ខេត្តមណ្ឌលគិរី ៖មេឈ្មួញឈើដុះស្លែរសឹង្ហ សំអុលនិងបក្សមួយចំនួនទៀតរួមមានឈ្មោះបុត្រ
ឈ្មោះដឿនឈ្មោះខននិងឈ្មោះថុនកំពុងតែកាប់បំផ្លាញព្រៃឈើក្នុងតំបន់ដីសម្បទានសេដ្ឋកិច្ច
របស់ក្រុមហ៊ុនយួនឈ្មោះប៊ិញ ហ្វឿក១ក្នុងខេត្តមណ្ឌលគិរីដើម្បីដឹកជញ្ជូនតាមរថយន្តយកទៅ
លក់នៅស្រុកយួនជារៀងរាល់ថ្ងៃដោយគ្មានសមត្តកិច្ចពាក់ព័ន្ធទប់ស្កាត់និងបង្ក្រាបនោះឡើយ។
ប្រភេទឈើដែលមេឈ្មួញសឹង្ហ សំអុលនិងបក្សពួកកំពុងតែកាប់បំផ្លិចបំផ្លាញនោះគឺមានដើម
ជ័រច្បោះនិងប្រភេទដើមឈើប្រណីត ផ្សេងៗទៀតដូចជាធ្នង់ បេង និងនាងនួនជាដើម។ប្រភ
ពពីប្រជាសហគមន៍រស់នៅឃុំស្រែព្រះ និងឃុំស្រែឈូក រាយការណ៍មកថា ក្នុងមួយថ្ងៃៗមាន
ក្រុមឈ្មួញបាននាំគ្នាកាប់បំផ្លិចបំផ្លាញដើម្បីប្រមូលផលអនុផលព្រៃឈើពីព្រៃត្រណម ជនជាតិ
ព្រៃសហគមន៍ និងពីដីព្រៃអភិរក្សរាប់សិបគ្រឿងយកទៅលក់ឲ្យថៅកែដ៏ធំម្នាក់ ប្រចាំនៅក្រុម
ហ៊ុនដីសម្បទានសេដ្ឋកិច្ច ឈ្មោះ ប៊ិញ ហ្វឿក១ របស់យួន មានទីតាំងនៅឃុំព្រះឈូក ស្រុក
កែវសីមាហើយមេឈ្មួញសឹង្ហ សំអុលជាអ្នកសហការឃុបឃិតជាមួយក្រុមហ៊ុនយួនមួយនេះ ។
ប្រភពដដែលឲ្យដឹងទៀតថាសកម្មភាព ឧក្រិដ្ឋសង្ស័យជាប្រព័ន្ធដ៏មមាញឹកនេះ គឺគេដឹកជញ្ជូនឈើ
គ្រប់ប្រភេទ ដែលកាប់ប្រមូលមកពីព្រៃក្រៅដែនក្រុមហ៊ុនរាប់រយម៉ែត្រគូប យកមកពីគ្រប់ទិសទីក្នុង
ស្រុកកែវសីមា ចូលក្រុមហ៊ុនធ្វើការអារច្រៀក និងដឹកជញ្ជូនតាមរថយន្តយីឌុបធំៗរាល់ថ្ងៃដែលគេមិន
ឃើញសមត្ថកិច្ច ជំនាញពាក់ព័ន្ធនានាយកចិត្តទុកដាក់ត្រួតពិនិត្យទប់ស្កាត់សោះឡើយ ។សេចក្តីរាយការណ៍
បាននិយាយថា សកម្ម ភាពកាប់ទន្ទ្រានព្រៃឈើខុសច្បាប់នេះធ្វើឡើងដោយយកច្បាប់ដីសម្បទានសេដ្ឋកិច្ច
ធ្វើជា សំអាង បិទបាំងក្នុងការដឹកឈើមកពីក្រៅដែនដីរបស់ក្រុមហ៊ុនដីសម្បទាន សេដ្ឋកិច្ច ដែលជាដីព្រៃ
រេចរឹល មានឈើតូចៗរកតែប្រភេទឈើប្រណីតមួយដើមគ្មាននោះ ។ តែផ្ទុយទៅវិញមេឈ្មួញសឹង្ហសំអុល
ម្នាក់នេះ ដែលគេឱ្យឈ្មោះថា សម្បូរឈើប្រណីតនិងឈើគ្រប់ប្រភេទនាំចេញមិនចេះអស់រាប់ឆ្នាំមក ហើយ
ទៅកាន់ប្រទេសយួន ។ ការដឹកជញ្ជូនឈើប្រណីតនោះទៀតសោត គឺគេធ្វើឡើងជ្រកក្រោមលិខិតអនុ
ញ្ញាតអាជីវកម្មឈើក្រហម ។ ក្រៅតែពីកាប់ និងប្រមូលឈើមិនស្របច្បាប់ គេឃើញឧកញ៉ាអុលនាំឈើ
ចេញទៅប្រទេសយួនជាហូរហែ ។
ឧកញ៉ាឈ្មួញឈើដ៏ ល្បីជាងគេម្នាក់ឈ្មោះ អុល ដែលត្រូវបានគេស្គាល់ថា ជាថៅកែទទួលទិញ
ឈើនៅក្នុងក្រុមហ៊ុនដែលក្រុមឈ្មួញតូចតាចដឹកចេញពី ព្រៃអភិរក្សត្រូវបានគេរាយការណ៍ថា
គាត់មានសកម្មភាពដឹកជញ្ជូនឈើប្រណីតតាមរថយន្តយីឌុបទាំងខ្សែៗទៅ កាន់ប្រទេសយួន
ចេញពីស្រុកកែវសីមា ខេត្តមណ្ឌលគិរី កាត់តាមស្រុកស្នួល ខេត្តក្រចេះ ឆ្ពោះទៅកាន់ស្រុកមេម៉ត់
ខេត្តត្បូងឃ្មុំ ចេញតាមច្រករបៀងទន្លេចាម ក្នុងឃុំជាំក្រវៀន ច្រកដូង៧ដើម និងច្រករបៀងបឹង
ជ្រោងជាដើម ដែលគេដឹងថា ឧកញ៉ាម្នាក់នេះមានសាច់ថ្លៃម្នាក់ជាមេប៉េអឹមឈ្មោះលោក«ខន»
ជាមេការប្រចាំ នៅតំបន់ច្រកព្រំដែន នោះទៀតផង ។
ប្រជាសហគមន៍ក្នុងឃុំស្រែឈូកបាននិយាយថា ក្រុមហ៊ុន ប៊ិញ ហ្វឿក១ ជាក្រុមហ៊ុនដីសម្បទាន
សេដ្ឋកិច្ចរបស់យួន ដែលកំពុងប្រគល់សិទ្ធិឲ្យមេឈ្មួញសឹង្ហសំ អុល កាប់ប្រមូលផលអនុផលព្រៃឈើក្រៅ
ដីរបស់ខ្លួនទូទាំងស្រុកកែវសីមា រាប់រយម៉ែត្រគូប ចូលក្នុងក្រុមហ៊ុនអារច្រៀកដឹកបន្តតាមរថយន្ត
ធំៗចេញជាច្រើនឆ្នាំ មកហើយ ។ មិនថារដូវប្រាំង ឬវស្សានោះទេ ដោយគេយកច្បាប់វិនិយោគដី
សម្បទានសេដ្ឋកិច្ចធ្វើជាលេសដើរប្រមូល ទិញឈើប្រណីតមកពីក្នុងឃុំស្រែឈូក ស្រែព្រះ ចុង
ផ្លាស់ មេម៉ង និងគ្រប់ទិសទីក្នុងស្រុកកែវសីមា ដែលទីតាំងខាងលើស្ថិតក្នុងតំបន់អភិរក្សជីវចម្រុះ
សីមា និងដែនជម្រកសត្វព្រៃភ្នំព្រិច ។
ប្រជាសហគមន៍តំបន់នោះអះអាងជាចំហថា ភាគច្រើនអ្នករកស៊ីឈើនៅទីនោះក្រៅតែពីមេឈ្មួញ
សឹង្ហ សំអុល ក៏មានមន្ត្រី និងឈ្មួញមានសមត្ថកិច្ច មានខ្នងបង្អែកធំៗ កំពុងនាំគ្នាកាប់ឈើយក
មកលក់ឲ្យមេឈ្មួញសឹង្ហសំអុលសម្រាប់តែគាត់ម្នាក់ប៉ុណ្ណោះ ។ បច្ចុប្បន្នកន្លែងដែលកើតមានបទល្មើសខាង
លើបានក្លាយជាកន្លែងដ៏ សុខសាន្តរបស់ក្រុមឈ្មួញរកស៊ីឈើទៅហើយ ទោះបីមានបងប្អូន
ប្រជាសហគមន៍ជនជាតិដើមខិតខំឃាត់ចាប់ ឬប្តឹងទៅជំនាញហាក់បីដូចជាគ្មានប្រសិទ្ធភាព
សោះព្រោះគេត្រូវរ៉ូវគ្នាជាលក្ខណៈប្រព័ន្ធទៅហើយ ។ ពួកគេថា សូម្បីតែថ្នាក់លើៗមិនដែលយក
ចិត្តទុកដាក់ និងបញ្ជូនមន្ត្រីសម្ងាត់ឲ្យមកស៊ើបអង្កេតពីករណីនេះថែមទៀត វាជាមូលហេតុ
បណ្តាលឱ្យព្រៃឈើវិនាសហិនហោចគួរឱ្យសង្វេគក្រៃលែង នៅខេត្តមណ្ឌលគិរី។
ទាក់ទងករណីនេះអគ្គនាយករងក្រុមហ៊ុន ប៊ិញ ហ្វឿក១ លោក ហា តាំបាំងធ្លាប់បានបញ្ជាក់ឱ្យដឹង
ថា ក្រុមហ៊ុន ប៊ិញ ហ្វឿក១ជាក្រុមហ៊ុនរដ្ឋរបស់ប្រទេសវៀតណាម ដែលបានទទួលសិទ្ធិវិនិយោគ
លើផ្ទៃដី៥.១០០ហិកតា ពីរាជរដ្ឋាភិបាលកម្ពុជាក្នុងឆ្នាំ២០១២។ លោកអះអាងទៀតថា បច្ចុប្បន្ន
ក្រុមហ៊ុនធ្វើការឈូសឆាយបានប្រមាណ៨៥% ក្នុងនោះធ្វើការដាំដុះកៅស៊ូបាន៦០%ហើយ ។
លោកបន្តទៀតថា ចំពោះការប្រមូលផលអនុផលព្រៃឈើ គឺមានក្រុមហ៊ុនជាដៃគូដែលមាន
ក្រុមហ៊ុនមេឈ្មួញសឹង្ហ សំអុល ជាអ្នក ប្រមូល ។ ហើយរឿងដឹកឈើចូលក្រៅដែនឬមិនដឹកចូល
ខាងលើទាំងអស់នោះមិនពាក់ព័ន្ធនិងក្រុមហ៊ុនលោកទេ ក្រុមហ៊ុនលោកយកតែដីដាំកៅស៊ូប៉ុណ្ណោះ
រឿងឈើនោះ ជារឿងមេឈ្មួញសឹង្ហសំអុល ។
