ខេត្តកំពង់ឆ្នាំង ៖ ឈ្មួញយក សាច់ អួនហ៊ុស ម្រាស់ចាប់ត្រី ចំណុចសណ្តាន់ ស្តីបន្លិច ប៉ប្រក ពាមបាលូង និង ភូមិគ្រួសទល់ មុខកោះបូរ ។ជា ពិសេស តំបន់សំរោងសែន និងតំបន់អភិរក្ស បឹងផ្សោត អតីតឡូតិ៍ លេខ១០ ខេត្តកំពង់ឆ្នាំង ។ ដោយឡែក បទ ល្មើសឆក់ក្តៅ និងឆក់ត្រជាក់ បាន នឹងកំពុង បញ្ចេញសកម្មភាព យ៉ាងគគ្រឹកគ្រេងផងដែរ ។តែគ្មានសមត្ថកិច្ច និងជំនាញពាក់ព័ន្ធណា មួយចុះបង្ក្រាប អោយមានប្រសិទ្ធិភាព នៅឡើយទេ ខណៈប្រភពបានទម្លាយថា មានអ្នករត់ការយក លុយបិទភ្នែកសមត្ថកិច្ ។
ប្រជាពលរដ្ឋ អ្នកប្រកបរបរធ្វើ ចំការនៅតំបន់ខាងលើបាន អោយដឹងថាបច្ចុប្បន្ននេះរាល់ពេលល្ងាចៗគាត់បានឃើញក្រុមជនល្មើសស្ពាយឧបករណ៍ ឆក់ត្រី បញ្ចេញសកម្មភាពប្រសេចប្រសាចមិនមានសមត្ថកិច្ចណាបង្ក្រាប ។ដោយឡែកបទល្មើសហ៊ុសម្រាស់ចាប់ត្រីក៍ចាប់ ផ្តើមសម្រុកដោយបំប្លោកពីលើមែកឈើពីក្រោមសកម្មភាពទាំងនេះត្រូវបានក្រុមអ្នកហ៊ុសម្រាស់ អះអាងថាបានបង់លុយអោយសមត្ថកិច្ចជំនាញពាក់ព័ន្ធរួចហើយរាប់បញ្ចូលទាំងប៉ុស្តិ៍មូលដ្ឋានផងដែរ។ ចំណែកទាំងនេះត្រូវបានគេទម្លាយអោយដឹងថា លោក សោម ភារុណនាយខណ្ឌរដ្ឋបាលជលផលទទួលបានច្រើនជាងគេ ក្រុមអ្នកហ៊ុសម្រាស់បានបញ្ជាក់ថាក្នុងមួយគុម្ព ឬហ៊ុម្តងបង់អោយសង្កាត់១គុម្ពៗ១៥ម៉ឹនរៀល ផ្នែក ១៥ម៉ឺនរៀលរីឯលោកនាយខណ្ឌ៤០ម៉ឹនរៀលដែលថវិកាទាំងនេះត្រូវបានអ្នករត់ការយកទៅដង្វា យដល់កន្លែងតែម្តង ។
ពាក់ព័ន្ធការចោទប្រកាន់ខាងលើអ្នកយកពត៌មាន យើងមិនអាចទំនាក់ទំនងសុំការបំភ្លឺពីលោក សោម ភារុណនាយខណ្ឌរដ្ឋបាលជលផលខេត្តកំពង់ឆ្នាំងបាននៅឡើយទេ នៅព្រឹកថ្ងៃទី១១ ខែមករាឆ្នាំ២០១៦ នេះ ។ដោយឡែកមន្ត្រីជលផលថ្នាក់ផ្នែកបានបដិសេធការចោទប្រកាន់នេះ ។
ប្រជាពលរដ្ឋសំណូមពរដល់អាជ្ញាធរខេត្តកំពង់ឆ្នាំង ចាត់វិធានការបង្ក្រាបទាន់ពេលវេលា ៕
