ភ្នំពេញ ៖ ក្រុមហ៊ុន ខូវ អៀងឡាយ ស្ថិតនៅចំណុច ប្រឡាយលូប្រាំក្នុងភូមិដំណាក់ធំ២ សង្កាត់ ស្ទឹងមានជ័យ ខណ្ឌមានជ័យ មានប្រជាពលរដ្ឋជាច្រើនបានដាក់ភាពសង្ស័យថា កំពុងសាងសង់ល្មើសច្បាប់ ខណៈក្រុម ហ៊ុននេះបានចាក់ដីរំលោភយកប្រឡាយ លូប្រាំដែលមានទទឹងប្រមាណជិត២០ ម៉ែត្រ បែរជានៅសល់ទំហំ៤ម៉ែត្រនោះ?
ភាពគឃ្លឿនរបស់ក្រុមខូវ អៀងឡាយ ពិតជាបន្ដសកម្មភាពចាក់ដីរំលោភយក ប្រឡាយលូប្រាំរាប់រយសិបម៉ែត្រ ដើម្បី សង់ផ្ទះល្វែងលក់ ។
ប្រជាពលរដ្ឋ និងប្រឈមការទទួល ខុសត្រូវចំពោះផ្លូវច្បាប់ ក៏ដូចជាសាលា រាជធានីភ្នំពេញប្រសិនបើ ត្រូវចំណាយ ប្រាក់ទិញផ្ទះល្វែងនៅទីតាំងខាងលើនេះ ពីព្រោះចាក់ដីរំលោភយកប្រឡាយរបស់ រដ្ឋ ថ្ងៃណាមួយអាជ្ញាធរប្រាកដជាមាន វិធានការ ដូច្នេះអ្នកជាវផ្ទះល្វែងដែល ត្រូវចំណាយប្រាក់បានក្លាយទៅជាជនរង គ្រោះ ។
មិនគួរឱ្យមានវប្បធម៌រំលោភយក ប្រព័ន្ធលូ ឬប្រឡាយទឹករបស់រដ្ឋដែល បម្រើឱ្យផលប្រយោជន៍សាធារណៈសម្រាប់ ប្រជាពលរដ្ឋនោះឡើយ ប៉ុន្ដែគេសង្ស័យ ថា ក្រុមហ៊ុនខូវ អៀងឡាយ អាចនឹងមាន សែទុយោ ខ្នងបង្អែករឹងមាំណាមួយទើប ហ៊ានលោតឆត្រចាក់ដីរំលោភយក ប្រឡាយលូប្រាំងទាំងបំពាននេះ ៕
