រាជធានីភ្នំពេញ ៖ មន្ត្រីគយតូចតាចបាន អះអាងថា នៅអគ្គនាយកដ្ឋានគយ តាំងពីយូរណាស់មកហើយ គឺគ្មានទេ ពាក្យថា តម្លាភាព និងយុត្តិធម៌ ព្រោះថា អ្នកណាមានលុយ មានសែស្រឡាយ គឺឡើងបុណ្យ ឡើងសក្កិរហ័ស ណាស់ ហើយបានទៅកាន់ កន្លែងខ្លាញ់ ដែលគេហៅថា ប៉ុស្តិ៍លេខ១ ហៅថាប៉ុស្តិពិសេស នោះថែមទៀត ។ ប៉ុន្តែបើមន្ត្រីគ្មានសែស្រឡាយ ឬលុយសូកក្រោមតុនោះ ប្រាកដជា ដេកហិតខ្យល់ ឬស៊ីក្រដាស ក្នុងប៊ុយរ៉ូហើយ ។ចូលមកដល់សម័យលោកគុណញឹមជាមេគយទៀតក័ស្ថាប័នគយ នៅតែដដែល គ្មានការកែប្រែ ឬកំណែទម្រង់ស្អីទេ ឬអាចនិយាយថា យ៉ាប់ជាងមុនទៅទៀត ។
មន្ត្រីគយជាច្រើនមានការមិនសប្បាយចិត្តចំពោះសកម្មភាពលោកគុណញឹមដែលតាំងពីបានឡើងធ្វើជាមេគយធំដែលមិនព្រមធ្វើការកែទម្រង់ផ្ទៃក្នុងគយតាមអនុសាសន៍តេជោសែននាយករដ្ឋមន្ត្រី។ជាកស្តែងថ្មីៗនេះ លោកគុណញឹមបានរៀបចំបក្ខពួកដោយតែងតាំងលោក កែវ អង្កាមឲ្យធ្វើជា ជាមេគយភូមិភាគទទួលគ្រប់គ្រង ៥ខេត្ត រួមមាន ខេត្តកំពង់ស្ពឺ កោះកុង ព្រះសីហនុនិងកំពតនិងកែបបានធ្វើឲ្យមន្ត្រីគយនិយាយដើមមេរបស់ខ្លួនថាបង្ករភាពការយាល័យធិបយ្យមិនកែព្រមកែទម្រង់ អីបន្តិច។
ប្រភពពីមន្ត្រីគយបានបន្តទៀតថា លោក កែវ អង្កាម គឺជាប្អូនប្រុសបង្កើត របស់លោក កែវ សុឃាង អតីតមេគយចល័ត បច្ចុប្បន្នជាប្រធាននាយកដ្ឋាន គ្រប់គ្រង តំបន់សេដ្ឋកិច្ចពិសេស ។ ដូច្នោះការតែងតាំង លោក កែវ អង្កាម ឲ្យទៅធ្វើមេភូមិភាគ ត្រួតត្រា៥ ខេត្ត ខាងលើ អាចថា ជាការតែងតាំង តាមសែស្រឡាយ ឬលុយកាក់ ព្រោះអ្នកណាក៏ដឹងដែរថា ខ្សែលោក កែវសុឃាងដែលធ្លាប់ទទួលរងការរិះគន់អំពីការប្រព្រឹត្តអំពើពុករលួយបង្កឲ្យគាត់ មានទ្រព្យសម្បត្តិ ក្រាស់ឃ្មឹកស្មើរមហាសាល ។ ជាក់ស្តែងឈ្មោះ កែវ វិទូ ជាកូនប្រុសរបស់លោក កែវ សុខឃាង ជាអតីតមេគយចល័ត និងជាមហាសេដ្ឋី ដ៏មានអំណាច ត្រូវបានមន្ត្រីពន្ធនាគារ ប៉េហ្ស៊ី ដោះលែងឲ្យមានសេរីភាពវិញ កាលពីព្រឹកថ្ងៃទី១៧ ខែ មិថុនា ឆ្នាំ២០១៥ បន្ទាប់ពីត្រូវបានសាលាដំបូងរាជធានីភ្នំពេញផ្តន្ទាទោសរយះពេល៨ខែពីរឿងប្រើអាវុធខុសច្បាប់បាញ់បោះសេរីនៅមជ្ឍមណ្ឌលកំសាន្តរ៉ក។ ប៉ុន្តែពិរុទ្ធជន ឈ្មោះ កែវ វិទូ ទើបតែបានអនុវត្តទោសចំនួន ៣ ខែ ប៉ុណ្ណោះ ក៏ត្រូវបានដោះលែង ទៅតាមអំណាចទឹកលុយ របស់ឪពុក ដែលជាមហាសេដ្ឋីជាយួរណាស់មកហើយ។
