ខេត្តកំពង់ឆ្នាំង ៖ តាមដីព្រៃបរិស្ថាន និងដីគម្របព្រៃឈើរបស់រដ្ឋនៅជាប់នឹងតំបន់ភ្នំក្បាលខ្លា និងភ្នំទឹកប្រមាណ ១២០០ហិកតា កំពុងត្រូវបានឈ្មួញឃុបឃិតគ្នាជាមួយ អាជ្ញាធរភូមិ ឃុំ ស្រុក សុរិយោ ដីខេត្តរំលោភយកតាមអំពើចិត្ត ។ ហើយនេះបើតាម ការអះអាងពីប្រជាពលរដ្ឋ បន្ទាប់ពីមន្ត្រីជំនាញរដ្ឋបាល ព្រៃឈើបានបង្កក់ការធ្វើកម្មសិទ្ធិជូនពួក គាត់ ប៉ុន្តែ បែរជាមន្ត្រី ឃុបឃិតលក់ឱ្យឈ្មួញ ទាំងបំពានច្បាប់នេះ ។
បើតាមប្រជាពលរដ្ឋបានបញ្ជាក់ថា ដីព្រៃ បរិស្ថាន និងដីគម្របព្រៃឈើរបស់រដ្ឋ ប្រមាណ១២០០ហិកតា ស្ថិតនៅចំណុច អូរឡេងតេង និងចំបក់ប្រាសាទ ក្នុងក្រាំង ស្គារ ស្រុកទឹកផុស ខេត្តកំពង់ឆ្នាំងបាន រងនូវការរំលោភកាប់ឈូសឆាយកំទេចព្រៃ ឈើយកដី ដោយក្រុមឈ្មួញធំៗដើម្បីពួកគេរៀបចំលក់ដី ទៅឱ្យក្រុមហ៊ុនចិនយ៉ាងអនាធិបតេយ្យបំផុត ។
មិនតែប៉ុណ្ណោះ ក្រុមប្រជាពលរដ្ឋបានបញ្ជាក់ទៀតថា ដី កំពុងរងនូវការរំលោភនេះគឺមានដីរបស់ ប្រជាពលរដ្ឋប្រមាណ ២០ភាគរយត្រូវ បានអាជ្ញាធរ និងមន្ត្រីជំនាញដោះស្រាយ ជូនប្រជាពលរដ្ឋ ។ ហើយដោយឡែក៨០ភាគរយ ទៀតគឺ ក្រុមឈ្មួញរួមជាមួយនឹងអាជ្ញាធរ រៀបចំលក់ឱ្យទៅក្រុមហ៊ុនចិន ដោយ យកឈ្មោះប្រជាពលរដ្ឋថាជាអ្នកលក់ដី ជូនពួកគេ ប៉ុន្តែឯកសារទាំងនោះគឺលោត ឆត្រទាំងស្រុងនោះទេ ! ។
ជាងនេះទៅទៀត ក្រុមប្រជាពលរដ្ឋបានអះអាងថា ក្រុម ឈ្មួញដីបានឃុបឃិតគ្នាជាមួយមេភូមិ ដំណាក់អំពិលឈ្មោះ យឹម ឌឿន និងមេ ឃុំក្រាំងស្គារឈ្មោះ គង់ សំអ៊ីម ព្រមទាំង ចូលរួមពីសំណាក់មន្ត្រីសុរិយោដីស្រុក ខេត្ត និងមន្ត្រីអាជ្ញាធរខេត្ត មួយចំនួន ទៀតផង ។
ដូចជា ភាពមិនប្រក្រតីមួយចំនួន គឺក្រុមមន្ត្រីបានឃុបឃិតគ្នារំលោភយកដីព្រៃ របស់រដ្ឋខាងលើត្រូវគេប្រើរូបមន្តគឺ ឈ្មួញដីនិងមន្ត្រីរបស់ខេត្តកំពង់ឆ្នាំងរៀបចំឯកសារសិប្បនិម្មិត(ហៅ ថាឯកសារ ខ្យល់) ដោយយកឈ្មោះប្រជាពលរដ្ឋនៅ ក្នុងភូមិទាំង៣ខាងលើដោយម្នាក់ៗទទួលបានដីនៅក្នុងតំបន់ដែលគេ រំលោភយក នោះក្នុងម្នាក់ៗចំនួន៥ហិកតា ប៉ុន្តែប្រជា ពលរដ្ឋទាំងនោះត្រូវបានក្រុមឈ្មួញនិង អាជ្ញាធរភូមិ ឃុំ បោកប្រាស់ប្រើឈ្មោះ ដើម្បីជាប្រយោជន៍របស់ក្រុមគេដោយ ប្រជាពលរដ្ឋទាំងនោះមិនបានដឹងខ្លួនថា ត្រូវបានគេយកឈ្មោះទៅប្រើនោះឡើយ។ ដោយគេពុំដឹងថា តើរឿងនេះ មេខេត្តកំពង់ឆ្នាំង ឈួរ ច័ន្ទឌឿន មានជាប់ពាក់ព័ន្ធនូវពីក្រោយឬអត់ ។
ប្រភពមួយផ្សេងទៀតបានបង្ហើបឱ្យដឹង ថា គេបានយកមេភូមិដំណាក់អំពិល ឈ្មោះ យឹម ឌឿន ឱ្យទៅចុះហត្ថលេខា ទទួលស្គាល់លើឈ្មោះប្រជាពលរដ្ឋទាំង២ភូមិខាងលើ ។ ដូចជា ក្រៅពីមេភូមិដំណាក់អំពិលឈ្មោះ យឹម ឌឿន និងមេឃុំក្រាំងស្គារឈ្មោះ គង់ សំអ៊ីម បានទទួលស្គាល់ឈ្មោះប្រជា ពលរដ្ឋសិប្បនិម្មិតនោះរួចហើយទើប ក្រុមរៀបដីដែលមានឈ្មោះ ចាន់ គៀន ឈ្មោះ ព្រហ្ម ហួយ និងឈ្មោះ ហ៊ីង បាន រៀបចំជាឯកសារមួយជាន់ទៀតដោយ បញ្ជាក់ថា ប្រជាពលរដ្ឋខ្យល់ទាំង៣ភូមិ ខាងលើនោះបានលក់ដូរដីរបស់ខ្លួនឱ្យទៅក្រុមរបស់គេដោយពលរដ្ឋបាន បង្ហើប ថា ក្នុង១ហិកតាតម្លៃ១៥០ដុល្លារដែល ត្រូវបានគេរៀបចំក្នុងឯកសារសិប្បនិម្មិត ក្នុងនោះតម្លៃសេវាចុះហត្ថលេខាលើ ឈ្មោះប្រជាពលរដ្ឋខ្យល់គឺក្រុមឈ្មូញដី បានទុកសេវាឱ្យមេភូមិឈ្មោះ យឹម ឌឿន ចំនួន១០០ដុល្លារនិងមេឃុំក្រាំងស្គារ ឈ្មោះ គង់ សំអ៊ីម ក្នុងលិខិតទិញលក់ដូរ ដីក្លែងក្លាយសម្រាប់ម្នាក់ៗ ។
បញ្ហាខាងលើនេះដែរ ប្រភពដោយឡែកមួយទៀតបាន បញ្ជាក់ថា ក្រុមឈ្មួញដីឈ្មោះ លី ម៉ាន ដែលមានមេការ ២នាក់ ខាងលើបានវេចស្ពាយឯកសារខ្យល់ទាំងនោះមកកាន់ សុរិយោដីខេត្តដើម្បីបំពេញបែបបទសុំកាត់ឈ្មោះ
និងចេញប្លង់ ដោយមានការ ត្រូវរ៉ូវគ្នារួចជាស្រេចហើយនោះមិនលំបាក ឡើយក្នុងការចេញប័ណ្ណកម្មសិទ្ធិដីធ្លី ស្របច្បាប់ទៅឱ្យក្រុម ឈ្មួញរំលោភយកដីព្រៃរបស់រដ្ឋនោះ ។ គេបានមើលឃើញ ថា ដីព្រៃរបស់រដ្ឋដែលក្រុមឈ្មួញរំលោភ យកនោះត្រូវបានសុរិយោដីខេត្តចេញ ប័ណ្ណកម្មសិទ្ធិដីធ្លីឱ្យទៅក្រមឈ្មួញទាំង នោះយ៉ាងរលូននិងរហ័ស ។
ដោយឡែកដី របស់ប្រជាពលរដ្ឋដែលមានទីតាំងក្នុង តំបន់នោះត្រូវបានគេបង្កកមិនឱ្យចេញប័ណ្ណកម្មសិទ្ធិដីធ្លីឡើយដោយ ត្រូវបាន ខាងមន្ត្រីរដ្ឋបាលព្រៃឈើប្តឹងជំទាស់ថា ជាដីគម្របព្រៃឈើ ។ ហើយដែលគេសង្ស័យថា រឿងនេះ គឺជាល្បែងមន្ត្រី ព្រៃឈើ ។
រឿងនេះដែរ លោក ម៉េង ហាក់ អតីតប្រធានការិ យាល័យភូមិបាលស្រុកដែលបច្ចុប្បន្នជាអភិបាលស្រុកទឹកផុសបានបញ្ជាក់ ប្រាប់ អ្នកកាសែតថា លោក លី ម៉ាន មិន បានរំលោភយកដីព្រៃរបស់រដ្ឋទេ ហើយ ដីដែលគាត់កំពុងអភិវឌ្ឍន៍នោះគឺគាត់ ទិញពីប្រជាពលរដ្ឋ ។ ចំនួនដីរបស់លោក លី ម៉ាន ដែលបានផ្ទេរឈ្មោះមានចំនួន តែជាង៣០០ហិកតាទេចំពោះដីដែល មិនទាន់ផ្ទេរលោកនៅមិនទាន់ដឹងថា មានចំនួនប៉ុន្មានឡើយ ។
យោងតាមដីព្រៃព្រះរាជក្រិត្យ និង ដីរដ្ឋបាលព្រៃឈើដែលមានចំនួន១២០០ ហិកតាខាងលើនេះត្រូវបានក្រុមឈ្មូញដី ឈ្មោះ លី ម៉ាន និងមន្ត្រីមានអំណាច មួយចំនួនក្នុងជួរខេត្តឃុបឃិតគ្នារំលោភយកបានសម្រេចជាស្ថាពរហើយ ។
ប៉ុន្តែ នៅពេលបច្ចុប្បន្ននេះក្រុមដដែលខាង លើបាននឹងកំពុងតែឈូសឆាយរុករាននិង រំលោភយកដីប្រមាណ ១.៥០០ហិកតា ថ្មីបន្តទៀតដែលនៅជាប់គ្នានិងដី ១.២០០ហិកតាដែលបានរំលោភយករួចហើយ នោះ ។ហើយ ករណីរំលោភដីធ្លីរបស់រដ្ឋនៅ ក្នុង ឃុំក្រាំងស្គារ ស្រុកទឹកផុស ខេត្តកំពង់ឆ្នាំង ត្រូវបានគេមើលឃើញថា មានសភាព ផុសផុលយ៉ាងខ្លាំងពីសំណាក់ក្រុមឈ្មួញ ទិញដីដែលមានការឃុបឃិតគ្នារវាង អាជ្ញាធរមូលដ្ឋានជំនាញរួមទាំងមាន ការបើកភ្លើងខៀវពីសំណាក់មន្ត្រីមាន អំណាចមួយចំនួនក្នុងជួរខេត្តផងដែរ។
ពាក់ព័ន្ធករណីនេះលោក កែវ សឿន សោភ័ណ្ឌ ប្រធានមន្ទីររៀបចំដែន នគរូប នីយកម្ម និងសំណង់ខេត្តកំពង់ឆ្នាំងបាន ប្រាប់នគរវត្តកាលពីព្រឹកថ្ងៃ៦ ខែមិថុនា ឆ្នាំ២០១៥ថា រឿងនេះខ្ញុំអត់ដឹងទេ ហើយ នៅឯណា? អត់ដែលឮសោះ គ្មានរឿង អ៊ីកចឹងកើតឡើងឡើយ រួចក៏បិទទូរស័ព្ទ។
គួររំលឹកថា សុរិយោដីខេត្តកំពង់ឆ្នាំង គឺមានរឿងបំពានច្បាប់ដ៏ច្រើនទៀតដែល ថ្នាក់លើមិនទាន់មានចំណាត់ការ ព្រោះ កន្លងមកសូម្បីតែប្លង់កម្មសិទ្ធិខុសទីតាំង ក៏សុរិយោដីនេះស៊ីញ៉េកាត់ឈ្មោះទាំងបិទ ភ្នែក ទើបកើតទៅជារឿងឧកញ៉ានឹង ឧកញ៉ារបៀបពាលស៊ីពាលកំពុងប្តឹងផ្តល់ គ្នារឿងលួចដីគេលក់ ហើយឃុបឃិតជា មួយសុរិយោដីខេត្តយកប្លង់ផ្សេងមក សំអាងដើម្បីកាត់ឈ្មោះ ។ ហើយដែលករណីនេះ គួរតែក្រសួងសុរិយោដី និងរៀបចំដែនដីនគរូបនីយ៍កម្មខេត្តកំពង់ឆ្នាំង ដែលសំបូររឿងអាស្រូវនេះជាបន្ទាន់ផង ។/
ដោយ ៖ ប្ញស្សីទេព
