ខេត្តបន្ទាយមានជ័យ ៖ ឈ្មួញ និងអាជីវករ ក៏ដូចជាក្រុមអ្នករត់តាក់ស៊ីដឹកជញ្ជូនទំនិញ ក្នុងខេត្តបន្ទាយមានជ័យ បាននិយាយថាពេលធ្វើជាប្រធានសាខាគយ ខេត្តឧត្ដរមានជ័យ លោក ឆែ សុធា ល្បីល្បាញខាងប្រព្រឹត្តអំពើពុករលួយ ។លោក ឆែ សុធាពេលធ្វើជាមេគយ ខេត្តឧត្ដរមានជ័យ បានបើកដៃឲ្យឈ្មួញ នាំចូលរថយន្តចង្កូតស្ដាំគេចពន្ធ ទំនិញគេចពន្ធ និងប្រេងសាំងគេចពន្ធ ចូលទឹកដីខ្មែរយ៉ាងពេញបន្ទុក ដោយមានការបើកដៃ ឃុបឃិតពីមេគយធំៗ មួយចំនួន។ដូច្នេះការទទួលបានតំណែង ជាមេគយខេត្តបន្ទាយមានជ័យ គឺលោក ឆែ សុធាអាចប្រព្រឹត្តអំពើពុករលួយ កាន់តែខ្លាំង ។
លោក ឆែ សុធា អតីតប្រធានសាខាគយខេត្តឧត្ដរមានជ័យ ដែលល្បីរឿងឃុបឃិត ជាមួយឈ្មួញរកស៊ីនាំចូលទំនិញគេចពន្ធ ឡើងកាន់តំណែងជាប្រធានសាខាគយ ខេត្តបន្ទាយមានជ័យ ជំនួសលោកថោងសុខាំភូ ដែលល្បីល្បាញ ខាងប្រព្រឹត្តអំពើពុករលួយ ហើយគេដឹងថា លោក ឆែសុធា ក៏ធ្លាប់ប្រព្រឹត្តអំពើពុករលួយ ដើម្បីប្រយោជន៍ផ្ទាល់ខ្លួនមិនចាញ់លោក ថោង សុខាំភូ នោះឡើយ ។
ឈ្មួញ និងអាជីវករ ក៏ដូចជាក្រុមអ្នករត់តាក់ស៊ីដឹកជញ្ជូនទំនិញ ក្នុងខេត្តបន្ទាយមានជ័យ បាននិយាយថាពេលធ្វើជាប្រធានសាខាគយ ខេត្តឧត្ដរមានជ័យ លោក ឆែ សុធា ល្បីល្បាញខាងប្រព្រឹត្តអំពើពុករលួយ ។លោក ឆែ សុធាពេលធ្វើជាមេគយ ខេត្តឧត្ដរមានជ័យ បានបើកដៃឲ្យឈ្មួញ នាំចូលរថយន្តចង្កូតស្ដាំគេចពន្ធ ទំនិញគេចពន្ធ និងប្រេងសាំងគេចពន្ធ ចូលទឹកដីខ្មែរយ៉ាងពេញបន្ទុក ដោយមានការបើកដៃ ឃុបឃិតពីមេគយធំៗ មួយចំនួន។ដូច្នេះការទទួលបានតំណែង ជាមេគយខេត្តបន្ទាយមានជ័យ គឺលោក ឆែ សុធាអាចប្រព្រឹត្តអំពើពុករលួយ កាន់តែខ្លាំង ។
ប៉ុស្តិ៍ជជុះរបស់គយចល័តនៅចំណុចផ្លូវលេខ៥០ ក្នុងភូមិកូនដំរី សង្កាត់និមិត្ត ក្រុងប៉ោយប៉ែតត្រូវបានលុបបំបាត់ឬក៏អត់ ព្រោះកន្លងមក ប៉ុស្តិ៍គយចល័តនេះបង្កការលំបាកយ៉ាងខ្លាំង ដល់ឈ្មួញ និងអាជីវករដឹកជញ្ជូនទំនិញហើយសូម្បីតែអ្នករត់តាក់ស៊ី ដែលមានដឹកទំនិញបន្តិចបន្តួចក៏ត្រូវក្រុមគយចល័ត ជំរិតយកលុយ ដោយគ្មានការយោគយល់។ លោក គោស៊ុំ សារឿត អភិបាលខេត្តបន្ទាយមានជ័យបានសារភាពត្រង់ៗថា ខ្លួនជាអ្នកឃុបឃិតស៊ីញ៉េឲ្យបង្កើតប៉ុស្តិ៍ជជុះ របស់គយចល័ត នៅចំណុចផ្លូវ៥០ភូមិកូនដំរី សង្កាត់និមិត្ត ក្រុងប៉ោយប៉ែត ដូចនេះលោក គោស៊ុំ សារឿតអាចបើកដៃឲ្យលោក ឆែ សុធា ប្រធានសាខាគយ ខេត្តបន្ទាយមានជ័យដែលទើបឡើងថ្មី ធ្វើអ្វីៗតាមអំពើចិត្ត ៕
