កំពង់ស្ពឺ ៖ តាមក្រុមអ្នករកស៊ីទាំងតូចទាំងធំ ដែលដឹកទំនិញមកឆ្លងកាត់ខេត្តកំពង់ស្ពឺ ពិសេសឆ្លងកាត់ផ្លូវជាតិលេខ៤តែម្តង មិនអាចគេចផុតពីការតាមប្រមាញ់របស់ក្រុមកូនចៅលោក ស៊ុន សុធា មេនគរបាលសេដ្ឋសេដ្ឋកិច្ចថ្មីនេះឡើយ។ហើយទោះបីទំនិញទាំងនោះ មានច្បាប់ មានបង់ពន្ធគ្រប់ក៏ដោយ ក៏ត្រូវតែបង់សេវាពុករលួយនោះទៅឱ្យក្រុមនគរបាលរបស់លោក ស៊ុន សុធាអោយខាងតែបានផងដែរបើពុំដូច្នេះទេនិងត្រូវបានការរំខាន ក្លាយទៅជាបញ្ហាធំដុំមិនខាន។
ជាការពិត ប្រភពពីក្រុមមន្ត្រីនគរបាលខាងលើបានឱ្យដឹងទៀតថា ៖ ដូចជាពេលកន្លងមកលោក ស៊ុន សុធា ធ្លាប់ចុះទៅបំពេញការងារ នៅខេត្តស្ទឹងត្រែង និងខេត្តបាត់ដំបង ដោយសារតែគាត់ ល្មោភចាប់ជំរឹត ប្រជាពលរដ្ឋ អ្នករកស៊ី យកលុយខុសបែបបទ នោះ គាត់ក៏ត្រូវរងនូវការរិះគន់យ៉ាងខ្លាំង ពីរឿងកៀរគរក្រុមឈ្មួញ ដែលរកស៊ីដឹកជញ្ជូនឈើ និងទំនិញគេចពន្ធ ឱ្យចូលបង់លុយ ដើម្បីចៀសផុតពីការបង្ក្រាប និងធ្វើសកម្មភាពតាមអំពើចិត្តដោយគ្មានគោរពអាជ្ញាធរខេត្តនោះហើយ ក៏ត្រូវបានដកសេចក្ដីទុកចិត្ដនិងបណ្ដេញចេញពីខេត្តនោះ។ ប៉ុន្ដែដោយសារតែអំណាចលុយ ពុករលួយ ពីការចាប់ជំរឹតអ្នករកស៊ីបានច្រើននោះ ទើបគាត់អាចតូតណ្ដើមកៅអីពីលោក ជុង លឹមហាន និងលោក អ៊ុន សុធា បានប៉ុស្ដិទីតាំងខ្លាញ់យ៉ាងសង្ហា ហើយដាក់ការចាប់គាបសង្កត់ទៅលើមន្ត្រី អោយចាប់ជំរឹតក្រុមប្រជាពលរដ្ឋ អោយចូលបង់លុយដោយគ្មានឈ្មួញរូបណារួចខ្លួននោះទេ។
តាមសេចក្តីរាយការណ៍អោយដឹងទៀតថា៖គឺ លោក ស៊ុន សុធាអាងខ្លួនជា ប្រធានក្រុមនគរបាលប្រឆាំងបទល្មើសសេដ្ឋកិច្ចក្រសួងមហាផ្ទៃប្រចាំការ ពីបីខេត្តនេះបានចុះប្រតិបត្តិការដាក់ប៉ុស្តិយ៉ាងសកម្មបំផុតក្នុង ខេត្តកំពង់ស្ពឺ(បុស្តិឧត្តុង) និងផ្លូវជាតិលេខ៤ ហើយបានប្រើអំណាចឥទ្ធិពលថាជានគរបាលមហាផ្ទៃគ្របដណ្តប់ទៅលើមន្ត្រី នគរបាលរបស់ខេត្ត តាមរយៈនៃ ការដាក់ពង្រាយកុងត្រូលជជុះ និងឱ្យកូនចៅដេញបង្ក្រាបក្រុមអ្នករកស៊ី ជម្រិតយកលុយដូចហ្វូងគោយ៉ាងអនាធិបតេយ្យបំផុតជាជាងការស្វែងរក បង្ក្រាបបទល្មើសសេដ្ឋកិច្ចដែលបញ្ហានេះមិនគួរបើក្រសួងមហាផ្ទៃ មើលរំលងទង្វើកំពង់ប្រឹងចាប់ទំនិញស្រង់ដើមរបស់គាត់នោះទេ ។
មិនតែប៉ុណ្ណោះ មន្ត្រីបានលើកឡើងថា៖ចាប់តាំងពីលោក ស៊ុន សុធា បានទទួលលិខិតបេសកកម្ម ជាប្រធានក្រុមប៉ូលិសប្រឆាំងបទល្មើសសេដ្ឋកិច្ចក្រសួងមហាផ្ទៃ ប្រចាំប្រតិបត្តិការខេត្តកំពង់ស្ពឺ កាលពីដើមខែសីហា កន្លងទៅមកទល់នឹងពេលនេះគឺ លោក ស៊ុន សុធា បានបែងចែកកម្លាំងក្រោមឱវាទទៅតាមជំនាញ ដើម្បីអោយប្រឹងក្ដោបប្រមូលយកលុយបង់អោយមេថ្នាក់លើយកមកបង់ជូន គាត់ ហើយគាត់ចាំដេកអេះពោះ ប្រមូលលុយដុំៗយ៉ាងត្រជាក់មេជើង និងយកទៅបង់ជូនថ្នាក់លើបន្តផងដែរដើម្បីការពារប៉ុស្តិថ្មីដែល ទើបតែតណ្ដើមបាននោះដោយពុំខ្ចីខ្វល់ពីតួនាទិទប់ស្កាតបទល្មើស នោះឡើយ ។
បើតាមក្រុមអ្នករកស៊ី ដឹកជញ្ជូនឈើ និងទំនិញ តាមផ្លូវជាតិលេខ៥ ត្រូវតែទំនាក់ទំនង ចូលបង់លុយឱ្យនគរបាលសេដ្ឋកិច្ច ក្រសួងមហាផ្ទៃ ក្រោមបញ្ជារបស់លោក ស៊ុន សុធា ដែលដាក់ប៉ុស្តិ៍នៅក្បែរផ្សារឧដុង្គផងដែរ ទៅតាមតម្លៃ ដែលពួកគេបានកំណត់ មានដូចជា លុយប្រចាំខែ ប្រចាំជើង និងលុយថ្លៃបាយ យ៉ាងតិច១ម៉ឺនទៅ២ម៉ឺនរៀលនោះទេគឺតម្រូវអោយបង់ចំពោះទំនិញ ស្របច្បាប់ ជាថ្លៃបាយដ៏លើសលប់ទៅក្រុមមន្ត្រី ដែលប្រចាំការតាមប៉ុស្តិ៍ជជុះទាំងនោះ។
ឯសម្រាប់ក្រុមឈ្មួញ ដែលរកស៊ីដឹកជញ្ជូនទំនិញខុសច្បាប់លើសលប់តាមរថយន្តយីឌុប ទាំងខ្សែៗនោះ ភាគច្រើនដឹកទំនិញគេចពន្ធ ឬទំនិញខុសច្បាប់ដាច់ខាតត្រូវទំនាក់ទំនង បង់លុយដុំលុយខែជូនលោក ស៊ុន សុធា តាមរយៈមន្ត្រីដែលឈរជើងប្រចាំការនៅតាមប៉ុស្តិ៍ដូចជាក្រុមឈ្មួញ បង្ហើប់ថាក្នុងមួយកុងតឺន័រត្រូវបង់ខែចាប់ពី១៥០០,៣០០០$។ ហើយក្រៅពីនេះ ក៏មានមន្ត្រីក្រោមឱវាទច្រើនទៀត ដែលមានជំនាញស្ពាយកាតាប ដើរប្រមូលលុយពីឈ្មួញ តាមក្រុមហ៊ុន ឬតាមហាងកាហ្វេ តាមផ្ទះធ្វើអាជីវកម្មជម្រិតយកលុយដោយគ្មានអៀនខ្មាសទៀតផងព្រោះថាជា ការដើរប្រមូលយកលុយបង់ខែធ្វើមានបានយ៉ាងត្រេកត្រអាលបំផុតមិនគួរ មើលរំលងនោះទេ។
ពាក់ព័ន្ធទៅនឹងមន្ដ្រីប្រភពទម្លាយរឿងរ៉ាវខ្សឹបខាងលើនេះដែរ ក្រុមអ្នករកស៊ីក៏បានខ្សឹបប្រាប់ក្អោយយើងដឹងទៀតថា៖ ជារៀងរាល់ថ្ងគឺ ក្រុមអ្នករកស៊ី ដែលបានដឹកជញ្ជូនទំនិញ ទាំងតូចទាំងធំ ឆ្លងកាត់ផ្លូវជាតិលេខ៤ ពីខេត្តព្រះសីហនុ និងខេត្តកោះកុងក៏មានប្រតិកម្មបានរអ៊ូរទាំពីសកម្មភាពកោសរូស បង្ខំឱ្យបង់លុយពុករលួយផ្ដេសផ្ដាសទៅអោយមន្ត្រី ប៉ូលិសសេដ្ឋកិច្ច ក្រសួងមហាផ្ទៃក្រោមការដឹកនាំរបស់លោក ស៊ុន សុធា ដែលឈរជើង នៅតាមដងផ្លូវជាតិលេខ៤ និងទូទាំងខេត្តកំពង់ស្ពឺនោះ។
ពិសេសក្នុងស្រុកភ្នំស្រួចនោះតែម្ដងដែលក្រុមប៉ូលិសនេះបានដាក់ កំហិត ឱ្យពួកគាត់ប្រជាពលរដ្ឋឈ្មួញត្រូវតែបបង់លុយទៅអោយពួកគេតាមតែអំពើ ចិត្ត មិនអាចសុំចុះថ្លៃបានទេ ក្រោមលេស ធ្វើតាមបញ្ជា របស់មេថ្មី (លោកស៊ុន សុធា)ហេស៏មិនធម្មតាទេ។
ជាងនេះទោទៀតមន្ត្រីនគរបាលនៅក្នុងនាយកដ្ឋានដែលអត់ខ្សែធ្លាប់ ប្រចាំការប៉ុស្ដនោះក៏បានលើកឡើងដែរថា៖គឺថា លោៈក ស៊ុន សុធាដែលទទួលបានការងារត្រួតត្រាអ្នករកស៊ីក្នុងតួនាទីជាប្រធាន ក្រុមប៉ូលិសសេដ្ឋកិច្ចក្រសួងមហាផ្ទៃប្រតិបត្តិការខេត្តកំពង់ស្ពឺ តាមផ្លូវជាតិលេខ៤នេះគឺគាត់បានចាយ ចាយលុយទិញយក លិខិតបេសកកម្ម ពីលោកផ្កាយ៣ ចាន់ វ៉ាន់ធឿន ប្រធាននាយកដ្ឋានប្រឆាំងបទល្មើសសេដ្ឋកិច្ចក្រសួងមហាផ្ទៃ ដើម្បីបានចុះបំពេញភារកិច្ចអស់ជ្រាើនសែនដុល្លារអ៊ីចឹងហើយមិនអោយ គាត់លោក ស៊ុន សុធា ប្រឹងដាក់ផែនការឱ្យកូនចៅតាមជម្រិញចាប់ទំនិញក្រុមអ្នករកស៊ី ខុសច្បាប់នោះ។ដូច្នេះមន្ដ្រីដែលដាក់ចុះគឺសុទ្ធតែមានជំជំនាញខាង ចុះប៉ុស្តិ៍ដេញចាប់ជម្រឹតនិងប្រដេញរថយន្តដឹកទំនិញគ្រប់សារពើបង្ខំ យកលុយអោយខាងតែបានបើពុំនោះទេគឺប្រាកដជាខានបានចុះប៉ុស្តិ មិនខានឡើយ។រឿងដែលគួរអោយញាក់សាច់នោះគឹការប្រដេញឡានដឹកឈើរបស់ ក្រុមឈ្មួញរកស៊ីដឹកឈើប្រណីតនោះតែម្ដង។
ដោយឡែកពាក់ព័ន្ធនឹងពតិមានអាស្រូវនេះក៏គ្មានអ្នកណាហ៊ានក្អក ជាមួយដែរ ព្រោះមានសេចក្តីរាយការណ៍ថាៈលោកវរសេនីយ៍ ស៊ុន សុធា ប្រធានក្រុមនគរបាលប្រឆាំងបទល្មើសសេដ្ឋកិច្ចក្រសួងមហាផ្ទៃ ប្រតិបត្តិការខេត្តកំពង់ស្ពឺ នោះ គាត់ មានខ្នងបង្អែករឹងមាំ ថ្នាក់ឧបនាយករដ្ឋមន្ត្រីជួយជ្រោមជ្រែងនិងមានចំហាយអំណាចពីឪពុកជា អ្នកតំណាងរាស្ត្រផងដែរ ទើបបានជាមកទល់ពេលនេះគ្រាន់តែកាន់តំណែងមិនទាន់បានពីរបីថ្ងៃផង បែរជាបែកធ្លាយរឿងអាស្រូវពុករលួយព្រមទាំងធ្វើអោយមានការរិះគន់យ៉ាង ខ្លាំងទៅក្រសួងមហាផ្ទៃថា៖គួរតែមានវីធានការនឹងដាក់ការស៊ើបអង្កេត ជាបន្ទាន់ផងដែរ៕
ដោយ សថ្លា ,ស្ទាំងស
