ខេត្តពោធិសាត់៖ គួរអោយសោកស្តាយខ្លាំង ណាស់!កូនត្រីចំរុះល្អិតៗ រ៉ាប់១០0រ៉ាប់ពាន់តោន ដែលប្រជានេសាទ ចាប់ ដោយប្រើឧបកណ៍ទំនើប ខុសច្បាប់ មូលហេតុ យកត្រីទាំងនេះទៅអោយ ចំណីត្រីរសនិងត្រីឆ្តោរ វាស៊ីក្រោយមាន ច្បាប់អនុញ្ញាតអោយ ចិញ្ចឹមត្រីឆ្ដោរនិងត្រី រសវិញ។
សួរថាទង្វើ បែបនេះតើ ចំណេញដែរឬខាត ។ ពិតជាខាតធ្ងន់ធ្ងរ ខ្លាំងណាស់។ បើយោងតាម សម្ដីរិះគន់ របស់ប្រជាពលរដ្ឋ ខ្មែរបានលើកឡើង ថាការចិញ្ចឹមត្រីរស និងត្រីឆ្ដោរនេះ
ទី១-ធ្វើអោយ ប្រជានេសាទបង្ខំចិត្ត ប្រើឧបកណ៍បច្ចេក ទេសខុសច្បាប់ដើម្ បីនេសាទយក កូនត្រីចម្រុះគ្រប់ប្រភេទយកទៅអោយត្រីរសនិងត្រីឆ្ដោរព្រមទាំងត្រីដែលចិញ្ចឹមផ្សេងៗទៀតស៊ី។ទី២-បើសិនការចិញ្ចឹមត្រីឆ្តោរនោះធ្វើឡើងតាមការណែនាំរបស់មន្ត្រីជំនាញនោះវាមិនមានផលប៉ះពាល់អ្វីទេ។ប៉ុន្តែ ប្រជានេសាទគាត់មិនគោរច្បាប់និងមិនស្ដាប់ការណែនាំទាល់តែសោះគាត់នៅតែឃុបឃិតគ្នាជាមួយមន្ត្រីជំនាញលួចប្រើប្រាស់ឧបកណ៍ខុសច្បាប់ ព្រោះថា៖កូន ត្រីចម្រុះល្អិតៗទាំងនោះគ្មានទីផ្សារឡើយក្រៅពីធ្វើត្រីនុយគឺពេលនេសាទបានមានតែចាក់ចោលស្អុយពេញទន្លេតែប៉ុណ្ណោះ។
ទី៣-តាមការវិភាគតាំងពីឆ្នាំ២០១១មក ធនធានមច្ឆាជាតិមានការធ្លាក់ចុះបន្តិចម្តងៗរហូតមកដល់ឆ្នាំ២០១៦ធនធានមច្ឆាជាតិនៅសល់តែប្រមាណ១០ភាគរយបុណ្ណោះ
ទី៤-ការបង្ក្រាបនិងទប់ស្កាត់បទល្មើលនេសាទសព្វថ្ងៃគ្មានប្រសិទ្ធភាព ដូចនេះបើគ្មានការយកចិត្តទុកដាក់និងមានវិធានការអោយបានតឹងរឹងនិងមានប្រសិទ្ធភាពនោះទេធនធានមច្ឆាជាតិច្បាស់ជារលាយបាត់បង់ផុតពូជអស់ជាក់ជាមិនខានព្រោះសព្វថ្ងៃឧបករណ៍នេសាទទំនើបៗខុសច្បាប់ប្រភេទឆ្នុក និងបរស្បៃមុងព្រមទាំងរបាំងលបណរាវប្រវែងរាប់ពាន់ម៉ែត្រនិងមានរាប់ពាន់សង្កាត់ដោយប្រើសាច់អួនក្រឡាញឹកស្បៃមុងនាដូវបិទនេសាទកំពុងបង្ហាញវត្តមានពាសពេញផ្ទៃបឹងទន្លេសាបចាប់ពីចំណុចព្រំប្រទល់កំពង់ឆ្នាំង ពោធិសាត់ ទៅដល់កំពង់ថ្គោល កំពង់ឃ្នាស កំពង់ប្រាក់ កោះក្អែក ផាត់សណ្ដោង រាំងទិលរហូតដល់ ដីរនាតស្ថិតក្នុងទឹកដីស្រុកក្រគរនិងស្រុកកណ្ដៀងព្រំប្រទល់ខេត្តបាត់ដំបង ពោធិសាត់ដែលជាដែនសមត្ថកិច្ចគ្រប់គ្រងដោយលោកពុំវិមល់ជានាយខ័ណ្ឌរដ្ឋបាលជលផលខេត្តពោធិសាត់នោះកំពុងកាក់កបនិងទឹកប្រាក់បង់សំណូកក្រោមតុរាប់ម៉ឺនដុល្លារក្នុង១ឆ្នាំៗទើបក្រុមអ្នករកស៊ីនេសាទខាងដំណើរការទៅបានយ៉ាងរលូនបែបនេះ៕
