ខេត្តបាត់ដំបង ៖លោកសៅប៊ុនរិទ្ឋប៉ូលិស អន្តោប្រវេសន៍ច្រកទ្វា រអន្តរជាតិដូង។ បច្ចុប្បន្នកំពុងត្រូវប៉ាន់ តាមរយៈបើក អោយពលករខ្មែរចំ ណាកស្រុកចេញ ទៅរកការងារធ្វើនៅ ក្នុងប្រទេសថៃ ដោយ ខុសច្បាប់ ជាថ្នូរ នឹងការ ទទួលបាន លុយចែកគ្នាដាក់ ហោប៉ៅផ្ទាល់ខ្លួន ។ សេចក្ដីរាយការណ៍ អះអាងថាលោក សៅ ប៊ុនរិទ្ឋប្រធាន នគរបាលផ្នែកអន្តោប្រវេសន៍ច្រកទ្វារអន្តរជាតិដូង មានកម្លាំងក្រោមការគ្រប់គ្រងបើកច្រករ បៀងមួយទៀតដែលគេនិយមដាក់ឈ្មោះថាច្រកដើមចាន់គីរីស្ថិតនៅខាងលិចច្រកដូង ឃុំបឹងរាំង ស្រុកកំរៀង ខេត្តបាត់ដំបង។ក្រុមប៉ូលិសអន្តោប្រវេសន៍របស់លោកសៅប៊ុនរិទ្ធ កំពុងតែប្រមូលប្រាក់ពីពលករចំណាកស្រុក ដែលមានបំណងវិលត្រឡប់មកពីធ្វើការ នៅប្រទេសថៃវិញក្នុងម្នាក់ៗ៣០០បាតនិងចេញទៅធ្វើការនៅប្រទេសថៃ ដោយខុសច្បាប់តាមរយៈមេខ្យល់ក្នុងម្នាក់ៗចាប់ពី២០០០បាតទៅ២៥០០បាត។ សេចក្តីរាយការណ៏បានឲ្យដឹងថា ពលករចំណាកស្រុកដែលត្រឡប់មកវិញក្នុងម្នាក់ៗត្រូវបានទាហ៊ានថៃ ទារប្រាក់ ២០០ បាត និងត្រូវបានក្រុមប៉ូលិសអន្តោប្រវេសន៍របស់លោក សៅ ប៊ុនរិទ្ធ ទាមទារប្រាក់ចំនួន ៣០០បាតបន្ថែមទៀតទើបឲ្យចូលមកទឹកដីកំណើតរបស់ខ្លួនវិញ ។ ពលករខ្មែរប្រសិនបើមិនបង់លុយទៅឲ្យក្រុមប៉ូលិសលោក សៅ ប៊ុនរិទ្ធ គឺមិនអាចចូលមកស្រុកកំណើតទាន់ពេលវេលានោះទេគឺត្រូវបានអាជ្ញាធរ ទាហានរបស់ថៃគំរាមចាប់វាយដំមិនខានប្រសិនបើយឺតយ៉ាវនោះ។ ដោយខ្លាចអំណាចសៅប៊ុនរិទ្ឋពលករបានសម្រេចចិត្តបង់លុយឲ្យទៅក្រុម ប៉ូលិសអន្តោប្រវេសន៍រូបនោះតាមរយៈមេខ្យល់របស់ពួកគេ។ បើតាមសេចក្ដីរាយការណ៍បានបញ្ជាក់បន្ថែមថាលោក សៅ ប៊ុនរិទ្ធ ដាក់បណ្ដាញ មេខ្យល់របស់ខ្លួនជាច្រើននាក់ដើម្បីប្រមូលលុយយ៉ាងស្ងាត់ៗទើបមិនល្បីដល់ ខាងអង្គភាពប្រឆាំងអំពើពុករលួយ នេះគឺជាយុទ្ធវិធីថ្មីដែលពួកគេនាំគ្នាច្របាច់.កពលករក្រីក្រចំណាកស្រុកតា មច្រករបៀងតូចៗដែលមួយថ្ងៃៗមានយ៉ាងតូចចំនួន២០០នាក់។ ប្រភពបន្តថាពលករខ្មែរត្រូវក្រុមប៉ូលិសអន្តោប្រវេសន៍ដែលជាកូនចៅលោក សៅ ប៊ុនរិទ្ធ ប្រើប្រាស់ពាក្យគម្រាមចាប់បញ្ជូនទៅស្ន ងការខេត្តបាត់ដំបងដាក់គុកបើមិនធ្វើតាមការបង្គាប់របស់មេខ្យល់នោះ៕
