ថ្មីៗនេះ តាមសេចក្តីរាយការណ៍ឱ្យដឹងថា គឺឈ្មោះ អ៊ុំ វណ្ណា និងឯម ស៊ីធូន ដែលជាមេប៉ុស្តិ៍សេដ្ឋកិច្ចក្រសួងទទួលផែន ៤ខេត្ត គឺកំពង់ចាម ក្រចេះ កំពង់ធំ កណ្តាលដ៏ល្បីល្បាញអសមត្ថភាព និងពុករលួយជាមួយបទល្មើសសេដ្ឋកិច្ចនោះ បានដឹកនាំ កម្លាំងទៅគំរាមអាជ្ញាធរ ខេត្ត ត្បូងឃ្មុំ ដាក់ប៉ុស្តិ៍ជម្រិតយកលុយពីបទល្មើសសេដ្ឋកិច្ច ដោយគ្មានការដឹងឮពីមេនាយកដ្ឋាន ឡើយ ។
ដោយឡែក ប្រភពបានឱ្យដឹងទៀតថា តាមដឹង គឺ អ៊ុំ វណ្ណា បានដាក់ប៉ុស្តិ៍ស្ថិតនៅចំណុចស្នួល យ៉ាងដុះស្លែមកហើយ ។ ប៉ុន្តែក្រោយកើតខេត្តថ្មី ទំនងឃើញថា ត្រូវប៉ាន់ បែរជាក្រុម អ៊ុំ វណ្ណា និងឯម ស៊ីធួន បានឃុបឃិតគ្នាជាមួយ និងស្នងការ ខេត្តនេះ ដោយនាំកម្លាំងទៅដាក់ប៉ុស្តិ៍នៅចំណុចស្រុកមេមត់យ៉ាងព្រហើនបំផុត ដោយគ្មានការអនុញ្ញាតពីប្រធាននាយកដ្ឋាន បង្ក្រាប និងទប់ស្កាត់បទល្មើសសេដ្ឋកិច្ច សូម្បីបន្តិចណាសោះ ។
កន្លងមកឮល្បីថា លោក អ៊ុំ វណ្ណា បានស្នើសុំទៅប្រធាននាយកដ្ឋាន ជា សុមេធី សុំដាក់ប៉ុស្តិ៍នៅទឹកដីខេត្តត្បូងឃ្មុំនោះ ប៉ុន្តែទំនងមិនត្រូវបានអនុញ្ញាតឡើយ ព្រោះតែ អ៊ុំ វណ្ណា កាន់ប៉ុស្តិ៍យកតែលុយគ្មានការទប់ស្កាត់ស្អីសោះ ដល់ទៅ ៤ខេត្ត ហើយនោះ ។ ទើបបានជាមិនត្រូវបានអនុញ្ញាត ។
ដោយឡែកពាក់ព័ន្ធ នឹងបញ្ហានេះដែរ លោក ម៉ៅ ពៅ ដែលជាស្នងការល្បីល្បាញមានរឿងអាស្រូវ ព័ទ្ធខ្លួននោះ មិនដឹងជាត្រូវប៉ាន់បែបណាទេ ជាមួយនិងបទល្មើស ។ ឥឡូវមកកាន់ខេត្តថ្មី ជាខេត្តដែលសំបូរបទល្មើសព្រៃឈើយ៉ាងពេញ បន្ទុកទំនងជាគាត់បែបត្រូវប៉ាន់មិនធម្មតាផងដែរ ហើយ ទើបបានជានូវសុខៗ បែរជានាំគ្នាឃុបឃិតឱ្យមានការដាក់ប៉ុស្តិ៍ យ៉ាងអនាធិបតេយ្យទៅវិញ ។ ដោយឡែកបញ្ហានេះ ការិយាល័យយើងពុំអាចទំនាក់ទំនងសុំការបំភ្លឺពីលោកស្នងការ ម៉ៅ ពៅ និងលោក អ៊ុំ វណ្ណា, ឯម ស៊ីធូន បានឡើយក្នុងថ្ងៃនេះ ។/ ដោយ ៖ ស្ទាំងស
