ប្រភពព័ត៌មានពីប្រជាពលរដ្ឋបានឲដឺង ថា លោក ម៉ឹង យូឡេងប្រធានមន្ទីរសាធារណការ ខេត្តកណ្តាល បានឃុបឃិតជាមួយលោក ជួរ ឈុនឡេងដែលជាអនុប្រធានមន្ទីរ ឲ្យបក្ខពួករបស់ខ្លួនបង្កើតស្ថានីយ៍ជញ្ជីងថ្លឹងរថយន្តនៅតាមដងផ្លូវមួយចំនួនដើម្បីប្រមូលលុយតាមរបៀបពុករលួយ។ប្រភពដដែលបានបន្តថាស្ថានីយ៍ជញ្ជីងថ្លឹងរថយន្តរបស់ក្រុមមន្ត្រីខិលខូចខាងលើ បានដាក់ពង្រាយ កម្លាំងចល័តគ្រប់ច្រកល្ហក តាមឃាត់រថយន្តដឹកថ្មក្រួសខ្សាច់ និងរថយន្តដឹកទំនិញ មិនឲ្យរួចមួយគ្រឿងនោះទេ។ ម្ចាស់រថយន្តម្នាក់បានបញ្ជាក់ថា រថយន្តដឹកថ្ម និងដឹកដីខ្សាច់ដែលឆ្លងកាត់ជញ្ជីងនោះ ត្រូវបង់លុយចាប់ពី ២ម៉ឺនរៀល រហូតទៅដល់១០ម៉ឺនរៀល ក្នុងមួយគ្រឿងដូច្នេះក្រុមជញ្ជីងអាចប្រមូលប្រាក់ក្នុងមួយថ្ងៃៗបានរាប់លានរៀល។
ម្ចាស់រថយន្តធ្វើដំណើរនិងរថយន្តដឹកទំនិញផ្សេងៗនៅលើផ្លូវជាតិលេខ៣បានរាយការណ៍មកថាភាពអនាធិបតេយ្យបានកើតឡើងនៅលើផ្លូវជាតិលេខ៣តាំងពីឆ្នាំ២០១៥មកដោយសារតែមន្ត្រីខិលខូចមួយចំនួនបំពេញការងារមិនត្រឹមត្រូវ។ប្រភពដដែលបានបញ្ជាក់ថាក្រុមមន្ត្រីគ្រប់គ្រងប៉ុស្តិ៍ថ្លឹងរថយន្តបំពេញការងារមិនត្រូវតាមជំនាញរបស់ខ្លួនទេដោយពួកគេខំប្រឹងប្រមូលលុយក្រៅផ្លូវច្បាប់ឲ្យបានច្រើនតែមិនបានត្រួតពិនិត្យរថយន្តដឹកលើចំណុះឡើយ។
ម្ចាស់រថយន្តធ្វើដំណើរនិងរថយន្តដឹកទំនិញផ្សេងៗនៅលើផ្លូវជាតិលេខ៣បានបញ្ជាក់ថាក្រុមការងារដាក់ប៉ុស្តិ៍ជជុះ នៅលើបណ្តោយផ្លូវជាតិលេខ៣ក្នុងភូមិសាស្ត្រខេត្តកណ្តាល ជាមន្ត្រីក្រសួងនិងមន្ត្រីមន្ទីរសាធារណការខេត្តកណ្តាលរួមសហការជាមួយមន្ត្រីសាលាខេត្តកណ្តាលបង្កើតជាប៉ុស្តិ៍ជញ្ជីងថ្លឹងរថយន្តដឹកលើសទម្ងន់ដើម្បីផាកពិន័យតែតាមការសង្កេតជាក់ស្តែងមិនដែលឃើញមន្ត្រីទាំងនោះ ធ្វើការពិនិត្យនិងថ្លឹងរថយន្តទៅតាមលក្ខណៈបច្ចេកទេសនោះទេគឺគ្រាន់តែបញ្ជាឲ្យរថយន្តឈប់ចូលទៅបង់លុយគឺចប់៕
