ខេត្តកោះកុង: ប្រភពដដែលបានបញ្ជាក់ថា បទល្មើសកើតឡើងដោយសារតែមន្ត្រីជំនាញបានឃុបឃិតជាមួយឈ្មួញដើម្បី ទទួលបានផលប្រយោជន៍ ហើយក្នុងករណីនេះលោក ម៉ៅ ច័ន្ទវិជ្ជា ជាមន្ត្រីនគរបាលប្រឆាំងបទល្មើសេសេដ្ឋកិច្ចក្រសួងមហាផ្ទៃឈរជើងនៅ ខេត្តកោះកុង ត្រូវគេដឹងថាមានពាក់ព័ន្ធក្នុងបទល្មើសសេដ្ឋកិច្ច ហើយបញ្ហាទាំងនេះកំពុងធ្វើឲ្យធ្វើឲ្យប្រជាពលរដ្ឋរិះគន់កាន់តែខ្លាំងឡើងៗប្រជាពលរដ្ឋខេត្តកោះកុងបានរាយការណ៍នៅចុងសប្តាហ៍នេះថាសព្វថ្ងៃនេះ ករណីនាំចូលទំនិញគេចពន្ធ និងទំនិញខុសច្បាប់នៅតែកើតមានច្រើនករណីជារៀងរាល់ថ្ងៃដដែល ខណៈមន្ត្រីជំនាញ និងបក្ខពួកកំពុងតែប្រមូលលុយពីឈ្មួញយកធ្វើមានបានយ៉ាងរលូន។
ទំនិញគេចពន្ធមានដូចជាម៉ូតូ គ្រឿងបន្លាស់ផ្សេងៗ ព្រមទាំងផលិតផលគ្រឿងឧបភោគ បរិភោគ និងបន្លែផ្លែឈើផងនោះ ត្រូវគេដឹងថាឈ្មួញបានដឹកជញ្ជូនចូលកម្ពុជាតាមច្រកទ្វារអន្តរជាតិ ចាំយាមនៅខេត្តកោះកុងជារៀងរាល់ថ្ងៃ។ ប្រជាពលរដ្ឋខេត្តកោះកុង បានបង្ហើបថា ទំនិញនាំចូលមួយចំនួនបានបង់ពន្ធជូនរដ្ឋត្រឹមត្រូវ ខណៈទំនិញមួយចំនួនទៀតមិនបានបង់ពន្ធជូនរដ្ឋនោះទេ គឺនាំចូលដោយមានការឃុបឃិតរវាងមន្ត្រីជំនាញនៅមាត់ច្រកទ្វារ និងក្រុមឈ្មួញ ហើយក្រុមឈ្មួញក៏ត្រូវបង់លុយតាមផ្លូវបន្តទៀតឲ្យមន្ត្រីជំនាញផ្សេងៗ មានដូចជា លោក ម៉ៅ ច័ន្ទវិជ្ជា មន្ត្រីនគរបាលប្រឆាំងបទល្មើសសេដ្ឋកិច្ចក្រសួងមហាផ្ទៃឈរជើងនៅ ខេត្តកោះកុងជាដើម។
មន្ត្រីកាំកុងត្រូលខេត្តកោះកុងមួយរូបបានបង្ហើបថា គិតពីដើមឆ្នាំ២០១៦ដល់ខែកញ្ញានេះ ប្រទេសកម្ពុជាបាននាំចូលម៉ូតូស៊េរីទំនើបពីប្រទេសសៀមចូលប្រទេស កម្ពុជាតាមច្រកទ្វារអន្តរជាតិចាំយាមចំនួនជាង៤០០០គ្រឿងហើយ តែក្នុងចំណោមម៉ូតូទាំងជាង៤០០០គ្រឿងនោះ មួយចំនួនធំបានបង់ពន្ធជូនរដ្ឋត្រឹមត្រូវ ខណៈម៉ូតូរាប់រយគ្រឿងទៀតមិនបានបង់ពន្ធជូនរដ្ឋនោះទេ ដែលបញ្ហានេះគេសង្ស័យថាមានការឃុបឃិតគ្នារវាងមន្ត្រីជំនាញ និងឈ្មួយនាំចូលមិនខាន។
ជុំវិញបញ្ហាខាងលើនេះ ប្រជាពលរដ្ឋខេត្តកោះកុង បានរិះគន់ថា រដ្ឋាភិបាលតាមរយៈក្រសួងសេដ្ឋកិច្ច និងហិរញ្ញវត្ថុ ក្រសួងមហាផ្ទៃ ក្រសួងពាណិជ្ជកម្ម ពិសេសអង្គភាពប្រឆាំងអំពើពុករលួយ គប្បីសហការគ្នា ធ្វើការស៊ើបអង្កេតភាពមិនប្រក្រតីនៅខេត្តកោះកុងខ្លះផង ព្រោះរឿងអាស្រូវពុករលួយនៅខេត្តកោះកុងតាមរយៈការឃុបឃិតគ្នារវាង មន្ត្រីជំនាញ និងឈ្មួញខិលខូចប្រព្រឹត្តបទល្មើសេដ្ឋកិច្ចក្នុងរូបភាពផ្សេងៗបាន កើតឡើងច្រើនឆ្នាំមកហើយ តែមន្ត្រីជំនាញទាំងនោះនៅតែអាចឈរជើងបានដដែល ហើយជីវភាពរបស់ពួក.។
