្យក្រុមហ៊ុននីមួយៗសម្រាប់ យកប្រាក់មកចាយវាយទៅលើសមត្ថ កិច្ចក្នុងខេត្តសៀមរាប ដែលពាក់ព័ន្ធក្នុង ភារកិច្ចតួនាទីបង្ក្រាបបទល្មើសព្រៃឈើ ។
សមត្ថកិច្ចខ្លះបានសំណូមពរឱ្យអាជ្ញា ធរខេត្ត ក្នុងនាមគណៈបញ្ជាការឯកភាព ខេត្តគួររឹតបន្តឹងពីភាពអនាធិបតេយ្យ របស់សមត្ថកិច្ចខ្លះ យកតួនាទីទៅទាញ យកប្រយោជន៍ធ្វើឱ្យប៉ះពាល់ដល់កិត្តិយស សេចក្តីថ្លៃថ្នូរ និងអនុវត្តផ្ទុយពីភារកិច្ច តួនាទីកាន់តែផ្តើមឱ្យមានបទល្មើសដឹក ជញ្ជូនឈើលើសច្បាប់រាលដាលពេញខេត្តសៀម រាបនោះហើយដែលគួរតែនាយឧត្តមសេនីយ៍ អគ្គស្នងការនគរបាលជាតិ គួរមានវិធានការពិនិត្យសកម្មភាពរបស់ លោកស្នងការរង អ៊ុំ អមរ៉ា ផង ។/
ដោយ ៖ ស្ទាំងស
