ស្ទឹងត្រែង ៖ ថ្មីៗ លោកសំ បូរិន ដែលជានាយរងសង្កាត់រដ្ឋបាលព្រៃឈើ ស្រុកថាឡាបរិវ៉ាត់ និង សៀមបូក ត្រូវបានគេ សង្ស័យថា ពាក់ព័ន្ធជាមួយឈ្មួញ ធ្វើជំនួញឈើសុក្រំទ្រុងទ្រាយធំ នៅខេត្តស្ទឹងត្រែង ។ ឈើសុក្រំជាង១០០ ម៉ែត្រគូប ត្រូវបានគេដឹកយកទៅទុកនៅក្បែរផ្ទះប្រជាពលរដ្ឋមួយ កន្លែងក្នុង ភូមិរាជានុកូល សង្កាត់ស្ទឹងត្រែង ក្រុងស្ទឹងត្រែង ហើយឈើទាំងនេះគឺឈ្មួញ បានដឹកចេញពីព្រៃអភិរក្សមួយចំនួននៅក្នុងស្រុកថាឡាបរិវ៉ាត់ និងស្រុក សៀមប៉ាង ជាប្រចាំ។
ពាក់ព័ន្ធនឹងជំនួញបទល្មើសព្រៃឈើ ត្រូវបានមន្ត្រីរដ្ឋបាលព្រៃឈើមួយរូបអះអាងថា ឈើនេះមាន ច្បាប់អនុញ្ញាតត្រឹមត្រូវ និងបាននិយាយថា ម្ចាស់ឈើជាយោធា ក្រសួងការពារជាតិ និងមានឋានៈជាឧត្តមសេនីយ៍ឯកទៀតផង តែមិនបាន បង្ហាញឯកសារពាក់ព័ន្ធពីច្បាប់រក្សាទុក ឫ ច្បាប់ដឹកជញ្ជូននោះទេ។ ប៉ុន្តែ ទោះបីជាយ៉ាងណាក៏ដោយ ក៏ឈើទាំងនេះត្រូវបានគេសង្ស័យថា នៅមិន ទាន់មានច្បាប់អនុញ្ញាតត្រឹមត្រូវ ក្នុងការកាប់និងដឹកជញ្ជូននៅឡើយទេ ។
មិនតែប៉ុណ្ណោះ ពាក់ព័ន្ធនិងឈើសុក្រំជាង១០០ម៉ែត្រគូបនេះ លោកសំ បូរិន នាយរង សង្កាត់រដ្ឋបាលព្រៃឈើស្រុកថាឡាបរិ វ៉ាត់ និងសៀមបូក បានបញ្ជាក់ឱ្យដឹង ថា ឈើនេះជារបស់លោកឧត្តមសេនីយ៍ឯកឈ្មោះ មុន្នី ហោ រ៉ាត់ ធ្វើការនៅក្រសួង ការពារជាតិ ទីចាត់ការបំភ័ន្តអក្ខរៈយកទៅធ្វើបន្ទាយនៅស្វាយរលំមួយ កន្លែង និងនៅឬស្សីកែវមួយកន្លែង ជាសាលាទាហ៊ានជាន់ខ្ពស់ ហើយឈើ នេះមានច្បាប់ត្រឹមត្រូវតែចំនួន១២០ម៉ែត្រគូបប៉ុណ្ណោះ ។
គួរបញ្ជាក់ថា ឈើសុក្រំ ដច្រើនសន្ធឹកសន្ធាប់នោះ រហូតមកដល់ ពេលនេះ ជំនាញរដ្ឋបាលព្រៃឈើ ក៏ដូចជានាយខណ្ឌរដ្ឋបាលព្រៃឈើខេត្ត នៅមិនទាន់ចុះទៅពិនិត្យឬមានចំណាត់ការយ៉ាងណា នៅឡើយទេ ហើយ ក៏មិនបានចេញមកបង្ហាញនូវឯកសារច្បាប់អនុញ្ញាតឱ្យបានច្បាស់លាស់ នោះដែរគេធ្វើហាក់បីដូចជា មានការឃុបឃិតគ្នាជាមួយម្ចាស់ឈើ ដើម្បីទុកសម្ងំលួចចល័តដឹកជញ្ជូន ដោយស្ងាត់ៗតែប៉ុណ្ណោះ ។
ផ្ទុយទៅវិញ លោក ឈាង តុលា នាយខណ្ឌរដ្ឋបាលព្រៃឈើខេត្តស្ទឹងត្រែងមិនអាចទំនាក់ទំនងសុំការបំភ្លឺបានទេ ជុំវិញបញ្ហាខាងលើនេះបានទេ ! ។ ប៉ុន្តែមកទល់ថ្ងៃនេះឈើទាំងនោះ ត្រូវបានគេអះអាងថា លួចដឹកចេញអស់ហើយ ។/
ដោយ ៖ ពរនេចរ
