ថ្មីៗនេះតាមរបាយការណ៍ពឹស្តារដែលមានរូបភាពផ្ទាល់ គឺមេឈ្មួញបទល្មើសព្រៃឈើ ឈ្មោះ ឆាយ ជ្រាយ ដែលមានងារជាឧកញ៉ា កើតចេញមានបានពីការរកស៊ីកាប់បំផ្លាញព្រៃឈើនោះ កំពុងតែសម្ងំកាក់កបនាំបទល្មើស ព្រៃឈើទៅស្រុកយួនយ៉ាងរលូន ។
បញ្ហានេះក្រោមការឆ្លើយឆ្លងព័ត៌មានបានបញ្ជាក់ថា គឺមេឈ្មួញ ឆាយ ជ្រាយ បាននាំបទល្មើសព្រៃឈើនេះ យ៉ាងរលូនឆ្លងកាត់ព្រែកប្រសព្វ និងស្រុកតំបែរ ជាប្រចាំតាមរថយន្តយីឌុបជាប្រចាំ ក្រោមការជួយមើលផ្លូវពីសំ ណាក់ក្រុមមេព្រៃរដ្ឋបាលព្រៃឈើស្រុកតំបែរ និងស្រុកឆ្លូង បង្វែរពីការតាមប្រមាញ់របស់សមត្ថកិច្ចពាក់ព័ន្ធយ៉ាង សុវត្ថិភាពទៀតផង ។
ផ្ទុយទៅវិញ មេធំរដ្ឋបាលព្រៃឈើភ្នំពេញ តែងតែច្រានចោលព័ត៌មានពឹស្តារ ដែលប៉ះពាល់ដល់កិត្តិយស និងមន្ត្រីរបស់ខ្លួន ដែលប្រចាំការទិសដៅ និងពុំទទួលស្គាល់ការពិត និងអសមត្ថភាពប្រព្រឹត្តអំពើពុករលួយរបស់មន្ត្រី ខ្លួនឡើយ ។
ជាក់ស្តែងមេរដ្ឋបាលព្រៃឈើប្រចាំតំបន់ស្រុកឆ្លូង ប្រាកដជាបានឃុបឃិតជាមួយក្រុមឈ្មួញបទល្មើសព្រៃ ឈើជាប្រចាំនោះ បើមិនដូច្នេះមិនមែនឃើញរថយន្តដឹកបទល្មើសព្រៃឈើរបស់ ឆាយ ជ្រាយ ធ្វើចរាចរឆ្លងកាត់ទៅ កើត ហើយរាយការណ៍បោកថ្នាក់លើថា អត់ដឹងនោះទេ ! ។
ឯលោក ឆេង គឹមស៊ុន ប្រសិនជាចង់បានតម្លាភាពមួយដែលថា ខ្លួនមិនរសើបពាក់ព័ន្ធការពារមន្ត្រីពុករលួយ របស់ខ្លួននោះ គឺគ្មានអ្វី និងពិបាកទេ ! ដាក់កម្លាំងស្រាវជ្រាវឯករាជ្យចុះស្ងាត់ៗម្តងជាពីរដងតាមគោលដៅចង់បាន នោះប្រាកដជាចាប់ចោរក្រុមមន្ត្រីពុករលួយប្រចាំទិសដៅ និងក្រុមឧកញ៉ាឈ្មួញបទល្មើសព្រៃឈើបានជាមិនខាន ។ ក៏ប៉ុន្តែគេខ្លាចតែនូវពីក្រោយមានអាថ៌៊កំបាំងដែលហាស្លាក់ និងឆន្ទៈបង្ក្រាបពិតប្រាកដតែប៉ុណ្ណោះ ដែលជាវិបត្តិធ្វើឱ្យ លោកនាយករដ្ឋមន្ត្រី ហ៊ុន សែន ឈឺក្បាលប៉ុណ្ណោះបន្ទោសថា លោក ឆេង គឹមស៊ុន អសមត្ថភាពទៅទេ ! ដែលរឿង ឱ្យកាន់តំណែងធំប៉ុណ្ណឹងហើយ បែរជាមិនហ៊ានអា និងវះកាត់បង្ក្រាបបទល្មើសព្រៃឈើឱ្យមានតម្លាភាពនោះ ហើយ ទម្លាក់ទៅលើព័ត៌មានមិនពិតការពារមន្ត្រីពុករលួយដូចមេរដ្ឋបាលព្រៃឈើស្រុកព្រែកប្រសព្វ និងស្រុកតំបែរឱ្យបន្ត ការពារជំនួញបទល្មើសព្រៃឈើឱ្យឈ្មួញ ឆាយ ជ្រាយ ទៅវិញ ។
ដោយឡែក ក្រោយក្បួនរថយន្តព្រៃឈើរបស់ឈ្មួញនាំឆ្លងដែនទៅដល់គោលដៅហើយតាមព័ត៌មានឱ្យដឹង ទៀតថា គឺឆាយ ជ្រាយ ត្រៀមនាំក្បួនឈើយីឌុបចុះឆ្លងកាត់មកទៀត ។ ហើយដែលសេចក្តីរាយការណ៍នេះយើងនឹងបន្តទៀត ៕
