តាមក្រុមមន្ត្រីនគរបាលសេដ្ឋកិច្ច រាជធានីភ្នំពេញអះអាងថា លោកសោម មុន្នី កំពុងប្រព្រឹត្តអំពើពុករលួយបង្កព្យុះភ្លៀងតាម អំពើចិត្តជាមួយក្រុមហ៊ុនវិនិយោគ ជាពិសេសគឺរឿងឃ្លាំងស្តុកទំនិញនោះតែម្តង ។
បើតាមការអះអាងថា រោងចក្រ សហគ្រាស សិប្បកម្មឃ្លាំងស្តុកទំនិញខុសច្បាប់ រាប់សិបកន្លែង សុទ្ធតែត្រូវបង់ប្រាក់ឱ្យ លោក សោម មុន្នី ។
ដូច្នេះលោកសោម មុន្នី បានផលប្រយោជន៍ច្រើនសន្ធឹកសន្ធាប់ពី ទីតាំងវិនិយោគនោះទាំងអស់ ។
ប្រភពបានខ្សឹបទម្លាយទៀតថា លោកសោម មុន្នី ត្រូវប៉ាន់ទទួលបន្ទុកការងារគ្រប់គ្រងលុយកាក់ផ្នែកវិនិយោគ និងអាជីវកម្ម ដូចជាក្រុមហ៊ុន រោងចក្រ សហគ្រាស និងភោជនីយដ្ឋានជាដើម ។
បែកធ្លាយមានទីតាំងអាជីវកម្ម សិប្បកម្ម ឃ្លាំងស្តុកទំនិញខុសច្បាប់ រោងចក្រសហគ្រាសតូចធំ រាប់សិបកន្លែង សុទ្ធតែត្រូវបង់ ប្រាក់ឱ្យលោក សោម មុន្នី ជារៀងរាល់ខែ ។ ដូចជាប្រសិនបើខកខានក្នុងការបង់ប្រាក់ មុខជាត្រូវរំខានការរកស៊ីឬ និងត្រូវដកហូតលែងជួលឃ្លាំងឱ្យជាមិនខាន ។
បញ្ហានោះប្រភពបានរាយការណ៍ទៀតថា លោកសោម មុន្នី បាននិងកំពុងបង្កភាពអនាធិបតេយ្យខ្លាំងនៅក្នុងរាជធានីភ្នំពេញ ដែល ធ្វើឱ្យអ្នកវិនិយោគក៏ដូចជាអាជីវករតូចធំមិនសប្បាយចិត្ត ។ បញ្ហាទម្លាយពីការលើកឡើងរបស់ប្រភព នេះជាអ្វីដែលគេ អះអាងថា ក្នុងផលប្រយោជន៍បុគ្គល ដែលលោកសោម មុន្នី បានធ្វើឱ្យកេរ្តិ៍ឈ្មោះ និងកិត្តិយសរបស់ជាតិត្រូវអាប់ឱន ។ ដែល មានន័យថា មិនត្រឹមតែអាជីវករក្នុងស្រុកនោះទេ ដែលមិនសប្បាយចិត្តចំពោះទង្វើរបស់លោកសោម មុន្នី សូម្បីតែវិនិយោគិន បរទេស ក៏មិនសប្បាយចិត្តចំពោះទង្វើកោសរូស និងពុករលួយគ្មានបញ្ចប់របស់បុគ្គល សោម មុនី ដែរ ។/ ដោយ ៖ ពាងធំៗ
