ភ្នំពេញ៖ មកទល់ពេលនេះ ករណីប្រព្រឹត្តអំពើពុករលួយ របស់មេគយច្រកទ្វារត្រពាំងផ្លុង ប៉ុន ប៊ុណ្ណា ដែលឃុបឃិត ជាមួយ ក្រុមឈ្មួញ និងក្រុមហ៊ុនបង់ពន្ធ មិនគ្រប់លើគ្រប់ប្រាន ភេទទំនិញនាំចូលពី ប្រទេសយួន ហើយត្រូវបានបែក ធ្លាយនោះ រហូតមកដល់ពេលនេះ គេពុំឃើញចំណាត់ការ ទប់ស្កាត់អំពើពុករលួយ របស់អង្គភាពនេះ មានវិធានការផ្លូវច្បាប់រដ្ឋាបាលទៅ លើបុគ្គលប៉ុនប៊ុណ្នានូវឡើយ។
ពាកព័ន្ធនឹងបញ្ហខាងលើ គេសង្ស័យថា អាចមានអំពើពុករលួយ ទើបបានទ្វើអោយលោក នាយអគ្គនាយកដ្ឋានគយ គុណ ញឹម ក្លាយជាងាប់ត្រគៀក មិនព្រមអនុវត្តកំណែទម្រង់គយដាក់ទណ្ឌកម្មទៅលើបុគ្គលប៉ុនប៊ុណ្នាដែលប្រព្រឹត្តអំពើពុករលួយនោះ ។យោងតាមករណីបែកធ្លាយទំនាស់រវាងគយ និងផ្ទៃក្នុងគយនិងក្រុមឈ្មួញនិងឈ្មួញស្និទ្ធ ប៉ុន ប៊ុណ្ណា ទម្លាយអោយដឹងថា ៖ គឺមានករណីឃុបឃិតបង់ពន្ធមិនគ្រប់ ឬបង់តែ១០%និង៣០%ប៉ុណ្ណោះ ។ ហើយហ៊ានទាំងបន្លំប្ដូរថា ប្រភេទទំនិញនាំចូលពីថ្លៃមកថោក តាមរូបភាពអេឡិចត្រូនិច ទៅជាក្រដាស់អនាម័យយ៉ាងពេញបន្ទុក ។ ហើយដែលករណីនេះ គេហៅថាចោរគៃបំបាត់ពន្ធរដ្ឋ ដែលគួរត្រូវបានស៊ើបអង្កេតទៅលើមេគយច្រកទ្វារនេះមិនគួរលាក់បាំងជួយការពារជនពុករលួយនោះទេ។
តាមផ្ទៃក្នុងគយអោយដឹងទៀតថា បើគេចង់រកមិនពិបាករកនោះទេ តាមការស្រាវជ្រាវវិក័យបត្ររបស់ការនាំចូលទំនិញយាយញាប់ ដែលគាត់គឺជាឈ្មួញស្និទ្ធម្នាក់ក្នុងចំណោមឈ្មួញជាច្រើននាក់ស្និទ្ធមេគយប៉ុនប៊ុណ្នាច្រកទ្វារត្រពាំងផ្លុង ខេត្តត្បូងឃ្មុំ ក្រោមការគ្រប់គ្រងរបស់មេគយសំបូររឿងអាស្រូវពុករលួយ នូ ស៊ីថា នោះ ។ជាក់ស្ដែង មានការលើកឡើងថា ក្រៅពីត្រូវប៉ាន់លាភសក្ការៈជាមួយមេឈ្មួញធំៗហើយគឺ ប៉ុន ប៊ុណ្ណា មិនលើកលែងចំពោះប្រជាពលរដ្ឋណាម្នាក់ឡើយ គឺគាត់អាងអំណាចជាមេគយច្រកទ្វារបា នឃុបឃិតបញ្ជាអោយកូនចៅជម្រិតយកលុយពីប្រជាពលរដ្ឋឆ្លងដែនយកដំឡូងមីទៅលក់ ដោយគ្មានការយោគយល់ទេ ។
ជាងនេះទៅទៀត ប្រភពមន្ត្រីបានអោយដឹងទៀតថា តាំងពីបានកាន់តំណែងជាមេគយច្រកទ្វារពេលណាមកគឺមេគយប៉ុនប៊ុណ្នាមិនដែលញញើតខ្លាចពីច្បាប់កំណែទម្រង់ផ្ទៃក្នុងគយសូម្បីបន្តិច ។ បើទោះជាកន្លងមក ធ្លាប់បែកធ្លាយអំពើពុករលួយរឿងឃុបឃិតជាមួយក្រុមឈ្មួយបង់ពន្ធមិនគ្រប់ក៏ដោយ ព្រោះអីគឺគាត់ត្រូវប៉ាន់ពីចំណូលខ្មៅឃុបឃិតផ្សេងៗក្រោមតុយ៉ាងពេញបន្ទុកដូច្នេះ រឿងអីបុគ្គល ប៉ុន ប៊ុណ្ណា ត្រូវព្រឺខ្លាចនឹងច្បាប់ប្រឆាំងអំពើពុករលួយ នឹងកំណែទម្រង់ប្រមូលពន្ធដែលរដ្ឋាភិបាលដាក់ចុះនោះ ។មិនតែប៉ុណ្ណោះ តាមក្រដាសពន្ធរបស់យាយញាប់ដែលមន្ត្រីចាប់បានទម្លាយអោយដឹងថា បញ្ជីរអត្ត្រាពន្ធ៧ភាគរយប៉ុណ្ណោះ តែបង់លើពន្ធឡានតូច៦លានរៀល បែរជាមានថ្លៃបាយ៣លានរៀល និងឡានធំបង់៩លានរៀល ឯថ្លៃបាយវិញក៏៥លានរៀលដែរ ។ នេះជាបញ្ហាដែលម្រន្តីបានលើកឡើងសម្រាប់ឡានតូចដែលអត្រាពន្ធត្រូវបង់១០លានរៀល តែថ្លៃបាយវិញបែរជា៥លានរៀល ។ ដូចជាទំនិញចាប់ហ៊ួយអត្រាពន្ធឡានតូច៣០% ត្រូវបង់២២លានរៀល ឯថ្លៃបាយវិញ៥លានរៀលដែរ។
បើតាមសេចក្ដីរាយការទម្លាយដោយក្រុមឈ្មួញនិងមន្ត្រីនេះ សបញ្ជាក់អោយឃើញពីការកេងប្រវ័ញ្ចកឹបកេងពន្ធរដ្ឋយ៉ាងពេញបន្ទុក យកទៅធ្វើមានបានផ្ទាល់ខ្លួន និងបក្ខពួក ដែលក្រុមឈ្មួញសូកប៉ាន់អោយមានការសម្របសម្រួលយ៉ាងច្បាស់ក្រឡែតគួរត្រូវកត់សម្គាល់ ៖ គឺបង់ពន្ធផង សូកប៉ាន់ថ្លៃបាយផង ដូច្នេះបញ្ហានេះ គេគួរតែដឹងថា គឺមេគយប៉ុន បុណ្ណា គេចពីការបកអាក្រាតថា ពុករលួយពីមន្ត្រីនិងក្រុមឈ្មួញនោះពុំផុតទេ ។ ហើយជុំវិញកាបកអាក្រាតអំពើពុករលួយនេះ លោក ប៉ុន ប៊ុណ្ណា តែងគេចវេសនឹងបិតទូរសព្វ។ដោយឡែក ជុំវិញបញ្ហានេះ គួរតែលោករដ្ឋមន្ត្រី អូន ព័ន្ធមុនីរ័ត្ន និងអង្គភាពប្រឆាំងអំពើពុករលួយដាក់ការស្រាវជ្រាវពីសកម្មភាពរបស់មេគយ ប៉ុន ប៊ុណ្ណា ជាបន្ទាន់ផង ដើម្បីទប់ស្កាត់ការបាត់បង់ចំណូលខុសខ្ទង់រដ្ឋក្នុង១ខែរាប់លានដុល្លារនោះដែលហូរចូលទៅលើតែហោប៉ៅពុករលួយរបស់មន្ត្រីខូចខឹលដូចបុគ្គល ប៉ុន ប៊ុណ្ណា ?៕
