គេពុំច្បាស់ទេថា មកទល់ពេលនេះ តើលោកមេគយច្រក ទ្វារតំបន់អូរអន្លក់ គាត់ត្រូវប៉ាន់ជាមួយក្រុម ឈ្មួញក្នុង១ខែៗប៉ុន្មានម៉ឺន ប៉ុន្មានសែន ដុល្លារនោះទេ បានជាមកដល់បច្ចុប្បន្ន គេឃើញគាត់នូវតែសម្ងំលាក់លួច ឃុបឃិតជាមួយក្រុមឈ្មួញ អោយមានទំនិញ បង់ពន្ធមិនគ្រប់និង ទំនិញខុសច្បាប់លោតឆ័ត្រចូល មកក្នុងស្រុកធ្វើ មាន បានជាមួយក្រុមឈ្មួញ យ៉ាងត្រជាក់ថ្លើមបែប នេះមិនគួរ ក្រុមអធិការកិច្ច គយនិងអង្គភាពប្រឆាំងអំពើពុករលួយមើលរំលងសកម្មភាព គាត់នោះទេ។
ប្រភពពត៌មានពីក្រុមឈ្មួញតូចតាចបានអោយការរិយាល័យយើងដឹងថា៖ ភាពល្បីល្បាញរបស់ច្រករបៀងអូរអន្លក់គឺពុំចាញ់តាមច្រករបៀង១ចំនួន និងច្រកទ្វារអន្តរជាតិតាមតំបន់ព្រុំដែនកម្ពុជាសៀមក្នុងខេត្ត បាត់ដំបងប៉ុន្មាននោះទេ។នោះបើតាមការអះអាងរបស់ប្រភពប្រជាពលរដ្ឋ និងក្រុមឈ្មួញដែលរកស៊ីឆ្លងដែនដែលត្រូវរូវជាពិសេសជាមួយក្រុមគយ នៅច្រកទ្វារអូរអន្លក់។
ពត៌មានប្រភពអះអាងថាថ្វីបើជាច្រកទ្វារតំបន់ប៉ុន្តែក្រមឈ្មួញបែរ ជាសម្រុកនាំចេញនាំចូលទំនិញខុសច្បាប់ទំនិញគេចពន្ធទំនិញលោតឆ័ត្រ យ៉ាងមមាញឹកយ៉ាងស្ងាត់ស្ងៀមបំផុត។បើតាមមូលហេតុក្រុមឈ្មួញបង្ហើប តិចៗអោយដឹងថាមកពីតែមេគយទីនេះគាត់ត្រជាក់ល្ហឹមពូកែរសម្ងំ ប្រព្រឹត្តអំពើពុករលួយជាមួយមេឈ្មួញធំៗនិងក្រុមឈ្មួញជិតដិតអោយ មានការនាំចូលស្ទើរតែគ្រប់រូបភាពបទល្មើសទំនិញគេចពន្ធឫរាល់ទំនិញ ដែលបង់ពន្ធមិនគ្រប់ទាំងអស់ត្រូវគេឃុបឃិតគ្នាជាខ្សែស្រឡាយបង្វែ អោយនាំចូលតាមច្រកទ្វារនេះទាំងអស់។
ផ្ទុយទៅវិញ ដោយសារភាពស្ងប់ស្ងាត់នេះធ្វើអោយច្រកទ្វារនេះសម្បូរទៅដោយ ទំនិញគេចពន្ធគ្រប់ប្រភេទ។ហើយជាងនេះទៅទៀតក្រៅពីទំនិញលោតឆ័ត្រនិង បង់ពន្ធមិនគ្រប់នេះទៅគឺប្រភេទម៉ូតូក្តៅឡានក្តៅគេចពន្ធក៏មាន ការហូរនាំចូលយ៉ាងគគ្រឹគគគ្រេងយ៉ាងអនាធិបត្យេបំផុត។
ពាក់ព័ន្ធនឹងពញ្ហានេះវាគឺជាទង្វើរមួយឃុបឃិតគ្នាយ៉ាង ច្បាស់ក្រឡែតពីសំណាក់ក្រុមឈ្មួញនិងមន្ត្រីជំនាញនិងមេគយច្រកទ្វារ នេះលួចគៃបំបាត់ពន្ធរដ្ឋទៅតាមជំនាញដុះស្លែជាយូរឆ្នាំមកហើយ។ ហើយដែលបញ្ហានេះវាជាការឃុបឃិតគ្នាធូរលុងជាខ្សែបណ្តោយពីថ្នាក់ មេគយច្រកទ្វាររហូតដល់មេសាខាគយថ្នាក់ខេត្តបាត់ដំបងព្រមទាំងក្រុម អាជ្ញាធរដែនដីជំនាញតាមជាន់ថ្នាក់ផងដែរទើបបានជាអំពើពុករលួយនេះអាច ដុះស្លែរឹងមាំមកទល់ពេលនេះ។គួរបញ្ជាក់តាមប្រភពទម្លាយអោយដឹងទៀតថា៖ច្រកទ្វារតំបន់ដែល សម្បូរឈ្មួញនាំចូលទំនិញគេចពន្ធនេះគេហៅថាជាច្រកទ្វារ តំបន់សួនស៊ុំ (អូរអន្លក់)ក្នុងភូមិសាស្ត្រអូរអន្លក់ ឃុំតាសែន ស្រុកកំរៀង ខេត្តបាត់ដំបង។
បើតាមប្រភពបានទម្លាយអោយដឹងទៀតថា៖ដោយសារតែការបែងចែក ផលប្រយោជន៏ខ្មៅក្រោមតុមិនស្មើភាពនោះទើប១រយះចុងក្រោយនេះបែរជា បែកធ្លាយរឿងអាស្រូវពុករលួយជាបន្តបន្ទាប់រវៀងក្រុមឈ្មួញស្និទ្ធនិង ឈ្មួញមិនស្និទ្ធដែលបង់ពន្ធស្របច្បាប់ហើយនូវតែកោសរូសជម្រឹតទាថ្លៃ បាយហួសហេតុទៀតនោះទើបបានបែកធ្លាយដឹងលឺដល់ដៃអ្នកសារព័ត៌មាននោះ។
ដោយឡែក ជុំវិញការអសមត្ថរបស់មេគយច្រកទ្វារបណ្តោយអោយមានការហូរចូល ទំនិញគេចពន្ធយ៉ាងអនាធិបតេយ្យនេះយើងពុំអាចសុំទំនាក់ទំនងបានឯនាយ សាខាគយខេត្តបាត់ដំបង លោកប៉ាង វណ្ណថា ទូរស័ព្ទខលចូលរោទ៏ចោលតែពុំមានមនុស្សលើកជាច្រើនដង៕
ដោយ ៖ ត្មាតព្រំដែន
